Ezekiel 39:17 - Maung A Balita Biblia

¹⁷ Say Katawan a Dios kuantod siak, “Sika a toon ompatey, paragom ya amin iray manok tan ayayep a walad kaliber-liber, ta mangan iray bagat ya ipaparaan kon para sikara. Balbaleg yan nagawan pista ed kapalandeyan na Israel, tan dia ra makapangan na karni tan makainom na dala.

Maung a Balita Biblia

¹⁷ Say Katawan a Dios kuantod siak, Sika a toon ompatey, paragom ya amin iray manok tan ayayep a walad kaliber-liber, ta mangan iray bagat ya ipaparaan kon para sikara. Balbaleg yan nagawan pista ed kapalandeyan na Israel, tan dia ra makapangan na karni tan makainom na dala.

Ezekiel 39:17 Referans Kwoze

Sofonias 1:7

Asingger lay isabi na agew ya onyorung a manintinsia so Katawan, kanyan mandeen kayo ed arap to. Ipaparaan na Katawan ya ibagat iray totoo to tan binagaan to ray kalaban a manamsam ed kayamanan na Juda.

Ezekiel 39:4

Diad satan sikato tan saray sondalo to et ompatey iran kibalatar ed kapalandeyan na Israel tan paolyan kon kanen na saray manok tan saray ayayep ed katakelan iray bangkay da.

Jeremias 12:9

Saray pinilik a totoo et singa ra sakey a manok a niliktub tan sinibar na saray baga. Padago yo ray ayayep ed katakelan, ta pampera yo ran mangan!

Isaias 34:6

Naames so ispada to na dala tan taba ra a singa dala tan taba na saray nibagat a kordiro tan kanding. Mangibagat so Katawan ed siudad na Bosra; gawaen to ya a pamatey na dakerakel a totoo ed dalin na Edom.

Isaias 56:9

Say Katawan imbaga tod saray arum a bansa ya ondago ran singa saray ayayep ed takel tan buagen da ray totoo to.

Jeremias 46:10

Sikato yay agew na Katawan a Dios a Makapanyarin-amin: ombawi natad sayan agew; dusaen to ray kalaban to natad sayan agew. Kanen ira na ispada to ya anggad napsel; inomen toy dala ra ya anggad apenek. Ibagat natad sayan agew na Makapanyarin-amin iray kalaban ton inaatey diad baybay ya asingger ed Eufrates.

Isaias 18:6

Saray bangkay na saray sondalo ra et natilak irad pasen a nasabi na saray manok tan saray ayayep. No panaoy tiagew kanen ira na saray manok, tan no panaoy ambetel buagen ira na saray ayayep.”

1 Samuel 17:46

Diad sayan agew say Katawan iyawat to kad limak; taloen ta ka tan potuten koy olom. Saray bangkay da ray sondalon Filisteo et ipakan kod saray manok tan saray ayayep. Naamtaan ed satan na intiron mundo a say Israel et walay Dios to,

1 Samuel 16:3

Imbitaan moy Jesse ed bagat, tan ibagak ed sikay gawaen mo. Lanaan mon manari so lakin ibagak ed sika.”

Genesis 31:54

Amatey na sakey ya ayep tan imbagat tod man ed palandey, insan to inimbitaan a mangan iray totoo to. Kasumpal dan angan, pinalabas day labi diad saman a palandey.

Mateo 24:28

“No iner so kawalaay bangkay, diman so pandadagopan da ray buitri.”

Isaias 34:7

Saray totoo napelag iran singa saray bakad katakelan tan saray kilaw a bakan kalakyan tan nabalangaan na dala so mundo tan nalayanapan na taba.

Jeremias 25:33

Diad satan ya agew, saray pinapatey na Katawan kitongilang ed intiron mundo so bangkay da. Anggapoy manermen ed sikara. Anggapoy mangisinup odino mangipompon na bangkay da. Nabunbunton irad dalin a singa taiy ayayep.

Ezekiel 39:16

(Diad asingger diman niwala so baley ya inaon so ngaran to ed ngaran na saman a grupoy sondalo). Kanyan say dalin nalinisan lamet.”

Isaias 29:2

insan say Dios iyakar toy deral ed siudad a tatawagey “altar na Dios.” Niwalad satan so panakis tan panagugol, tan say intiron siudad et magmaliw a singa altar a naames na dala.

Ezekiel 29:5

Ibantak ta kad kalawakan, pati saray amin a sira. Nabaldak ed dalin so laman mo tan natilak diman ya ag la nikotkot. Iter ko lan siraen na saray manok tan saray ayayep.