Ezekiel 38:16 - Maung A Balita Biblia

¹⁶ Dogpaan mo ray totook ya Israel a singa ka bagyon ondadalan ed dalin. No onsabiy tan a panaon, ibaki ta kan onloob ed dalin ko, pian nipanengneng kod saray bansa no siopa ak, pian nipanengneng koy kasantosan ko diad panamegley mo.

Maung a Balita Biblia

¹⁶ Dogpaan mo ray totook ya Israel a singa ka bagyon ondadalan ed dalin. No onsabiy tan a panaon, ibaki ta kan onloob ed dalin ko, pian nipanengneng kod saray bansa no siopa ak, pian nipanengneng koy kasantosan ko diad panamegley mo.

Ezekiel 38:16 Referans Kwoze

Ezekiel 39:21

Say Katawan kuanto, “Abuloyan kon nanengneng na saray bansa so kagalangan ko tan ipanengneng kod sikara no panoy pangikakanak na pakayarik diad pangipakurang kod sintinsian ginawak.

Ezekiel 38:23

Diad onya ipanengneng kod amin a bansa a siak so matalonggaring tan masanto. Diad satan naamtaan da a siak so Katawan.”

1 Timoteo 4:1

Malinew ya ibabagay Ispiritu, a diad kaonuran iran panaon, ikaindan na saray arum so pananisia; onuren da ray manamalingon ispiritu tan tombuken da ray bangat na saray dimonyo.

Mikias 4:1

Diad saray agew ya onsabi say palandey a panalalageyan na Timplo et magmaliw a sankatageyan ed amin, ososdungan toy amin a kapokdulan. Amayamay iray bansan onlad sikato

Oseas 3:5

Balet onsabiy panaon a saray totood Israel et ompawil ira lamet ed Katawan a Dios da tan diad sakey a kabyangay boleg nen David ya ari ra. Insan takotan day Katawan tan makaawat ira na saray marakep a rigalo to.

Ezekiel 36:23

No iparontal kod saray bansa so kasantosan na mablin ngaran ko—say ngaran ya impelag yod kababaingan diad pegley da—nakabatan dad satan a siak so Katawan. Siak, a Katawan a Dios, so nansalita. Ikana ta kayo a mangiparontal ed saray bansa a masanto ak.

2 Timoteo 3:1

Tandaan mo ya! Diad kaonuran iran agew wala ray panaon na kairapan.

Daniel 10:14

Linma ak dia, ta ipatalus kod sikay nagawad saray totoom diad arapen a panaon. Sikato yay pasingayew a nipaakar ed arapen a panaon.”

Daniel 2:28

Balet walay Dios ed tawen a sikatoy mangipapaamtad saray mistirio. Impaamta tod sika, Kagalang ya Ari, no antoy nagawa ed arapen. Natan ibagak ed sika so kogip mo, say nipasingayew ed sika nen naogip ka.

Isaias 2:2

Diad saray agew ya onsabi, say palandey a panalalageyan na Timplo so magmaliw a sankatageyan ed saray palandey tan ososdungan ton amin iray pokdul. Amayamay a bansa so onlan singa onaagos a danum ed sikato,

2 Saray Arari 19:19

Kanyan natan, Katawan a Dios mi, iyagel mo kami pad saray taga Asiria, pian naamtaan na amin da ray bansa ed intiron mundo a bukbukor mo, O Katawan, so Dios.”

Deuteronomio 31:29

Amtak a kayariy ipatey ko saray totoo et magmaliw iran maoges tan ipolisay day imbabangat kod sikara. Et diad onsabin panaon nadalan ira na deral, lapud pampasnuken day Katawan diad panggawa ray isesebel to.”

Exodo 14:4

Paaweten koy puso to, kanyan osilan to kayo, et pakagalangan ko so panalok ed ari tan saray sondalo to. Diad satan naamtaan na saray Egipsio a siak so Katawan.” Ginawa na saray Israelita so nibagad sikara.

Isaias 29:23

No nanengneng yo ray ogogaw ya iter kod sikayo, nabirbir yod satan a siak so masanto a Dios na Israel. Igalang yo ak tan mankelaw kayon manalagey ed arap ko.

Puyan 20:9

Kinmakayat irad intiron mundo tan nililiktub day kampo na saray totooy Dios tan say inararo ton siudad. Balet pinmelag so apoy a nanlapud tawen tan inoput to ra.

Levitico 10:3

Insan inkuanen Moises ed kinen Aaron, “Sikato yay sasalitaen na Katawan nen inkuanto, ‘Amin da ray manlingkur ed siak nepeg a pagalangan day inkasantok; ipatnag kod saray totook so kagalangan ko!’” Balet ag inmesel si Aaron.

Isaias 5:16

Balet say Katawan a Makapanyarin-amin ipapanengneng toy inkatalonggaring to diad panamegley na panggagawa toy kaptekan, tan ipapaamta toy kasantosan to diad panamegley na panisintinsia tod saray totoo to.

Isaias 8:13

Ag mo lilingwanan a siak, say Katawan a Makapanyarin-amin, et masanto; siak so nepeg mon takotan.

Ezekiel 28:22

Ibagam ed saray totood man so ibabagak, siak a Katawan a Dios: Siak so kalaban mo, Sidon; idayew ak na saray totoo lapud gagawaen kod sika. Naamtaan da a siak so Katawan, no ipanengneng koy ontan lan inkasantok diad panusak ed saray totoon manaayam ed sika.

Ezekiel 39:7

Ipaamtak ed saray totook ya Israel so masanton ngaran ko, tan ag ko la abuloyan a napelag ed kababaingan so ngaran ko. Diad satan nakabatan na saray bansa a siak so Katawan, say masanton Dios na Israel.”

Ezekiel 39:27

Diad pangipanengneng kod saray amayamay a bansa a masanto ak, papawilen ko ray totook manlapud saray bansan panaayaman na saray kalaban da.

Joel 3:11

Ganatan yoy ondago, amin yon walad kaliber-liber a bansa, tan mantitipon kayo ed patar.’” O Katawan, paakseb mo pa la ray sondalom ya ondogpad sikara!

Exodo 14:18

Diad panalok ed saray Egipsio naamtaan da a siak so Katawan!”

Ezekiel 20:41

Kayari ta kayon nipaway ed saray bansan nikaykayatan yo tan no atipon ta kayo la, maliket kon awaten iray bagat a popoolan yo, et nanengneng ed satan na saray bansa a masanto ak.