Ezekiel 34:6 - Maung A Balita Biblia

⁶ Kanyan nanakar-akar ed kapokdulan tan diad kapalandeyan iray karnirok. Nikaykayat irad nandoroman pasen ed intiron mundo. Anggapoy anggan sakey a nananap ed sikara.

Maung a Balita Biblia

⁶ Kanyan nanakar-akar ed kapokdulan tan diad kapalandeyan iray karnirok. Nikaykayat irad nandoroman pasen ed intiron mundo. Anggapoy anggan sakey a nananap ed sikara.

Ezekiel 34:6 Referans Kwoze

1 Pedro 2:25

Nen saman singa kayo saray karniron abalbalang, balet natan akapawil ki lan ontotombuk ed Pastol tan Managasikaso na kamarerwa yo.

Saray Salmo 142:4

No onlingaw ak ed diking ko, anggapoy nanengneng kon ontulong ed siak; anggapoy mangyagel ed siak. Anggapoy mangaasikasod siak.

Juan 10:16

Wala ni ray arum a karnirok ya andi rad sayan koral. Nakaukolan ya ipitipon ko met ira. Dengelen da met so bosis ko tan diad onya, magmaliw a saksakey so poluk tan saksakey met so managpastol.

Ezekiel 7:16

Wala ray ombatik ed kapalandeyan tan singa ra malapatin ataktakot a nanlapud saray patar. Amin da pandageyeman da ray kasalanan da.

Jeremias 13:16

Pagalangan yoy Katawan a Dios yo, kasakbayan a mangyakar na kabilongetan, tan natumtumba kayod kapalandeyan; kasakbayan a pagmaliwen ton ambilbilonget so iilaloan yon liwawa.

Jeremias 5:1

Totood Jerusalem, batik kayod saray dalan yo! Nengneng kayod kaliber-liber! Nengneng yon dili! Sokimat yo ray tindaan! Makalmo kayo kasiy anggan sakey a toon manggagawa na katonungan, tan manaanap na kaptekan. No walay narumog yo, pirdonaen na Katawan so Jerusalem.

Jeremias 50:6

“Singa abalang a karniro iray totook; saray pumapastol da pinaolyan da ran abalang ed kapalandeyan. Nanakar-akar irad nandoroman palandey, kanyan alingwanan da la no iner so kawalaay abung da.

Ezekiel 34:7

“Natan, sikayo a pumapastol, dengel yoy ibabagak ed sikayo, siak a Katawan.

Oseas 7:13

“Pakaskasi la ra! Inkaindan da ak tan linmaban irad siak. Naderal ira. Labay ko ran ilaban, balet tila-tila so impangigalang dad siak.

Joel 3:2

Tiponen kon amin iray bansa tan iyakar ko rad Patar na Sintinsia. Sintinsiaan ko rad man, lapud amin a ginagawa rad saray totook. Inkakayat dad saray arum a bansa iray Israelita tan inaapag day dalin kon Israel.

Saray Salmo 119:176

Akar-akar ak a singa abalang a karniro; anap mo ak pa sirin ya aripen mo, ta ag ko inkaindan iray ganggan mo.

Isaias 51:18

Anggapoy mangiwanwan ed sika, anggapod saray totoom so mangitabin ed sika.

Jeremias 10:21

Inmebat ak, “Anggapoy kalakal iray pangulo mi; ag ira papaiwanwan ed Katawan. Sikato yay makasengeg no akin et aliwa ran maaligwas, tan nikaykayat iray totoo tayo.