Ezekiel 36:11 - Maung A Balita Biblia

¹¹ Parakelen koy bilang da ray totoo tan saray ayayep. Magmaliw a dakel niy bilang yo nen say karakel yo nen saman, ta nawalaan kayo na amayamay ya anak. Panayamen ta kayod man a singa samay impanayam yo nen saman, ta paaligwasen koy bilay yo a mapalalo nen say bilay yo nen saman. Diad satan naamtaan yo a siak so Katawan.

Maung a Balita Biblia

¹¹ Parakelen koy bilang da ray totoo tan saray ayayep. Magmaliw a dakel niy bilang yo nen say karakel yo nen saman, ta nawalaan kayo na amayamay ya anak. Panayamen ta kayod man a singa samay impanayam yo nen saman, ta paaligwasen koy bilay yo a mapalalo nen say bilay yo nen saman. Diad satan naamtaan yo a siak so Katawan.

Ezekiel 36:11 Referans Kwoze

Jeremias 33:12

Inkuan na Katawan a Makapanyarin-amin, “Diad sayan dalin a singa kalawakan ya anggapoy too o ayep a manaayam, nawalaan lamet na saray pastolan a napanyakaran na saray pumapastol na saray karniro ra.

Mikias 7:14

Katawan, sika pay mampastol ed saray totoon pinilim. Anggan manaayam iran mambukbukor ed kalawakan, walay mataban dalin ed kaliber-liber da. Ipaarap mo pa ran mangan ed saray malambut a pastolan ed Basan tan Galaad a singa ginagawa ra nen saman.

Ezekiel 37:13

No lokasan ko la ray lobuk ya akaipomponan na saray totook tan ipaway ko la ra, naamtaan dad satan a siak so Katawan.

Jeremias 31:27

“Siak, say Katawan, kuanko ya onsabiy panaon a panoen ko na totoo tan ayayep so dalin na Israel tan Juda.

Oseas 2:20

Tooren koy sipan ko tan kayaryanen ta ka, tan birbiren mo ak a Katawan.

Ezekiel 16:55

Onaligwas ira lamet; ontan met, onaligwas ka lamet tan saray bariom.

Jeremias 30:18

Say Katawan kuanto, “Papawilen kod dalin da iray totook, tan kasian koy balang pamilya; napasimbalon nipaalagey so Jerusalem; tan say palasio.

Say Libro nen Job 42:12

Mapalalo niy impambindision na Katawan ed kaonuran a panaon na impanbilay nen Job nen samay inmonan panaon na impanbilay to. Saray kayaryan nen Job et labinapat a libon karniro, anem a libon kamilyo, duanlibon baka, tan sanlibon kabatyan ya asno.

Saray Hebreo 11:40

ta angiparaay Dios na magmaung a planon para sikatayo. Say getma to say ag da pagmaliw ya ayadyari no ag da itayo kaiba.

Amos 9:15

Itanem ko ray totook ed dalin ya inter kod sikara, et ag la ran balut nabagut.” Say Katawan a Dios yo so nansalita.

Ezekiel 36:35

Salitaen na balang sakey no panon a sayan siudad, a nen saman sakey a kalawakan, et nagmaliw a singa Tanamanan na Eden, tan no panon a panaayaman la tan apaliberan la na padir iray siudad ya ageba-geba, ataynan, tan aderal-deral nen saman.

Isaias 30:26

Say bulan magmaliw a maliwawan singa agew, tan say agew magmaliw a mamimpitoy kinaliwawa to, a singa kinaliwaway pitoran agew a nankakasakey. Nagawa ra yan amin no berberen tan paabigen na Katawan iray sinusugat tod saray totoo to.

1 Juan 5:20

Amta tayo a linma diay Anak na Dios tan initdan to itayoy pakatalus, pian naamtaan tayoy tuan Dios. Wala itayod tuan Dios—diad Anak ton Jesu-Cristo. Sikato yay tuan Dios, tan sikato yay bilay ya andi-anggaan.

Ezekiel 35:9

Pagmaliwen ta kan begtebegtew ya anggad angga, tan anggapo lay manayam lamet ed saray siudad mo. Naamtaan mod satan a siak so Katawan.

Ezekiel 37:6

Itdan ta kayo na olat tan laman, insan balkuten ta kayo na baog. Itdan ta kayo na ingas tan pabilayen ta kayo. Naamtaan yod satan a siak so Katawan.”

Isaias 51:3

“Kasian ko so Jerusalem saray amin a manaayam ed saray deral-deral to. Anggaman a kalawakan so dalin to, gawaen ko a sakey a tanamanan, singa samay tanamanan a ginawak ed Eden. Niwalad man so liket tan gayaga, tan saray kantan pangidayew tan pisalamat ed siak.

Ezekiel 37:26

Misipanan ak ed sikara; sayan sipanan so kaletan diad pambilay dan arawid kaatapan diad ando lan ando. Iletneg ko ra tan parakelen koy bilang da, tan magnayon a panalageyen kod dalin da so Timplok.

Zacarias 10:8

“Tawagen ko ray totook tan pantitiponen ko ra. Ilaban ko ra tan pagmaliwen ko ran dakerakel a singa samay gendat a karakel da.

Deuteronomio 30:5

pian nakayaryan yo lamet so dalin a nanayaman na saray lalaki yo. Lalon paaligwasen to kayo tan lalon parakelen to kayo nen saray lalaki yo nen saman.

Jeremias 23:3

Tiponen ko ray totook ya akeraan manlapud saray bansan angikay-kayatan kod sikara, tan ipawil ko rad dilin dalin da. Nawalaan iray amayamay ya anak tan ondakel so bilang da.

Jeremias 23:4

Manoro ak na saray manoley a manasikasod sikara. Ag la rad satan ontakot odino nataktakot, tan anggapod sikaray nabalang. Siak, say Katawan, so nansalita.”

Oseas 2:1

Kanyan tawag mo ray kaparam ya Israelita na “Saray Totoo na Dios” tan “Naaro-na-Katawan.”

Amos 9:11

Say Katawan kuanto, “Onsabiy agew ya ipawil koy gendat a kipapasen na nanarian nen David, a kaparpara toy sakey ya abung ya aderal-deral ed inkageba to. Apigeren ko ray padir to tan ipaalagey kon singa gendat.

Zacarias 2:8

Siopamay mangabil ed sikayo kabilen toy sankablian ed siak.” Kanyan say Katawan a Makapanyarin-amin imbaki to ak a mangikuan ed saray bansan sinasamsaman da ray totoo to,