Ezekiel 35:3 - Maung A Balita Biblia

³ Ibagam ed saray totood man so ibabagak, siak a Katawan a Dios: “Siak so kalaban yo, sikayon kapalandeyan na Edom! Pagmaliwen ta kayon andi-kakanaan tan begtebegtew a dalin.

Maung a Balita Biblia

³ Ibagam ed saray totood man so ibabagak, siak a Katawan a Dios: Siak so kalaban yo, sikayon kapalandeyan na Edom! Pagmaliwen ta kayon andi-kakanaan tan begtebegtew a dalin.

Ezekiel 35:3 Referans Kwoze

Jeremias 6:12

Niiter ed saray arum iray kaabungan da; ontan met ed saray kaalogan da tan saray kaasawaan da. Dusaen ko ray totoo ed sayan dalin.

Ezekiel 35:7

Pagmaliwen kon andi-kakanaan so dalin mo, Edom, tan pateyen kon amin iray manakar diman.

Ezekiel 6:14

On, onla ak a maneral ed bansa ra. Say bansa ra et pagmaliwen kon andi-kakanaan tan begtebegtew a pasen, manlapud niabalaten a kalawakan ya anggad siudad na Ribla diad baybay; napibaliy amin a pasen a panaayaman da ray Israelita. Diad satan naamtaan dan amin a siak so Katawan.”

Jeremias 15:6

Impolisay yo ak, sikayon totoo; imbeneg yo ak. Kanyan inyonat ko ray limak, tan kinabil ta kayo, lapud naoputan ak lay anos ed sikayo.

Nahum 3:5

Say Katawan a Makapanyarin-amin kuanto, “Dusaen ta ka, Ninive! Ekalan ta kay kawes tan ipanengneng ta kad saray bansa, et nanengneng day pakababaingan mo.

Nahum 2:13

“Siak so kalaban mo!” kuay Katawan a Makapanyarin-amin. “Poolan ko ray karwahim. Napatey ed bakal iray sondalom, tan alaen kon amin iray bengatlan sinasamsam mod saray arum a bansa. Ag la narengel so antokaman ya ibaga na saray ibabakim.”

Ezekiel 29:10

siak so kalaban mo tan say kalaban na Nilom. Pagmaliwen kon andi-kakanaan tan begtebegtew so intiron dalin na Egipto, manlapud siudad na Migdol diad baybay ya anggad siudad na Aswan diad abalaten, a talosen toy anggad ketegan na Sudan.

Ezekiel 29:3

Ibagam a sikato yay ibabaga na Katawan a Dios ed ari na Egipto: Siak so kalaban mo, sika a dragon a buaya a walad ilog. Ibabagam a kayaryan moy Ilog na Nilo, tan sika so nanggawa.

Ezekiel 25:13

Ibabawag ko natan a dusaen koy Edom tan pateyen kod may balang too tan ayep. Pagmaliwen kon dalin ya andi-kakanaan, manlapud siudad na Taman ya anggad siudad na Dedan, tan napatey ed bakal iray totoo.

Ezekiel 21:3

a siak a Katawan kuanko: Siak so kalaban yo. Oyusen koy ispadak tan pateyen ta kayon amin, matonung may maoges.

Ezekiel 5:15

“No ampetang so olok tan mapalaloy pasnuk kod sikayo tan dusaen ta kayo, nataktakot ya amin iray bansan walad kaliber-liber yo. Naingungotan iran onnengneng ed sikayo, tan ludlureyen da kayo.

Ezekiel 5:8

Kanyan siak a Katawan a Dios ibabagak ed sika a siak so kalaban mo. Sintinsiaan ta ka a sankanengneng na saray totood arum a bansa.

Jeremias 51:25

Babilonia, singa ka sakey a palandey a maneral ed intiron mundo, balet kalaban mo ak, siak a Katawan. Egnaan ta ka, ipalanas ta kad dalin, tan padapulen ta ka.

Jeremias 21:13

Sika, Jerusalem, manyodyorung kad pasen ya atagey nen saray patar, a singa baton-dampay ya atagey nen say palanas a dalin. Balet, siak, say Katawan, labanan ta ka. Ibabagam ya anggapoy makadogpa ed sika odino makaloob ed kawalaan mo.

Jeremias 49:13

Sinambaan kon dili a say siudad na Bozra et magmaliw a makapataktakot a nengnengen tan sakey ya andi-kakanaan; ludlureyen na saray totoo tan ikana ray ngaran to a sakey a samba. Ando lan andon naderal iray kaliber-liber ton baley. Siak, say Katawan, so nansalita.”

Jeremias 49:17

Say Katawan inkuanto, “Makapasinagem so nagawa ed Edom, kanyan nikelawan tan nataktakot ed agawa so siopaman a makadalan.

Ezekiel 35:15

a singa samay impanliket mod inkaderal na Israel a kayaryan ko. Say kapalandeyan na Seir, on, say intiron dalin na Edom, magmaliw a begtebegtew. Diad satan naamtaan na amin a katoowan a siak so Katawan.”

Malakias 1:3

tan binosul koy Esau tan saray kabyangay boleg to. Dinederal koy kapokdulan a baley nen Esau tan pinaolyan kod saray ayayep ed katakelan so dalin to.”