Ezekiel 37:1 - Maung A Balita Biblia

¹ Aliknak so pakayari na kiwawalay Katawan, et inala ak na ispiritu to tan inlira to ak ed patar a napno na saray pokepokel.

Maung a Balita Biblia

¹ Aliknak so pakayari na kiwawalay Katawan, et inala ak na ispiritu to tan inlira to ak ed patar a napno na saray pokepokel.

Ezekiel 37:1 Referans Kwoze

Ezekiel 3:22

Aliknak so pakayari na Katawan tan nadngel kon kuantod siak, “Alagey ka tan lakad patar. Mitongtong ak ed sikad man.”

Saray Gawgawa 8:39

Kasakbit da, imbatik na Ispirituy Katawan si Felipe. Ag la anengneng na samay yunuko, tan maliket a linma la.

Ezekiel 33:22

Diad samay labi kasakbayan na insabi to, aliknak so biskeg na pakapanyari na kiwawalay Katawan. Nen sinmabi may too ed samay kaimbwasan, impawil na Katawan ed siak so pakapansalita lamet.

Ezekiel 1:3

Diman ed Babilonia diad gilig na Ilog na Kebar, nadngel koy Katawan ya akisalitad siak, tan aliknak so pakayari to.

Ezekiel 8:3

Inyonat toy singa lima, insan to ak siningkat ed buek. Diad sayan pasingayew say ispiritu na Dios inyatagey to ak tan inyakar to ak ed Jerusalem. Inyakar to ak ed dalem na lolooban na puirtad baybay na Timplo a kawalaan na talintaon makapaspasnuk ed Dios.

Puyan 1:10

Aminsan ya agew na Katawan, niwala ak ed pakayari na Ispiritu tan nadngel kon nibeneg ko so maksil a bosis, a singa tanul na trumpita.

Lucas 4:1

Sinmiput si Jesus ed Jordan a napnoy Ispiritu Santo, tan inyakar ed kalawakan na Ispiritu.

Ezekiel 40:1

Nen kumaplon agew na balon taon a sikatoy kumaduamplo tan liman taon na inkibantak mid arum a bansa tan sikato met so kumalabinapat a taon na inkadakep na Jerusalem, aliknak so pakapanyari na kiwawalay Katawan, insan to ak inyakar ed arawi.

Jeremias 7:32

Kanyan, onsabiy panaon ya ag la natawag na Tofet, odino Patar na Hinnom, no ag ingen natawag na Patar na Panagpateyan. Ipompon dad man iray bangkay na totoo lapud anggapo lay nakeraan a pasen a pangipomponan.

Ezekiel 11:24

Diad sayan pasingayew, inyatagey ak na ispiritu na Dios tan impawil to ak ya inyakar ed Babilonia a nibantakan mi. Insan naandi la may pasingayew.

Ezekiel 3:14

Linmoob ed siak so mabiskeg a pakayari na Katawan, tan diad pangaawit ed siak na ispiritu, akapasnuk ak tan ansakit so linawak.

Jeremias 8:2

Natipon tan nipompon ira komun, balet magmaliw iran singa saray taiy ayayep ya ataytayak ed dalin. Nitayak irad arap na agew, bulan, tan saray bitewen ya inaro tan nanlingkuran na sarayan totoo; angipanonan tan angigalangan da ra.

2 Saray Arari 2:16

tan kuanda, “Limamplo kami dian mabisbiskeg a lalaki. Abuloyan mo kamin onla, ta anapen miy amom. Angangko inyakar ed arawi na ispiritu na Katawan, insan to intilak ed sakey a toktok na palandey, odino diad sakey a patar a pasen.” “Andi, ag kayo oonla,” ebat nen Eliseo.

1 Saray Arari 18:12

Antoy amtak no kataynan ko dia et awiten ka na ispiritu na Katawan ed pasen ya anggapoy mikabat? Insan mo ibagak ed kinen Acab a wadya ka tan ag to ka narumog, pateyen to ak. Nepeg mon nunoten a gagalangen koy Katawan nanlapu lad impanogaw ko.

Isaias 26:19

Mambilay lamet iray totoo min inaatey! Nabilay iray bangkay da. Amin da ray nanaogip ed saray lobuk da et ombangon ira tan mankanta rad liket. No panon a pabebetelen na linaew so dalin, ontan met a pabilayen na Katawan iray abayag lan inatey.

Ezekiel 37:2

Inliber-liber to ak ed samay patar, et anengneng koy ontan lan karakel a pokel ya amaga-magaan ira.

Ezekiel 43:5

Inyatagey ak na ispiritu na Katawan, insan to ak inyakar ed samay patiod dalem, a diay akanengnengan kon napno na kagalangan na Katawan so Timplo.

Ezekiel 8:1

Nen kumaliman agew na kumanem a bulan na kumanem a taon na inkibantak mid sananey a bansa, saray pangulo da ray nibantak a taga ra Juda et manyodyorung iran kaibak ed abung ko. Kabebekta linmoob ed siak so pakayari na Katawan a Dios.