Ezekiel 34:27 - Maung A Balita Biblia

²⁷ Mambunga ray kakiewan, wala ray bungay kaalogan, tan manayam ed dilin dalin to ya arawid kaatapan so balang sakey a too. No paksoten koy akagolunggolung ed saray totook tan ibolus ko rad saray angaripen ed sikara, naamtaan dad satan a siak so Katawan.

Maung a Balita Biblia

²⁷ Mambunga ray kakiewan, wala ray bungay kaalogan, tan manayam ed dilin dalin to ya arawid kaatapan so balang sakey a too. No paksoten koy akagolunggolung ed saray totook tan ibolus ko rad saray angaripen ed sikara, naamtaan dad satan a siak so Katawan.

Ezekiel 34:27 Referans Kwoze

Jeremias 30:8

Say Katawan a Makapanyarin-amin kuanto: “No nasabi tan ya agew, poteren koy pakon walad tenger da tan ekalen koy akagolunggolung ed sikara. Ag la rad satan aripenen na saray taga arum a bansa.

Levitico 26:13

Siak a Katawan a Dios et impaway to kayo manlapud Egipto pian ag ka yo la naaripen. Pinoter koy pakayarin angitelmer ed sikayo tan inabuloyan ta kayon manakar a maptek so kaoloan.”

Levitico 26:4

mangipelag ak na oran no manepeg a panaon, pian makapangiter na bunga so dalin tan makapambunga ray kakiewan.

Saray Salmo 85:12

Say Katawan paaligwasen to itayo, tan say dalin tayo mambungay daakan.

Jeremias 2:20

Say Katawan a Dios kuanto, “Israel, nen saman impolisay moy pakaoley ko; ag mo nilabay ya onuren ak tan igalang ak. Diad toktok na balang atagey a pokdul, tan diad silong na balang mabonan kiew, angigalang kad singa marotak a bii.

Isaias 4:2

Onsabiy panaon a say Katawan pabalegen tan pagmaliwen ton marakep so balang tanaman tan kiew a walad dalin. Amin da ray nakdaan a totood Israel et ikinon tan panliketan da ray bungay dalin.

Ezekiel 47:12

Diad nantopag a pandel na kolus ontubon amin iray klasiy kiew a maniter na tagano. Ag balut nalenes iray bolung da, tan ag iran balut ontondan mambunga. Binolan iran maniter na kapamborbor a bunga, lapud nasasalog ira na managagos a danum a manlalapud Timplo. Maniter na tagano iray may kakiewan, tan nikanan tambal na totoo iray bolung da.”

Ezekiel 39:28

Diad satan naamtaan na saray totook a siak so Katawan a Dios da. Naamtaan da ya, lapud imbantak ko rad arum a bansa tan natan titiponen ko ran ipawil ed dilin dalin da, ya anggapon balut so itilak kod sikara.

Ezekiel 34:10

Ibawag ko a siak a Katawan a Dios so kalaban yo. Ekalen kod sikayo ray karnirok tan ag ta kayo lan balut pampastolen ed sikara; ag ko la iyabuloy a say laman yon dili labat so asikasoen yo. Iyagel kod sikayo iray karnirok tan ag ko iyabuloy a kanen yo ra.

Ezekiel 33:29

No dusaen ko ray totoo lapud saray kasalanan da tan pagmaliwen kon andi-kakanaan so dalin da, naamtaan dad satan a siak so Katawan.”

Jeremias 27:7

Manlingkur ed sikato ray amin a bansa, tan manlingkur irad anak ton laki tan say apo ton laki, anggad isabiy panaon na kapelag na bansa ton dili. Diad satan manlingkur so bansa to ed saray makapanyarin bansa tan diad saray matalonggaring ya arari.

Jeremias 25:14

Pambayaren ko ray taga Babilonia lapud saray ginagawa ra, et amayamay a bansa tan matalonggaring ya arari so mangaripen ed sikara.’”

Isaias 61:3

A mangiter ed saray maneermen ed Sion Na liket tan gayaga, aliwan ermen, Sakey a kanta na dayew, aliwan ermen. Magmaliw iran singa saray kiew A say Katawan a dili so angitanem. Say inkatonung so gawaen dan amin, Tan nadayew so Dios lapud ginawa to.

Isaias 10:27

No onsabiy tan ya agew ekalen ta kayod pakayari na Asiria, tan say pako ra et ag lad satan makabelbelat ed tenger yo.”

