Ezekiel 36:2 - Maung A Balita Biblia

² siak a Katawan a Dios: Saray kalaban na Israel kuanda, ‘Maung, anggan sarayan abaybayag lan kapokdulan et kayaryan tayo la ra!’

Maung a Balita Biblia

² siak a Katawan a Dios: Saray kalaban na Israel kuanda, Maung, anggan sarayan abaybayag lan kapokdulan et kayaryan tayo la ra!

Ezekiel 36:2 Referans Kwoze

Deuteronomio 32:13

“Inabuloyan ton manoley ira ed saray atagey a pasen, tan impanbilay day bunga na saray tanaman ed kaalogan. Nanaala ray dilo ed saray sengat na saray ankakabaleg a bato; malambut a tinmobod kabatowan iray kakiewan dan oliba.

Ezekiel 35:10

“Imbagam a kayaryan mo ra may duaran bansa, say Juda tan say Israel, tan saray dalin da, tan sakopen mo ra, anggaman a siak a Katawan so Dios da.

Ezekiel 25:3

Ibagam ed sikaran ondengel irad ibabagak, siak a Katawan a Dios: Akaliket kayon akanengneng ed inkadotakan na Timplok, say inkaderal na dalin ya Israel, tan say inkibantak na saray taga Juda.

Habacuc 3:19

Pinabiskeg ak na Katawan a Dios. Patalabiten to ray salik a singa sali na ulsa tan iyarawi to ak ed kaatapan diad kapalandeyan.

Ezekiel 26:2

Inkuanto, “Sika a toon ompatey, dengel mo yay ibagak. Sikato yay pakaliliketan na saray totood siudad na Tiro. Iyeeyag da, ‘Aderal-deral so Jerusalem! Naandi la so pakayari to ed nigosio! Ag lan balut nayarin kakompitinsia!’

Jeremias 49:1

Sikato yay inkuan na Katawan nipaakar ed Ammon: “Iner so kawalaan da ray lalaki na Israel? Anggapo ta lad sikaray mangyagel ed dalin da? Akin et inabuloyan da ray totoon manangigalang ed dios a Moloc a sakopen day dalin na tribu nen Gad tan manayam irad man?

Isaias 58:14

narumog yod satan so liket ya iter na panlingkur ed siak. Pagmaliwen ta kayon galgalangen na sankamundoan, tan manliket kayo ed panayam yo ed dalin ya inter kod laki yon Jacob. Siak, say Katawan, so nansalita.”

Saray Salmo 78:69

Diman to impaalagey so Timplo to a kaparparay abung tod tawen; inletneg to na malmalet a singa say mundo, kanyan mansiansian anggad angga.

Ezekiel 36:5

“Diad gaway pasnuk ko, siak a Katawan a Dios, nansalita ak na sumpad saray kaliber-liber a bansa, nagkalalo lad Edom. Diad ontan lan liket tan panagbalaw da, dinakep day dalin ko tan kinayaryan da ray pastolan to.

Ezekiel 35:12

Diad satan, nakabatan mo a siak a Katawan et nadngel ko may mapaatagey mon impansalita a begtebegtew iray kapalandeyan na Israel tan nayarian mon gawaen so labalabay mo ed sikara.

Ezekiel 36:1

Say Katawan kuanto, “Sika a toon ompatey, mansalita kad kapalandeyan na Israel tan ibagam ya ondengel ira ed ibabagak ed sikara,

Obadias 1:13

Ag yo nepeg a nilooban komun so siudad na saray totook, pian napanliketan yo so kairapan da tan nasamsam yo ray kayamanan da diad samay agew na inkaderal da.

Saray Salmo 83:13

Dios ko, ibuybuyak mo pa ran singa dabuk, singa taep ya ipalir-palir na dagem.