Ezekiel 37:6 - Maung A Balita Biblia

⁶ Itdan ta kayo na olat tan laman, insan balkuten ta kayo na baog. Itdan ta kayo na ingas tan pabilayen ta kayo. Naamtaan yod satan a siak so Katawan.”

Maung a Balita Biblia

⁶ Itdan ta kayo na olat tan laman, insan balkuten ta kayo na baog. Itdan ta kayo na ingas tan pabilayen ta kayo. Naamtaan yod satan a siak so Katawan.

Ezekiel 37:6 Referans Kwoze

Joel 2:27

Kanyan sikayo ran taga Israel, naamtaan yo a wala ak ed sikayo tan siak a Katawan so bukbukor a Dios yo. Ag lan balut napabaingan iray totook.

Isaias 49:23

Magmaliw a singa ama yo iray arari; magmaliw a singa ina yo iray riyna. Ondakmomo rad sikayo tan igalang da kayo; mapaabeba ran mangigalang ed sikayo. Naamtaan yod satan a siak so Katawan; ag nabaingan so siopaman a toon manalagar na tulong ko.”

Joel 3:17

“Diad satan, Israelita, naamtaan yo a siak so Katawan a Dios yo. Manaayam ak ed Sion a masanton palandey ko. Magmaliw a masanton siudad so Jerusalem; ag lan balut nadakep na saray taga arum a bansa.

Ezekiel 37:14

Ingasan ko ra et nabilay ira, insan ko ra panayamen ed dilin dalin da. Naamtaan dad satan a siak so Katawan. Insipan ko a gawaen ya—et tuan gawaen ko. Siak a Katawan so nansalita.”

Ezekiel 39:6

Mangigapo ak na pool ed dalin na Magog tan diad amin a pasen ed gilig na dayat ya ag nasisigensigen ed pambibilay iray totoon manaayam, et naamtaan na balang sakey a siak so Katawan.

Ezekiel 38:23

Diad onya ipanengneng kod amin a bansa a siak so matalonggaring tan masanto. Diad satan naamtaan da a siak so Katawan.”

Ezekiel 35:12

Diad satan, nakabatan mo a siak a Katawan et nadngel ko may mapaatagey mon impansalita a begtebegtew iray kapalandeyan na Israel tan nayarian mon gawaen so labalabay mo ed sikara.

Ezekiel 35:9

Pagmaliwen ta kan begtebegtew ya anggad angga, tan anggapo lay manayam lamet ed saray siudad mo. Naamtaan mod satan a siak so Katawan.

Ezekiel 34:27

Mambunga ray kakiewan, wala ray bungay kaalogan, tan manayam ed dilin dalin to ya arawid kaatapan so balang sakey a too. No paksoten koy akagolunggolung ed saray totook tan ibolus ko rad saray angaripen ed sikara, naamtaan dad satan a siak so Katawan.

Ezekiel 6:7

Napatey iray totoo ed inerman a pasen, tan birbiren na amin da ray makapaliis ed patey a siak so Katawan.

1 Saray Arari 20:28

Walay sakey a propita a linmad kinen Ari Acab tan kuanto, “Ibabagay Katawan: ‘Lapud ibabaga na saray Siriano a dios ak na saray palandey, aliwan dios na saray patar, panaloen ta kad saray amayamay a sondalo ra, et nabirbir mo tan saray totoom a siak so Katawan.’”

Ezekiel 39:28

Diad satan naamtaan na saray totook a siak so Katawan a Dios da. Naamtaan da ya, lapud imbantak ko rad arum a bansa tan natan titiponen ko ran ipawil ed dilin dalin da, ya anggapon balut so itilak kod sikara.

Ezekiel 39:22

Manlapud saya naamtaan na saray Israelita a siak so Katawan a Dios da.

Ezekiel 35:15

a singa samay impanliket mod inkaderal na Israel a kayaryan ko. Say kapalandeyan na Seir, on, say intiron dalin na Edom, magmaliw a begtebegtew. Diad satan naamtaan na amin a katoowan a siak so Katawan.”

Ezekiel 20:38

Ekalen kod sikayo ray mananumpa tan makasalanan. Ekalen ko rad saray dalin a panaayaman da natan, balet ag ko ra abuloyan ya ompawil ed dalin na Israel. Naamtaan yod satan a siak so Katawan.”

Ezekiel 11:12

Nakabatan yo a siak so Katawan, ta diad pangoonur yod saray ganggan na saray kaabay yon bansa, susumlangen yo ray ganggan tan saray bilin ko.”

Ezekiel 11:10

tan napatey kayod bakal ed dilin bansa yo. Diad satan naamtaan na balang sakey a siak so Katawan.

Ezekiel 7:9

Ag ta kayo pirdonaen odino kasian. Dusaen ta kayo lapud saray makapaingungot a ginagawa yo, pian naamtaan yo a siak so Katawan tan siak so manudusad sikayo.”

Ezekiel 7:4

Ag ta ka pirdonaen odino kasian. Dusaen ta ka lapud saray makapaingungot a ginagawam, pian naamtaan mo a siak so Katawan.”

Ezekiel 6:13

Saray bangkay et nataytayak irad saray kawalaan da ray talintaoy diriyos tan diad kaliber-liber na saray altar, nataytayak irad balang pokdul, diad toktok na balang palandey, diad silong na balang masalumpapak a kiew tan balang ankabaleg a kiew a robli, tan diad balang pasen a pampopoolan dad saray ayayep a bagat ed saray talintao ra. Diad satan naamtaan dan amin a siak so Katawan.

Deuteronomio 29:6

Anggapoy naakan yon tinapay odino nainom ya alak odino antokaman a makabuek, balet inter na Katawan ed sikayo ray nakaukolan yo pian nibangat tod sikayo a sikato et Dios yo.

Ezekiel 32:15

No pagmaliwen kon andi-kakanaan tan begtebegtew so Egipto, tan pateyen ko ray amin a manaayam diman, naamtaan da a siak so Katawan.

Exodo 6:3

Pinmanengneng ak a Makapanyarin-amin a Dios ed kindi Abraham, Isaac, tan Jacob, balet aliwan diad panamegley na masanton ngaran ko a Yahweh.

Genesis 2:7

Insan say Katawan a Dios angalay dabuk ed dalin, minoli ton sakey a too-too, insan to iningasan na linawan manangiter na bilay ed saray abut na eleng to, et nagmaliw a mabilay a too.

Saray Salmo 104:30

Balet no itdan mo ra na ingas mo, napalsa ra; papasimbaloen moy bilay na dalin.

Isaias 26:19

Mambilay lamet iray totoo min inaatey! Nabilay iray bangkay da. Amin da ray nanaogip ed saray lobuk da et ombangon ira tan mankanta rad liket. No panon a pabebetelen na linaew so dalin, ontan met a pabilayen na Katawan iray abayag lan inatey.