Isaias 9:4

Maliket ira lapud pinoter moy pakon sasakbaten da tan say bastun a mamepekpek na saray takeb da. Tinalom so bansa ya amairap ed saray totoom, a singa samay impanalom nen saman ed saray sondalo na Madian.

Saray Salmo 67:6

Say dalin angiter na ani; say Dios a Dios tayo binindisionan to itayo.

Ezekiel 28:25

Say Katawan a Dios kuanto, “Papawilen ko ray Israelita ed dalin da, manlapud saray bansan nikayatan da, et diad satan nakabatan na saray amin a bansa a siak so masanto. Saray totood Israel manayam irad dilin dalin da, say dalin ya iter kod kinen aripen kon Jacob.

Ezekiel 30:18

Nakobutan na bilonget so Tafnes no ekalan koy pakayari so Egipto tan panganggaen koy biskeg ya ikikinon na saray totoo to. Nakobutan na lorem so Egipto, tan nadakep ya amin iray totoo ed saray siudad to.

Ezekiel 34:25

Misipanan ak ed sikara tan sayan sipanan et mangyarawi ed sikara ed maoges. Paandien kod dalin iray maruksan ayayep, pian arawid kaatapan iray karnirok diad panayaman dad saray kaalogan tan diad iyogip dad katakelan.

Ezekiel 34:29

Itdan ko ra na mataban kaalogan tan patondaen ko la so eras ed dalin. Ag la rad satan balbalawen na saray arum a bansa.

Ezekiel 36:29

Iyagel ta kayod antokaman a pakadotakan yo. Iganggan ko ray trigo a mamparakel ira, pian ag kayo la nadalan na eras.

Ezekiel 36:30

Parakelen koy bunga na saray kakiewan yo tan say naani ed kaalogan yo, pian anggapo la ray ondalan ya eras a makasengeg na pakapelagan yod kababaingan ed saray bansa.

Ezekiel 38:8

Kalabas na amayamay a taon iganggan kon looban toy sakey a bansan saray totoo to et pinmawil iran nanlapud saray amayamay a bansa tan manaayam iran arawid kaatapay bakal. Looban to ray kapalandeyan na Israel ya abayag iran apaolyan tan ataynan, balet panaayaman la ra na amin da ray totoon arawid kaatapan.

Ezekiel 38:11

Getmaen moy onloob ed sakey a bansan ag to niagel so sikaton dili, a mambibilay iray totoo ed kareenan tan arawi rad kaatapan diad saray baley ya anggapoy padir tan makapangyagel.

Oseas 11:11

Manlapud Egipto maples iran onsabin singa manok, tan manlapud Asiria onsabi ran singa malapati. Iyakar ko ra lamet ed kaabungan da. Siak, say Katawan, so nansalita.”

Levitico 26:6

“Itdan ta kayo na kareenan ed dalin yo, kanyan makaogip kayo ya anggapoy manigensigen ed sikayo. Paandipaten kod man iray masebeg ya ayayep ed takel, tan naandi lad may bakal.

Say Libro nen Job 5:23

Anggapoy bato so kaalogan a bakaen mo; ag kan balut dogpaan na saray masesebeg ya ayayep.

Probirbio 3:24

Ag ka ontakot no onla ka lad dokulan mo, tan masamsamit so ogip mon sanlabi.

Isaias 35:9

Anggapo rad may niwalan lion; anggapoy ondalan diman a masebeg ya ayep. Diad ipawil na saray totoon inyagel na Katawan ondalan irad saman a dalan.

Jeremias 23:4

Manoro ak na saray manoley a manasikasod sikara. Ag la rad satan ontakot odino nataktakot, tan anggapod sikaray nabalang. Siak, say Katawan, so nansalita.”

Ezekiel 36:8

Balet mambulong lamet iray kakiewan ed kapalandeyan na Israel tan mambunga ra a para sikayon totook ya Israel. Magano la so isempet yo.

Ezekiel 39:26

No manayam ira lamet ya arawid kaatapan diad dilin dalin da, ya anggapo lay manaktakot ed sikara, nalingwanan da may inkaplag dad kababaingan lapud impantraidor dad siak.

Oseas 2:20

Tooren koy sipan ko tan kayaryanen ta ka, tan birbiren mo ak a Katawan.

Zacarias 8:12

Anggapoy manigensigen ed sikara ed pantanem da. Mambunga ray sengeg na ubas da, mangiter na bungay tanaman so dalin da, tan daakan so ompelag ya oran. Iter ko ra yan amin a bindision ed saray totook ya akapaliis ed patey.