Ezekiel 36:26 - Maung A Balita Biblia

²⁶ Itdan ta kayo na balon puso tan balon isip. Ekalen kod sikayoy inmawet a puso yon singa bato tan itdan ta kayo na maonur a puso.

Maung a Balita Biblia

²⁶ Itdan ta kayo na balon puso tan balon isip. Ekalen kod sikayoy inmawet a puso yon singa bato tan itdan ta kayo na maonur a puso.

Ezekiel 36:26 Referans Kwoze

Saray Salmo 51:10

O Dios, gawam pan malinis so pusok; itdan mo ak pay balo tan matoor ya ispiritu.

2 CORINTO 5:17

Kanyan nagmaliw a balon pinalsa so siopaman a toon akikasakey ed Cristo. Linmabas lay daan, tan sinmabi lay balo.

Deuteronomio 30:6

Say Katawan a Dios yo et itdan to kayo tan saray kabyangay boleg yo na matoluk a puso pian aroen yo ed intiron puso yo, et mansiansia kayon manayam ed saman a dalin.

2 CORINTO 3:3

Malinew a sikayo so sulat nen Cristo ya impawit ed panamegley mi. Aliwan tinta so impangisulat ed saya, no ag ingen say Ispiritu na mabilay a Dios; tan aliwan diad tapew na baton tapyak so angisulatan, no ag ingen diad pusoy katoowan.

TAGA-EFESO 2:10

Say Dios so Manamalsa tayo, tan diad pikakasakey tid Cristo Jesus pinalsa to itayo a manggaway maung iran gawa a say Dios imparaan to la ran sumpalen tayo.

Jeremias 32:39

Itdan ko ray saksakey a getmad bilay: say pamagalang da lawas ed siak a pankaabigan da tan saray kabyangay boleg da.

Puyan 21:5

Insan inkuanto may akayorung ed trono, “Natan, pasimbaloen ko ya amin iray bengatla!” Inkuantod siak ed satan, “Isulat mo ya, ta napanmatalkan tan tua ra yan salita.”

2 CORINTO 3:18

Natan ta nakal lay sakbung ed lupa tayo, sikatayo lan amiy mangipatnag na marlang a kagalangay Katawan. Saman met lamlamang a marlang a kagalangan a manlapud Katawan a sikatoy Ispiritu so mangoman na nengneng tayo pian magmaliw a lalon marmarlang, anggad makapipara tayod sikato.

TAGA GALACIA 6:15

Asegat man odino andi so sakey a too, anggapoy wala. Say manona say pagmaliw a balon pinalsa.

Zacarias 7:12

Pinaawet dan singa bato so kapusoan da. Mapalaloy impakapasnuk ko lapud ag ira dinmengel ed saray ganggan kon impaibangat kod saray propitan nambibilay nen saman a panaon.

Mateo 13:5

Saray arum ya ilik dinmapod dalin a batoy dalem to. Lapud kinaraiset tan kinaimpis na dalin, tinmubo ran tampol.

Jeremias 24:7

Itdan ko ra na pilalek a mangamta a siak so Katawan. Diad satan magmaliw iran totook tan siak so Dios da, lapud ompawil irad siak diad intiron puso ra.

Ezekiel 18:31

Tondaan yo la ray kaogsan a gagawaen yo, tan iyalaan yo lay sikayon dili na balon isip tan puso. Akin et labay yoy ompatey, sikayo ran Israelita?

1 Samuel 10:9

Nen si Saul et tinaynan toy Samuel, say Dios initdan toy Saul na balon inkatoo. Amin ya imbagad sikato nen Samuel agawa ed saman ya agew.

Ezekiel 39:29

Ikalbok ed saray totood Israel so ispirituk tan ag ko la ran balut ikaindan. Siak a Katawan a Dios so nansalita.”

Lucas 5:38

Nepeg a say balon alak ikargad balo met a pananginan!