Ezekiel 37:4 - Maung A Balita Biblia

⁴ Inkuanto, “Mampropisiya kad saray pokepokel. Ibagam ed sarayan amagan pokel ya ondengel irad salita na Katawan.

Maung a Balita Biblia

⁴ Inkuanto, Mampropisiya kad saray pokepokel. Ibagam ed sarayan amagan pokel ya ondengel irad salita na Katawan.

Ezekiel 37:4 Referans Kwoze

Juan 5:25

Ibagak ed sikayoy katwaan: onsabiy oras, ginmapo la ingen, a narengel na saray inaatey so bosis na Anak na Dios, tan mambilay iray makadngel.

Mateo 21:21

Inmebat si Jesus, “Tandaan yo ya! No manisia kayo tan anggapoy duaruwa yo, nayarian yon gawaen so ginawak ed sayan igos. Aliwan satan labat, nayarian yo nin ibagad sayan palandey, ‘Alis kad tan, tabuy kad dayat,’ et nagaway imbaga yo.

Ezekiel 36:1

Say Katawan kuanto, “Sika a toon ompatey, mansalita kad kapalandeyan na Israel tan ibagam ya ondengel ira ed ibabagak ed sikara,

Jeremias 22:29

O dalin, dalin, dalin! Dengel yoy inkuan na Katawan:

Isaias 26:19

Mambilay lamet iray totoo min inaatey! Nabilay iray bangkay da. Amin da ray nanaogip ed saray lobuk da et ombangon ira tan mankanta rad liket. No panon a pabebetelen na linaew so dalin, ontan met a pabilayen na Katawan iray abayag lan inatey.

Ezekiel 37:11

Inkuan na Dios ed siak, “Sika a toon ompatey, saray totood Israel et singa sarayan pokepokel. Ibabaga ra ya amagaan ira, naandian la ray ilalo tan anggapoy kabaliksan na arapen da.

Juan 2:5

Imbagay ina tod satan ed saray katulong, “Onur yoy antokaman ya ibaga to.”

Saray Bilang 20:8

“Alam imay baston a walad arap na Kaban na Sipanan, insan yo pantitiponen nen Aaron iray amin a totoo. Diad arap dan amin mansalita ka ed baton dampay a wadman, et ompaway diman so danum. Diad ontan napapaway mod samay baton dampay so danum ya inomen na saray totoo tan saray ayayep da.”

1 Saray Arari 13:2

Diad panangonur tod Katawan imay propita, inkuanto, “O altar, altar, onyay inkuan na Katawan: Nianak ed pamilya nen David so sakey a lakin ogaw a manngaran na Josias. Pateyen tod tapew mo ray paparin managlingkur ed saray paganon altar tan mangibabagat irad sika; poolan to met ed tapew mo ray pokel na inaatey a totoo.”

Isaias 42:18

Say Katawan kuanto, “Dengel kayo, sikayon telek a totoo! Konineng kayo, sikayo ran bulag!

Mikias 6:2

Sikayo ran kapalandeyan, sikayo ran andi-anggaan a pundasion na dalin, dengel yoy pangaakusa na Katawan! Say Katawan walay pangakusaan tod saray totoo to. Akusaen toy Israel.

Puyan 10:11

Insan inkuantod siak, “Nakaukolan ya ibawag mo lamet iray salitay Dios nipaakar ed amayamay a katoowan, bansa, salita, tan arari.”

Ezekiel 37:9

Inkuan na Dios ed siak, “Sika a toon ompatey, mampropisiya ka ed dagem. Ibagam ed dagem a say Katawan a Dios igaganggan to ya onsabin manlapud amin a dapag, onsibuk ed sarayan bangkay, pian ombilay ira.”

Ezekiel 37:12

Kanyan mampropisiya kad saray totook ya Israelita, ta ibagam ed sikara a siak a Katawan a Dios et lokasan ko ray lobuk da. Ipaway ko ra, insan ko ra ipawil ed dalin na Israel.

Say Libro nen Job 10:11

Saray pokel tan saray olat so impanogyup mod laman ko; say laman tan say baog so impamalkut mod saray pokel ko.