Ezekiel 38:19 - Maung A Balita Biblia

¹⁹ Ibabawag ko a diad gaway pasnuk ko, nagawad satan ya agew so mabiskeg a yegyeg ed dalin na Israel.

Maung a Balita Biblia

¹⁹ Ibabawag ko a diad gaway pasnuk ko, nagawad satan ya agew so mabiskeg a yegyeg ed dalin na Israel.

Ezekiel 38:19 Referans Kwoze

Puyan 16:20

Naandipat ya amin iray isla tan saray palandey.

Puyan 16:18

Kinmirmat, kinmarul, dinmalagorug, tan yinmegyeg na makmaksil. Sikato la yay sankaksilan a yegyeg, nanlapu lad inkapalsay too ed tapew na dalin. Agaylay kasil to!

Puyan 11:13

Diad saman a bekta, yinmegyeg na maksil. Aderal so kakaplon parti na siudad, tan piton libon totoo so inaatey lapud samay yegyeg. Tinmakot iray totoon atilak a mabilay, tan inggalang day Dios na tawen.

Saray Hebreo 12:26

Diad saman a panaon, niyegyeg na bosis toy dalin, balet insipan to natan, “Maminsan nin yegyegen ko, tan aliwa labat a say dalin no ag pati say tawen.”

Joel 3:16

Unungol a manlapud Palandey na Sion so Katawan; say bosis to onkarul a manlapud Jerusalem; nayakayak iray katawenan tan nayegyeg so dalin. Balet iyagel to ray totoo to.

Ezekiel 5:13

“Nalikna yod satan so biskeg na pasnuk tan sanuk kod sikayo ya anggad siak so napenek. No nagawa ra yan amin, manisia ki la a siak a Katawan so nansalita lapud ampetang so olok ed inkalamang yod siak.

Zacarias 1:14

Insan samay anghil imbaga tod siak ya ibawag ko may imbaga na Katawan a Makapanyarin-amin: “Mapalaloy panangarok ed Jerusalem a masanton siudad ko.

Joel 2:18

Insan say Katawan impanengneng toy panagnunot tod dalin to; walay panangasi tod saray totoo to.

Ezekiel 39:25

Say Katawan a Dios kuanto, “Balet natan kasian ko ray kabyangay boleg nen Jacob, saray totood Israel, tan paaligwasen ko ra lamet. Iyagel ko so masanton ngaran ko.

Isaias 42:13

Say Katawan ompapaway a milaban a singa sondalon mibabakal; akaparaan tan mampilalek a mibakal. Oneeyag na eyag na bakal; ipapanengneng toy pakayari to sumpad saray kalaban to.

Saray Salmo 18:7

Insan ginmiwgiw tan yinmegyeg so dalin; ginmalaw tan ayegyeg iray pundasion na kapalandeyan tan amasnuk so Dios.

Deuteronomio 29:20

Say Katawan ag to pirdonaen itan a too. Ingen say mandarlang a pasnuk na Katawan et onliub a sumpad sikato, tan amin a samba a nisulat ed sayan libro et ompelag ed sikato ya anggad sigput a naoput na Katawan.

Saray Hebreo 12:29

ta say Dios tayo et manangoput ya apoy.

Deuteronomio 32:22

Onliub a singa apoy so pasnuk ko tan poolan toy amin a bengatlan walad tapew na dalin. Sabien toy daledalem na pasen a panaayaman da ray inaatey tan padapolen toy anggan saray letnegan na kapalandeyan.

Saray Salmo 18:8

Pinmaway so asewek ed eleng to, pinmaway so manliub ya apoy tan mandarlang a ngalab ed sangi to.

Saray Salmo 79:5

Katawan, ag la mangangga so pasnuk mod sikami? Mansiansian mandarlang a singa apoy so pasnuk mo?

Isaias 42:15

Deralen ko ray kapalandeyan tan saray kapokdulan, tan pamagaen ko ray dika tan saray kiew. Pagmaliwen kon pigaran kalawakan iray maawang ya ilog, tan pamagaen ko ray dipositoway danum.

Ezekiel 36:5

“Diad gaway pasnuk ko, siak a Katawan a Dios, nansalita ak na sumpad saray kaliber-liber a bansa, nagkalalo lad Edom. Diad ontan lan liket tan panagbalaw da, dinakep day dalin ko tan kinayaryan da ray pastolan to.

Ezekiel 36:6

“Kanyan mampropisiya ka ed dalin na Israel; salitam ed saray kapalandeyan, saray kapokdulan, saray kolus, tan saray patar so ibabagak, siak a Katawan a Dios diad maimon a pasnuk ko, lapud saramay impanpapabaing tan impanleleglemew na saray bansa ed sikara.

Ezekiel 39:6

Mangigapo ak na pool ed dalin na Magog tan diad amin a pasen ed gilig na dayat ya ag nasisigensigen ed pambibilay iray totoon manaayam, et naamtaan na balang sakey a siak so Katawan.

Nahum 1:2

Say Katawan a Dios ag to aabuloyan a walay ontalona nen say sikato; dudusaen to ray onsusumlang ed sikato. Diad gaway pasnuk to ombabawid sikara.