Ezekiel 38:13 - Maung A Balita Biblia

¹³ Saray totoon taga Seba tan Dedan tan saray nigosiantin taga baley na Espanya et tepeten dad sika, “Tinipon mo ray sondalom ta ondogpa kayo tan mansamsam kayo, anto? Gagalam so manala na saray pilak tan balituk, saray baka tan saray kayaryan, insan mo ibatik ira yan asamsam mo anto?”

Maung a Balita Biblia

¹³ Saray totoon taga Seba tan Dedan tan saray nigosiantin taga baley na Espanya et tepeten dad sika, Tinipon mo ray sondalom ta ondogpa kayo tan mansamsam kayo, anto? Gagalam so manala na saray pilak tan balituk, saray baka tan saray kayaryan, insan mo ibatik ira yan asamsam mo anto?

Ezekiel 38:13 Referans Kwoze

Ezekiel 27:15

Saray totood Rodes et akinigosio rad sika; saray totood saray dalin a walad gilig na dayat et insusumbat dad saray lakom iray garing tan pasingil na ilipanti ra.

Ezekiel 32:2

Inkuanto, “Sika a toon ompatey, maermen mon pasakbayan so ari na Egipto. Ibagam yan salitak ed sikato: Ipapasen moy sikan dili a lion ed saray bansa, balet singa ka buaya ya ontitiblung ed ilog. Pipitekan na saray salim so danum tan dodotakan mo ray ilog.

Ezekiel 27:25

Nilogan ed saray sankabalgan a barko iray bengatlan lakom. “Aliling mo nen saman so sakey a barko ed dayat A napno na saray ambebelat a karga.

Ezekiel 27:20

Saray taga Dedan et insumbat dad saray bengatlan lakom iray abel a sapin na beneg na kamilyo tan asno.

Ezekiel 27:12

“Nannigosio ka ed Espanya tan nansempet ka na pilak, balatyang, lata, tan ismay a bayar na saray dakel a lakom.

Ezekiel 25:13

Ibabawag ko natan a dusaen koy Edom tan pateyen kod may balang too tan ayep. Pagmaliwen kon dalin ya andi-kakanaan, manlapud siudad na Taman ya anggad siudad na Dedan, tan napatey ed bakal iray totoo.

Jeremias 51:38

Saray taga Babilonia mangwam ira a singa saray lion, tan manngengem iran singa saray anak na lion.

Isaias 10:6

Imbakik so Asiria ya ondogpa ed sakey a bansan anggapoy Dios to, diad saray totoon amapetang na olok. Imbakik iray taga Asiria a mansamsam, mantakew, tan mangigatin-gatin ed saray totoo a singa ra dotak ed saray dalan.”

Zacarias 11:3

Manaakis ed ermen iray manoley; naandi la so kagalangan da! Dengel kayod pangwam na saray lion; aderal lay balaong dan takel ed gilig na Jordan.

Jeremias 50:17

Say Katawan kuanto, “Saray totood Israel et singa ra karniron osil-osilan tan ikaykayat na saray lion. Onona, dinogpaan ira na ari ed Asiria, insan si Ari Nabucodonosor na Babilonia nginangalngal to ray pokel da.

Jeremias 15:13

Inkuan na Katawan ed siak, “Mangibaki ak na saray kalaban a mangibatik ed saray kayamanan tan pinablin kayaryan na saray totook, pian nadusak ira lapud saray ginagawa ran kasalanan ed intiron dalin.

Saray Salmo 57:4

Aliktub ak na saray kalaban, a singa ra lion a mamangay too. Singa pana tan pika iray ngipen da; singa matdem ya ispada iray dila ra.

Joel 3:8

Abuloyan kon nilakod saray totood Juda iray anak yon lalaki tan bibii; ilako da ra ed saray totood Saba, ya arawdawin pasen. Siak, say Katawan, so nansalita.