Ezekiel 36:18 - Maung A Balita Biblia

¹⁸ Impaliknak ed sikara so sulit na pasnuk ko lapud saray impanpapatey dad saray totoo ed bansa tan lapud saray talintaoy diriyos a sikaray makasengeg na impandotak dad dalin.

Maung a Balita Biblia

¹⁸ Impaliknak ed sikara so sulit na pasnuk ko lapud saray impanpapatey dad saray totoo ed bansa tan lapud saray talintaoy diriyos a sikaray makasengeg na impandotak dad dalin.

Ezekiel 36:18 Referans Kwoze

Ezekiel 7:8

“Ag la mabayag, ondapo lad sikayoy amin a biskeg na pasnuk ko. Sisintinsiaan ta kayo lapud saray ginagawa yo, tan singilen ta kayo lapud saray makapaingungot a kagagawa yo.

2 Saray Awaran 34:21

“Lakayo ta ipanonan yo ak ed Katawan tan amin iray totoon atilak nin manaayam ed Juda tan Israel. Amtaen yo so nipaakar ed saray bangat na sayan libro. Mamapasnuk so Katawan ed sikatayo, lapud ag inonur na saray lalaki tayo so salita na Katawan tan ag da ginawa so ibabaga na sayan libro.”

Saray Tagleey 4:11

Impelag na Katawan so intiron biskeg na petang na olo to; pinoolan to ya anggad dalin so siudad na Sion.

Saray Tagleey 2:4

Singa kalaban ya impaarap toy pana tod sikatayo; Pinatey ton amin iray ikikinon tan panliliketan tayo. Anggan diad Jerusalem alikna tayoy manliub a pasnuk to.

Puyan 14:10

inomen toy alak, say alak na pasnuk na Dios ya imbales ton anggapoy lauk ed kupay sanuk to! Napairap ed apoy tan asupri diad arap na Kordiro tan saray masanton anghil.

Nahum 1:6

No mamapasnuk so Katawan, siopay makapaliis ed patey? Siopay makatepel na ontan lan sanuk to? Iibung toy manliub a pasnuk to; diad arap to nakukusbo tan ondadabuk iray baton-dampay.

Ezekiel 23:37

Akikaloguran ira tan amatey ira—akikaloguran irad saray talintaoy diriyos tan pinatey da ray anak dad siak. Imbabagat dad saray talintaoy diriyos da iray anak kon lalaki.

Ezekiel 21:31

Nalikna yo so sulit na pasnuk ko no singa apoy ya idapok ed sikayo. Insan ipalima ta kayod saray maruksan totoo a marunong iran manderal.

Ezekiel 14:19

“No mangipadalan ak na salot ed saman a bansa tan diad pasnuk ko mamatey ak na amayamay a totoo tan ayayep,

Jeremias 44:6

Kanyan nampasnuk ak a maung ed saray baley na Juda tan diad saray dalan na Jerusalem, tan pinopoolan ko ra. Aderal-deral ira tan nagmaliw iran makapagiwgiw a nengnengen, a singa kipapasen da natan.

Jeremias 7:20

Kanyan siak, say Katawan a Dios, idapok ed sayan Timplo so ontan lan pasnuk ko. Idapok ed saray totoo, saray ayayep, tan anggan diad saray kakiewan tan saray tanaman. Say pasnuk ko singa pool ya anggapoy makadepdep.

Isaias 42:25

Lapud saya indapo tod sikatayoy pasnuk to tan impanirap to tayod bakal. Singa apoy ya amool ed intiron Israel so pasnuk to, balet ag tayo atalusan no antoy kabaliksan na nagagawa; ag tayon balut akaaral ed agawa.

2 Saray Awaran 34:26

No nipaakar ed ari, siak, say Katawan a Dios na Israel, kuanko: Dinengel moy nisulat ed samay libro,

2 Saray Awaran 34:25

Impolisay da ak tan nambabagat irad saray arum a diriyos, kanyan impanpasnuk da ak lapud amin a ginagawa ra. Pinmetang so olok ed Jerusalem, et ag ombetel.

Ezekiel 22:20

a singa pangyan ed palbaan na pilak, gansa, balatyang, ismay, tan lata. Tonawen ira na pasnuk tan sanuk ko a singa panonaw na apoy ed gansa.

Ezekiel 22:22

Natonaw ira ed Jerusalem a singa katonaw na pilak ed palbaan, et diad satan naamtaan da a liliknaen da so sulit na pasnuk ko, siak a Katawan.”

Ezekiel 39:23

Nakabatan na saray bansa a saray Israelita et nibantak irad arum a bansa, lapud saray kasalanan dad siak. Inkaindan ko ra tan inabuloyan kon taloen tan pateyen ira ed bakal na saray kalaban da.

Jeremias 16:18

Mamidway belat so dusan iter kod sikara, lapud kasalanan tan kaogsan da; dinotakan day dalin ko na saray talintaon anggapoy bilay a singa bangkay, tan pinano ra na saray tila-tilan diriyos.”

Ezekiel 33:25

“Ibagam ed sikara so ibabagak, siak a Katawan a Dios: Mangakan kayoy karnin nandala. Mangigagalang kayod saray talintaoy diriyos. Mampapatey kayo na saray totoo. Panoy pangibabaga yon kayaryan yoy dalin?