Ezekiel 37:9 - Maung A Balita Biblia

⁹ Inkuan na Dios ed siak, “Sika a toon ompatey, mampropisiya ka ed dagem. Ibagam ed dagem a say Katawan a Dios igaganggan to ya onsabin manlapud amin a dapag, onsibuk ed sarayan bangkay, pian ombilay ira.”

Maung a Balita Biblia

⁹ Inkuan na Dios ed siak, Sika a toon ompatey, mampropisiya ka ed dagem. Ibagam ed dagem a say Katawan a Dios igaganggan to ya onsabin manlapud amin a dapag, onsibuk ed sarayan bangkay, pian ombilay ira.

Ezekiel 37:9 Referans Kwoze

Juan 3:8

Onsiplug so dagem ed inerman a pasen a labay to, et narengel moy siplug to, balet ag mo amta no iner so panlalapwan tan lalaen to. Ontan met so kipapasey balang sakey a nianak ed Ispiritu.”

Kanta nen Solomon 4:16

Bangon ka, Dagem ed Baybay. Dagem ed Abalaten, siplug ka ed tanamanan ko; panom na balingit so dagem. Paonlam pad tanamanan to so inarok ta mangan na saray sankaabigan a bunga.

Ezekiel 37:14

Ingasan ko ra et nabilay ira, insan ko ra panayamen ed dilin dalin da. Naamtaan dad satan a siak so Katawan. Insipan ko a gawaen ya—et tuan gawaen ko. Siak a Katawan so nansalita.”

Ezekiel 37:5

Ibagam ed sikara a siak a Katawan a Dios et kuankod sikara: Itdan ta kayoy ingas tan pabilayen ta kayo.

Saray Salmo 104:30

Balet no itdan mo ra na ingas mo, napalsa ra; papasimbaloen moy bilay na dalin.

Puyan 10:11

Insan inkuantod siak, “Nakaukolan ya ibawag mo lamet iray salitay Dios nipaakar ed amayamay a katoowan, bansa, salita, tan arari.”

Puyan 11:11

Kalabas na taloy agew tan kapaldua, say ingas na bilay a nanlapud Dios linmoob ed saray bangkay da, insan ira inmalagey. Agaylay inkataktakot da ray akanengneng ed sikara.

Ezekiel 37:4

Inkuanto, “Mampropisiya kad saray pokepokel. Ibagam ed sarayan amagan pokel ya ondengel irad salita na Katawan.

Ezekiel 37:8

Nen ombabantay ak, akobutan na olat tan laman ira may pokepokel, insan ira abalkut na baog. Balet ag ni ra onlinawa.

Daniel 11:4

Balet diad kabisbiskegay pakayari to nabuyak so impirio to tan napangkapat. Onsalat ed sikatoy ararin aliwan sikatoy sengeg da, balet ag da naparaay pakayari to.

Oseas 13:14

Ag ko ra ilaban ed pakayari na pasen a panaayaman da ray inaatey odino iyagel ira ed pakayari na patey. O patey, ipadalan mo lay salot mo! O pasen a kawalaan da ray inaatey, ipadalan mo lay panagderal mo! Ag ko la kasian ira yan totoo.

Zacarias 6:5

Inmebat, “Sikara yay apatiran dagem; kapkapanlapu rad arap na Katawan na intiron dalin.”