Ezekiel 35:5 - Maung A Balita Biblia

⁵ “Sikay mabetbet a kalaban nen saman na Israel tan impapapatey mo ray totoo to diad samay panaon na inkaderal to, salanti samay kaonuran ya impakadusa to lapud saray kasalanan to.

Maung a Balita Biblia

⁵ Sikay mabetbet a kalaban nen saman na Israel tan impapapatey mo ray totoo to diad samay panaon na inkaderal to, salanti samay kaonuran ya impakadusa to lapud saray kasalanan to.

Ezekiel 35:5 Referans Kwoze

Saray Salmo 137:7

Nunot mo pa, Katawan, so ginagawa da ray Edomita, nen agew ya adakep so Jerusalem. Nunot mo may imbabagbaga ra, “Geba yo ya anggad pundasion to!”

Amos 1:11

Say Katawan kuanto, “Nankakasalanan iray totoon taga Edom, kanyan andi-saew a dusaen ko ra. Inoosilan day ispada iray lalakin agagi ra ya Israelita, tan ag da ran balut kinasian. Anggapoy anggaan so pasnuk da tan ag dan balut pinakepa.

Ezekiel 25:12

Say Katawan a Dios kuanto, “Saray totood Edom et alablabas so imbawi rad Juda tan, lapud sayan imbawi ra, nagmaliw so Edom a makasalanan ya anggad angga.

Ezekiel 21:29

Tila ray nanenengneng yon pasingayew, tan aliwan tua iray ipapasakbay yon nagawa. Maoges kayon totoo. Onsasabi lay agew na pakadusa yon siansia. Ondapo lan ontoruk ed pagew yo so ispada.

Ezekiel 21:25

“Sikan maoges tan nisamba a manoley na Israel, onsasabi lay agew na kaonuran a pakadusam.

Ezekiel 25:15

Say Katawan a Dios kuanto, “Saray Filisteo et alablabas so imbawi rad saray gendat lan kalaban da tan diad gaway pambosul da dineral da ra.

Daniel 9:24

“Mamimpiton pitomplo a taon so karokey na panaon ya inggetar na Dios a pangibolus ed saray totoom tan say masanton siudad mo ed kasalanan tan kaogsan. Napirdona so kasalanan tan niletneg so andi-anggaan ya inkatonung, pian ontua so pasingayew tan say propisiya, tan nisaklang lamet ed Dios so masanton Timplo.

Ezekiel 35:12

Diad satan, nakabatan mo a siak a Katawan et nadngel ko may mapaatagey mon impansalita a begtebegtew iray kapalandeyan na Israel tan nayarian mon gawaen so labalabay mo ed sikara.

Jeremias 18:21

Balet natan, Katawan, gawam pan ompatey ed eras iray anak da; ipapatey mo pa rad bakal. Iyabuloy mo pan nabalo ray bibii tan naandid mundo ray anak da; gawam pan ompatey ed salot iray lalaki, tan diad bakal iray lalakin walad kalangweran.

Saray Salmo 63:10

Napatey irad bakal, tan buagen na saray asod katakelan iray bangkay da.

Ezekiel 7:2

Inkuanto, “Sika a toon ompatey, sikato yay ibabagak ed dalin na Israel, siak a Katawan a Dios: Sikato yay pansamput na intiron dalin!

Ezekiel 36:5

“Diad gaway pasnuk ko, siak a Katawan a Dios, nansalita ak na sumpad saray kaliber-liber a bansa, nagkalalo lad Edom. Diad ontan lan liket tan panagbalaw da, dinakep day dalin ko tan kinayaryan da ray pastolan to.

Amos 1:6

Say Katawan kuanto, “Nankakasalanan iray taga Gaza, kanyan andi-saew a dusaen ko ra. Inaala da ray amin a totood saman a bansa, insan da ra inlalakon aripen ed saray taga Edom.