Ezekiel 37:23 - Maung A Balita Biblia

²³ Ag da la dotakay sikaran dili, lapud saray makapaingungot a talintaoy diriyos odino lapud kasalanan. Ipaliis ko rad amin a pakapankasalanan dad siak. Linisan ko ra; magmaliw iran totook tan siak so Dios da.

Maung a Balita Biblia

²³ Ag da la dotakay sikaran dili, lapud saray makapaingungot a talintaoy diriyos odino lapud kasalanan. Ipaliis ko rad amin a pakapankasalanan dad siak. Linisan ko ra; magmaliw iran totook tan siak so Dios da.

Ezekiel 37:23 Referans Kwoze

1 Juan 1:9

Balet no ipatwa tayod Dios iray kasalanan tayo, pirdonaen to ray kasalanan tayo tan gawaen to itayon malinis diad pangekal to ray amin a kaogsan ed bilay tayo, lapud sikato et matoor tan matonung.

Puyan 21:7

Siopamay manalo tawiren to ya: magmaliw ak a Dios to, tan sikatoy magmaliw ya anak ko.

1 Juan 1:7

Balet no mambilay itayo ed silew a singa sikato et walad silew, walay maung a pankakasakey tayo tan say dala na Anak ton Jesus et linisan to itayo ed amin a kasalanan.

Oseas 14:8

Saray totood Israel et anggapo lay pibali ra ed saray talintaoy diriyos; ebatan ko ray pikakasi ra tan talimaen ko ra. Singa ak malamlambut a kiew a manalimbeng ed sikara. Siak so panlapwan na saray bindision a para sikara.”

Zacarias 14:21

Amin a bangan lotowan ed Jerusalem tan diad intiron Juda et nibiig ira ya ikana ed pangigalang ed Katawan a Makapanyarin-amin. Ikana na saray totoon mangibagat a panlambungan na karni na saray ibagat. No onsabiy tan a panaon anggapo la ray mannigosio ed dalem na Timplo na Katawan a Makapanyarin-amin.

Mikias 7:14

Katawan, sika pay mampastol ed saray totoon pinilim. Anggan manaayam iran mambukbukor ed kalawakan, walay mataban dalin ed kaliber-liber da. Ipaarap mo pa ran mangan ed saray malambut a pastolan ed Basan tan Galaad a singa ginagawa ra nen saman.

Oseas 1:10

Magmaliw a singa karakel na buer ed dayat iray totood Israel; ag ira nabilang odino nasukat. Natan say Dios kuantod sikara, “Aliwa kayon totook,” balet onsabiy agew ya ibaga tod sikara, “Sikayo ray anak na mabilay a Dios!”

Ezekiel 39:22

Manlapud saya naamtaan na saray Israelita a siak so Katawan a Dios da.

Ezekiel 37:27

Manayam ak diman ed kawalaan da; magmaliw a siak so Dios da tan sikaray totook.

Ezekiel 36:31

Nanunotan yod satan ira may maoges a ginagawa yo tan saray makapoy a kagagawa yo, et diad ontan kabosulen yoy sikayon dili lapud saray kasalanan yo tan saray kaogsan yo.

Ezekiel 20:43

Diad satan nanunotan yo ray amin a makapabaing a ginagawa yo tan no panoy impandodotak yod sikayon dili. Bosulen yoy sikayon dili lapud saray maoges a ginagawa yo.

Jeremias 31:33

Onya so pisipanan kod saray totood Israel: Iyan kod sikaray ganggan ko tan isulat kod kapusoan da. Siak so magmaliw a Dios da, tan sikara so totook.

Jeremias 31:1

Say Katawan kuanto, “Onsabiy panaon a magmaliw ak a Dios na amin a tribu na Israel, tan sikaray magmaliw a totook.

Saray Salmo 68:35

Makapataktakot so Dios no ompapaway ed santuario to— say Dios na Israel. Iitdan toy pakayari tan biskeg iray totoo to. Idayew yoy Dios!

Saray Salmo 68:20

Say Dios tayo et Dios a manangilaban; sikato so Katawan, say Katawan tayo, a mangipapaliis ed sikatayod patey.

Zacarias 13:9

Suboken ko ray akeraan a kakatlo tan linisan ko ran singa kalinisan na pilak ed apoy. Suboken ko ran singa kasubok na balituk. Insan ira mampikasi ed siak, et ebatan ko ra. Ibagak ed sikara a sikaray totook, tan ibawag dan siak so Dios da.”

Tito 2:14

Imbagat to para sikatayo so bilay to, pian narondon to itayod amin a kaogsan tan pagmaliwen to itayon malinis a totoo, totoon sikato labat so akankayaryan tan mapaga rad panggaway kamaungan.

Ezekiel 11:18

No ompawil ira, ibantak da ray amin a narurumog dan marotak tan makapaingungot a talintaoy diriyos.

Ezekiel 14:11

Gawaen ko ya, pian ontonda a mangikaindan ed siak iray Israelita tan tondaan day pandotak dad sikaran dili lapud saray kasalanan da. Sikara so nepeg a totook, tan siak so nepeg a Dios da.” Say Katawan a Dios so nansalita.

Ezekiel 11:20

Diad satan matoor dan onuren iray amin a ganggan ko. Magmaliw iran totook, tan siak so magmaliw a Dios da.