Ezekiel 37:21 - Maung A Balita Biblia

²¹ Ibagam ed sikara a siak a Katawan a Dios et alaen kon ipaway ed nandoroman bansa a nikaykayatan na amin a totook, pantitiponen ko ra, insan ko ra iyakar ed dilin dalin da.

Maung a Balita Biblia

²¹ Ibagam ed sikara a siak a Katawan a Dios et alaen kon ipaway ed nandoroman bansa a nikaykayatan na amin a totook, pantitiponen ko ra, insan ko ra iyakar ed dilin dalin da.

Ezekiel 37:21 Referans Kwoze

Ezekiel 36:24

Alaen ta kayo ed balang bansa tan ipawil ta kayo ed dilin dalin yo.

Jeremias 29:14

On, kuankod sikayo, narumog yo ak, insan papawilen ta kayod dalin yo. Tiponen ta kayo manlapud balang bansa tan balang lugar ya angikayatan kod sikayo, insan papawilen ta kayo ed dalin yo a dimay amadakepan kod sikayo. Siak, say Katawan, so nansalita.’

Jeremias 23:8

Ingen mansamba ra a kuanda, ‘Nitay mabilay a Dios ya angipaway na saray totood Israel ed baybay a bansa tan angipaway met ed sikara ed saray amin a bansa ya angikayatan tod sikara.’ Insan irad satan manayam ed dilin dalin da.”

Jeremias 16:15

Ingen mansamba rad siak a mabilay a Dios ya angipaway ed saray totood Israel manlapud dalin ed baybay tan manlapud amin a bansan angikaykayatan kod sikara. Ipawil ko rad dilin bansa ra, say dalin ya inter kod saray lalaki ra. Siak, say Katawan, so nansalita.”

Ezekiel 39:27

Diad pangipanengneng kod saray amayamay a bansa a masanto ak, papawilen ko ray totook manlapud saray bansan panaayaman na saray kalaban da.

Ezekiel 34:13

Alaen ko rad saray arum a bansa, pantitiponen ko ra, insan ko ra ipawil ed dilin dalin da. Iwanwan ko rad kapalandeyan tan kakolusan na Israel, tan pankabkaben ko rad malambut a pastolan.

Jeremias 50:19

Papawilen kod dalin da iray totood Israel. Pantagano da ray bunga na tanaman ya ontutubod Palandey na Carmelo tan diad pasen na Basan, tan kanen day labalabay da ed saray tanaman ya ontutubo ed dalin na Efraim tan dalin na Galaad.

Jeremias 32:37

Saray totoon inkaykayat kod saray bansa lapud petang na olok, pasnuk, tan sanuk kod sikara et tiponen ko ra, insan ipawil ko rad sayan pasen tan panayamen ko ra dian arawid kaatapan.

Jeremias 30:3

ta onsabi lay panaon ya ipawil koy maung a kipapasen da ray totook ed Israel tan Juda. Papawilen ko rad dalin ya inter kod saray lalaki ra, tan kayaryanen da lamet. Siak, say Katawan, so nansalita.”

Jeremias 23:3

Tiponen ko ray totook ya akeraan manlapud saray bansan angikay-kayatan kod sikara, tan ipawil ko rad dilin dalin da. Nawalaan iray amayamay ya anak tan ondakel so bilang da.

Isaias 49:12

Manlapud arawin dalin iray totook, manlapu rad baybay tan diad sagur, tan manlapu rad Aswan diad abalaten.”

Jeremias 33:11

iray eyag na liket tan gayaga, tan say tanul na sayaksak ed saray bansal. Narengel yo ray totoon mankanta legan dan mangibabagat ed Timplok na pisasalamat; ikuanda, ‘Misalamat kayod Katawan a Makapanyarin-amin, ta sikato et maung, tan ag mangangga so panangaro to.’ Paaligwasen ko yan dalin a singa samay kipapasen to nen saman. Siak, say Katawan, so nansalita.”

Jeremias 33:7

Paaligwasen koy Juda tan Israel, tan ipawil koy gendat a kipapasen da.

Jeremias 30:18

Say Katawan kuanto, “Papawilen kod dalin da iray totook, tan kasian koy balang pamilya; napasimbalon nipaalagey so Jerusalem; tan say palasio.

Jeremias 30:10

“Totook, ag kayo natatakot; totood Israel, ag kayo nasesegawan. Iyagel ta kayod saman ya arawin lugar, diad saman a dalin ya akaprisoan yo. Ompawil kayod dalin yo tan manayam kayod man a walay kareenan; niarawi kayod kaatapan, tan anggapoy manaktakot ed sikayo.

Ezekiel 39:25

Say Katawan a Dios kuanto, “Balet natan kasian ko ray kabyangay boleg nen Jacob, saray totood Israel, tan paaligwasen ko ra lamet. Iyagel ko so masanton ngaran ko.

Ezekiel 36:10

Parakelen koy bilang yo. Manayam kayod saray siudad tan pasimbaloen yon ipaalagey iray aderal-deral a bengatla.

Ezekiel 37:20

“Bembenan mod limam iray duaran bislak tan ipanengneng mod saray totoo.

Ezekiel 38:8

Kalabas na amayamay a taon iganggan kon looban toy sakey a bansan saray totoo to et pinmawil iran nanlapud saray amayamay a bansa tan manaayam iran arawid kaatapay bakal. Looban to ray kapalandeyan na Israel ya abayag iran apaolyan tan ataynan, balet panaayaman la ra na amin da ray totoon arawid kaatapan.

Oseas 1:11

Mankasakey iray totood Juda tan saray totood Israel. Mamili ra na saksakey a pangulo ra, et ombaleg tan onaligwas ira lamet ed dilin dalin da. On, matalonggaring so agew nen Jezreel!

Mikias 4:6

“Onsabiy panaon,” kuay Katawan, “a tiponen kon pankakasakeyen iray totoon dinusak, saray nanliknay kairapan ed inkibantak dad arum a bansa.

Nahum 2:2

Ngalngali la ipawil na Katawan so kagalangan na Israel, a singa samay kagalangan to kasakbayan a sinasamsaman na saray kalaban to.)

Sofonias 3:20

Onsasabi lay panaon! Pasempeten ko ray totoo yon nikaykayat; pagmaliwen ta kayon bantug ed intiron mundo tan paaligwasen ta kayo lamet.” Say Katawan so nansalita.

Jeremias 31:16

Tondaan yo lay panaakis yo, tan ponasan yo ray lua yo. Ag nayarin ag natumangan iray amin a ginagawa yo para saray anak yo; ompawil iran manlapud dalin na kalaban.

Jeremias 31:17

Maung so ilalo yod arapen a panaon; ompawil ed dilin bansa ra iray anak yo. Siak, say Katawan, so nansalita.

Ezekiel 39:28

Diad satan naamtaan na saray totook a siak so Katawan a Dios da. Naamtaan da ya, lapud imbantak ko rad arum a bansa tan natan titiponen ko ran ipawil ed dilin dalin da, ya anggapon balut so itilak kod sikara.