Ezekiel 38:15 - Maung A Balita Biblia

¹⁵ ondago manlapud arawin pasen mo diad baybay, ta ipangulom iray amayamay a makapanyarin sondalon taga amayamay a bansa ya akakabayo ran amin.

Maung a Balita Biblia

¹⁵ ondago manlapud arawin pasen mo diad baybay, ta ipangulom iray amayamay a makapanyarin sondalon taga amayamay a bansa ya akakabayo ran amin.

Ezekiel 38:15 Referans Kwoze

Ezekiel 39:2

Ipadalan kod sananey a dalan, insan ko iwanwan ed bandad baybay ya anggad nasabi to ray kapalandeyan na Israel.

Ezekiel 38:6

Kaolup to met ya amin iray mibabakal a lalakin taga saray dalin na Gomer tan Bettogarma diad baybay; ontan met a kaiba to ray lalakin taga amayamay a bansa.

Puyan 20:8

Ompaway a mamalikdo ed saray bansa ed intiron mundo, a salanti say Gog tan say Magog. Tiponen nen Satanas iray mibakal. Say kinarakel da singa say kinarakel na buer ed gilig na dayat.

Puyan 16:16

Insan saray ari tinipon ira na saramay ispiritu; diad pasen a tatawagey Armagedon ed salitay Hebreo so impaniponan dad sikara.

Puyan 16:14

Sikara yay ispiritu na dimonyon manggagaway milagro. Lalaen da a tiponen iray arari ed intiron mundo, ta milaban ira no onsabiy baleg ya agew na Dios a Makapanyarin-amin.

Sofonias 3:8

“Alagar yo ak sirin,” kuay Katawan. “Alagar yoy agew ya akusaen ko ray bansa. Tinibokel ko lad kanunotan ko a tiponen iray bansa tan saray nanarian, pian ipaliknak ed sikara so biskeg na pasnuk ko. Natemek ed apoy na pasnuk ko so intiron mundo.

Joel 3:2

Tiponen kon amin iray bansa tan iyakar ko rad Patar na Sintinsia. Sintinsiaan ko rad man, lapud amin a ginagawa rad saray totook. Inkakayat dad saray arum a bansa iray Israelita tan inaapag day dalin kon Israel.

Daniel 11:40

“No ngalngali la mansamput so panoley na ari na Siria, ondogpad sikato so ari na Egipto, et say ari na Siria iyoput toy pakayari ton onlaban ya ipakana to ray karwahi, saray kabayo, tan amayamay a bapor. Singa danum a delap ya onagos so iloob tod saray amayamay a bansa.

Ezekiel 38:4

Papoliktaren ko, insan ko tagaan so songut to, tan igayugoy kon iyarawi a pati amin a sondalo to. Sarayan sondalo ton amayamay a kaiba ray kabayo ra et akasamper tan akaispada so balang sakey ed sikara tan wala ray akakabayo a nampaparay kawes dan para bakal.

Ezekiel 32:30

“Amin da ray prinsipi ed baybay et wadman met ira; wadman met iray taga Sidon. Nen saman nantataktakot ira lapud pakayari ra, balet natan naplag irad kababaingan a pati saray apatey ed bakal tan niparokul iran ag asegat. Minabang irad kababaingan da ray oonlad pasen a panaayaman da ray inaatey.

Joel 3:11

Ganatan yoy ondago, amin yon walad kaliber-liber a bansa, tan mantitipon kayo ed patar.’” O Katawan, paakseb mo pa la ray sondalom ya ondogpad sikara!