Ezekiel 37:5 - Maung A Balita Biblia

⁵ Ibagam ed sikara a siak a Katawan a Dios et kuankod sikara: Itdan ta kayoy ingas tan pabilayen ta kayo.

Maung a Balita Biblia

⁵ Ibagam ed sikara a siak a Katawan a Dios et kuankod sikara: Itdan ta kayoy ingas tan pabilayen ta kayo.

Ezekiel 37:5 Referans Kwoze

Genesis 2:7

Insan say Katawan a Dios angalay dabuk ed dalin, minoli ton sakey a too-too, insan to iningasan na linawan manangiter na bilay ed saray abut na eleng to, et nagmaliw a mabilay a too.

Ezekiel 37:14

Ingasan ko ra et nabilay ira, insan ko ra panayamen ed dilin dalin da. Naamtaan dad satan a siak so Katawan. Insipan ko a gawaen ya—et tuan gawaen ko. Siak a Katawan so nansalita.”

Juan 20:22

Kapangibaga tod saya, iningasan to ra tan kuanto, “Awat yoy Ispiritu Santo.

TAGA-EFESO 2:5

Anggaman ya inatey ti la lapud kasusumlang tid ganggan, binilay to itayo a kaiba tiy Cristo. Nilaban kayo lapud baleg a panangaroy Dios.

Saray Taga Roma 8:2

Ta say ganggay Ispiritu, a mangiiter ed sikatayoy bilay diad panamegley na pikakasakey tid Cristo Jesus, so angibolus ed siak. Kanyan andi ak la ed silong na ganggay kasalanan tan patey.

Puyan 11:11

Kalabas na taloy agew tan kapaldua, say ingas na bilay a nanlapud Dios linmoob ed saray bangkay da, insan ira inmalagey. Agaylay inkataktakot da ray akanengneng ed sikara.

Isaias 26:19

Mambilay lamet iray totoo min inaatey! Nabilay iray bangkay da. Amin da ray nanaogip ed saray lobuk da et ombangon ira tan mankanta rad liket. No panon a pabebetelen na linaew so dalin, ontan met a pabilayen na Katawan iray abayag lan inatey.