Ezekiel 37:11 - Maung A Balita Biblia

¹¹ Inkuan na Dios ed siak, “Sika a toon ompatey, saray totood Israel et singa sarayan pokepokel. Ibabaga ra ya amagaan ira, naandian la ray ilalo tan anggapoy kabaliksan na arapen da.

Maung a Balita Biblia

¹¹ Inkuan na Dios ed siak, Sika a toon ompatey, saray totood Israel et singa sarayan pokepokel. Ibabaga ra ya amagaan ira, naandian la ray ilalo tan anggapoy kabaliksan na arapen da.

Ezekiel 37:11 Referans Kwoze

TAGA-EFESO 2:1

Nen saman inaatey kayo lapud insusumlang yod ganggan tan impankakasalanan yo.

Ezekiel 39:25

Say Katawan a Dios kuanto, “Balet natan kasian ko ray kabyangay boleg nen Jacob, saray totood Israel, tan paaligwasen ko ra lamet. Iyagel ko so masanton ngaran ko.

Ezekiel 36:10

Parakelen koy bilang yo. Manayam kayod saray siudad tan pasimbaloen yon ipaalagey iray aderal-deral a bengatla.

Jeremias 31:1

Say Katawan kuanto, “Onsabiy panaon a magmaliw ak a Dios na amin a tribu na Israel, tan sikaray magmaliw a totook.

Isaias 49:14

Balet inkuan na saray totood Jerusalem, “Inkaindan itayo na Katawan! Alingwanan to tayo.”

Oseas 1:11

Mankasakey iray totood Juda tan saray totood Israel. Mamili ra na saksakey a pangulo ra, et ombaleg tan onaligwas ira lamet ed dilin dalin da. On, matalonggaring so agew nen Jezreel!

Jeremias 2:25

Israel, ag mo la paniirapen so salim odino pamamagaan so kolokolong mo diad iyosil mod saray diriyos. Balet kuanmo, ‘Andi! Ag ko la nababawi. Inarok iray diriyos na saray arum a bansa tan sikaray tombuken ko.’”

Saray Salmo 141:7

Singa say kiew ya abelang-belang tan asapsapsap, ontan so kitayak na saray pokel da ed sangab na pasen a panaayaman da ray inaatey.

Saray Taga Roma 11:26

Onyay kilaban na intiron Israel. Onung na ibabagay Masanton Sulat, “Manlapud Sion so Manangilaban. Saray kabyangay boleg nen Jacob, ekalan to ray kaogsan.

Ezekiel 37:19

ibagam ed sikara a siak a Katawan a Dios et alaen ko so bislak ya ilalaman toy Israel, insan ko ilatup ed sakey a bislak ya ilalaman toy Juda. Pagmaliwen ko ran saksakey a bislak, insan ko ra bembenan ed limak.

Ezekiel 37:16

Inkuanto, “Sika a toon ompatey, mangala kay sakey a bislak tan isulat mod satan a bislak ira yan salita, ‘Say nanarian na Juda.’ Insan ka mangalay sakey nin bislak tan isulat mod satan a bislak yan salita, ‘Say nanarian na Israel.’

Saray Tagleey 3:54

Ngalngali ak la onlereg ed danum, et abaloan kon ompatey ak la.

Isaias 40:27

Totood Israel, akin et manririklamo kayo ya ibabaga yon ag amta na Katawan iray gunigon yo odino anggapoy walad sikato no nalalames kayo?

2 CORINTO 5:14

Ta ooleyan kamiy aro nen Cristo, bangta bibirbiren min inatey so sakey a too para amin a katoowan; say labay to yan ibaga, minanabang so amin a katoowan ed impatey to.

Saray Salmo 88:5

Singa ak la nikaindan ed kawalaan da ray inaatey; singa ak saray pinapatey ya akarokul ed kalobukan da, ya ag mo la ran balut nanununotan, tan ag mo la ra natulongan.

Saray Salmo 88:16

Dedetdetan ak na mapalalon petang na olom; dederalen ak na saray makapataktakot a panagkabil mo.

Jeremias 32:43

Ibabaga na saray totoo a sayan dalin et magmaliw a kalawakan ya anggapoy too odino ayep a manayam, tan niiter ed saray taga Babilonia. Balet nasaliw lamet iray kaalogan ed sayan dalin.

Saray Tagleey 3:18

Nakalan ak lay pilalek a mambilay; naandi lay ilalok ed Katawan.

Ezekiel 33:10

Say Katawan akisalitad siak. Inkuanto, “Sika a toon ompatey, olit mon ibagad saray Israelita so sasalitaen da: ‘Nabebelatan kami lapud saray kasalanan tan saray kaogsan mi. Onkakapoy kami lan onkakapoy. Panon niy pambilay mi?’

Say Libro nen Job 17:15

Iner ni sirin so kawalaay ilalok? Siopay makanenengneng a walay ilalok?

Saray Salmo 31:23

Aro yoy Katawan, amin yon matoor a totoo to! Iyaagel na Katawan iray matoor, balet dudusaen to ray mapaatagey onung ed kanepegan da.