Ezekiel 36:34 - Maung A Balita Biblia

³⁴ Saray ondadalan nen saman ed saray alog yo et anengneng dan apaolyan tan matakel la ra, balet padalusan ko rad sikayo lamet.

Maung a Balita Biblia

³⁴ Saray ondadalan nen saman ed saray alog yo et anengneng dan apaolyan tan matakel la ra, balet padalusan ko rad sikayo lamet.

Ezekiel 36:34 Referans Kwoze

Ezekiel 6:14

On, onla ak a maneral ed bansa ra. Say bansa ra et pagmaliwen kon andi-kakanaan tan begtebegtew a pasen, manlapud niabalaten a kalawakan ya anggad siudad na Ribla diad baybay; napibaliy amin a pasen a panaayaman da ray Israelita. Diad satan naamtaan dan amin a siak so Katawan.”

2 Saray Awaran 36:21

Sikato yay impakasumpal na samay impasakbay na Katawan diad panamegley nen propita Jeremias: “Magmaliw ya andi-kabaliksan a pitomploy taon so dalin, pian nasalatan iray ag angilinan ya Agew na Panagpainawa.”

Ezekiel 36:9

Wala ak ed diking yo, tan andi-duaruwa a nabaka lamet so dalin yo tan nataneman.

Ezekiel 36:33

Say Katawan a Dios kuanto, “No alinisan ta kayo lad saray kasalanan yo, panayamen ta kayo lamet ed saray siudad yo tan paapiger kod sikayo iray aderal-deral.

Ezekiel 36:35

Salitaen na balang sakey no panon a sayan siudad, a nen saman sakey a kalawakan, et nagmaliw a singa Tanamanan na Eden, tan no panon a panaayaman la tan apaliberan la na padir iray siudad ya ageba-geba, ataynan, tan aderal-deral nen saman.

Ezekiel 5:14

Balawen tan arawian kayo na balang sakey ya ondalan a toon taga saray bansan walad kaliber-liber yo.