Ezekiel 37:13 - Maung A Balita Biblia

¹³ No lokasan ko la ray lobuk ya akaipomponan na saray totook tan ipaway ko la ra, naamtaan dad satan a siak so Katawan.

Maung a Balita Biblia

¹³ No lokasan ko la ray lobuk ya akaipomponan na saray totook tan ipaway ko la ra, naamtaan dad satan a siak so Katawan.

Ezekiel 37:13 Referans Kwoze

Ezekiel 37:6

Itdan ta kayo na olat tan laman, insan balkuten ta kayo na baog. Itdan ta kayo na ingas tan pabilayen ta kayo. Naamtaan yod satan a siak so Katawan.”

Ezekiel 16:62

Pasimbaloen koy impisipanan kod sika, et naamtaan mo a siak so Katawan.

Exodo 6:3

Pinmanengneng ak a Makapanyarin-amin a Dios ed kindi Abraham, Isaac, tan Jacob, balet aliwan diad panamegley na masanton ngaran ko a Yahweh.

Ezekiel 37:12

Kanyan mampropisiya kad saray totook ya Israelita, ta ibagam ed sikara a siak a Katawan a Dios et lokasan ko ray lobuk da. Ipaway ko ra, insan ko ra ipawil ed dalin na Israel.

Ezekiel 37:14

Ingasan ko ra et nabilay ira, insan ko ra panayamen ed dilin dalin da. Naamtaan dad satan a siak so Katawan. Insipan ko a gawaen ya—et tuan gawaen ko. Siak a Katawan so nansalita.”

Oseas 13:14

Ag ko ra ilaban ed pakayari na pasen a panaayaman da ray inaatey odino iyagel ira ed pakayari na patey. O patey, ipadalan mo lay salot mo! O pasen a kawalaan da ray inaatey, ipadalan mo lay panagderal mo! Ag ko la kasian ira yan totoo.