Ezekiel 34:26 - Maung A Balita Biblia

²⁶ “Bindisionan ko ra tan abuloyan ko ran manayam ed kaliber-liber na masanton pokdul ko. Bindisionan ko rad man na saray ompelag ya oran no nakaukolan da.

Maung a Balita Biblia

²⁶ Bindisionan ko ra tan abuloyan ko ran manayam ed kaliber-liber na masanton pokdul ko. Bindisionan ko rad man na saray ompelag ya oran no nakaukolan da.

Ezekiel 34:26 Referans Kwoze

Deuteronomio 28:12

Lokasan toy tawen a mayaman a panagsinupan to tan ipelag toy oran no manepeg a panaon tan bindisionan toy amin a kimey yo, pian makapabayes kayod amayamay a bansa, balet ag la nakaukolan a miutang kayo ed anggan dinan a bansa.

Isaias 44:3

“Itdan ko na danum so amagamagan dalin tan paagosen ko so kinmelang a dalin na sobul na danum. Ikalbok ed saray anak mo so ispirituk; iter kod saray kabyangay boleg mo so bindision ko.

Levitico 26:4

mangipelag ak na oran no manepeg a panaon, pian makapangiter na bunga so dalin tan makapambunga ray kakiewan.

Saray Salmo 68:9

Pinaoran moy maksil, tan pinatabam lamet so kinmelang lan dalin mo;

Genesis 12:2

Itdan ta kay amayamay a kabyangay boleg mo, tan magmaliw iran sakey a bansan matalonggaring. Bindisionan ta ka tan pagmaliwen kon bantug so ngaran mo, pian sikay pakabindisionan na arum a totoo.

Malakias 3:10

Iyakar yod Timplo iray amin a kakaplo yo, pian walay daakan a pantaganod man. Subok yo ak, et nanengneng yon lokasan koy puirtay tawen tan ikalbok ed sikayo so daakan a bindision.

Zacarias 8:13

Sikayo ran totood Juda tan Israel! Nen saman saray sangkaili mansasambaan ira ya ikuandad sakey tan sakey, ‘Ondapo met komun ed sika so deral a singa samay deral a dinmapo ed Juda tan Israel!’ Balet ilaban ta kayo, insan saraman a sangkaili ikuandad sakey tan sakey, ‘Nagamuran mo met komun so bindision a singa samay bindision ya agamuran na Juda tan Israel!’ Kanyan pabiskeg yoy linawa yo, ag kayo ontatakot.”

Isaias 19:24

No onsabiy tan a panaon say Israel mipara ed bansa na Egipto, tan Asiria, tan magmaliw ira yan taloran bansa a bindision ed intiron mundo.

Saray Salmo 133:3

Singa linaew ed Palandey na Hermon, ya ompepelag ed kapokdulan na Sion. Diman so angisipanay Katawan na bindision to, say bilay a mansiansian anggad angga.

Zacarias 8:23

Diad saratan ya agew saray samploran sangkaili onla rad sakey a Judio tan ikuanda, ‘Mikasakey kamid sika, lapud nadngelan min walad sika so Dios.’”

Isaias 56:7

“Iyakar ta kayod Sion, say masanton palandey ko, panliketen ta kayo ed dalem na abung kon panagpikasian, tan awaten ko ray bagat ya isaklang yod altar ko. Natawag so Timplok ya abung na panagpikasian na saray totoo ed amin a bansa.”

Isaias 32:20

Nawalaan na ontan lan liket so balang sakey, ta daakan so danum a manalog ed saray tanaman, tan arawid kaatapan so pampastolan ed saray asno tan saray baka ra.

Isaias 32:15

Balet maminsan nin ibaki na Dios ed sikatayo so ispiritu to. Magmaliw a mataban dalin so kalawakan, tan mangiter na marakep a bunga iray kaalogan.

Saray Salmo 68:16

Balet, O palandey ya amayamay so toktok, akin et anlemlemew so pangipapasen mod palandey a piniliy Dios a panayaman to? Say Katawan manayam diman ya anggad angga!

Saray Salmo 2:6

“Pinayorung kon manoley so arik diad tapew na masanton palandey ko a Sion,” kuanto.

Ezekiel 20:40

Sikayo ran amin a totood Israel, igalang yo ak ditan ed dalin, diad toktok na masanton palandey ko, say atagey a palandey na Israel. Manliket ak ed sikayo tan ilaloan kon iyakaran yo ak na saray saklang yo, saray sankaabigan a bagat yo tan saray masanton rigalo yo.

Saray Gawgawa 14:17

Balet ag tinmondan mangiter na pakabirbiran yod sikato, diad panamegley na kamaungan a gagawaen to. Iitdan to kayoy oran a manlalapud tawen tan maung a panagani ed niganan panaon to. Iitdan to kayoy nakan, tan papanoen toy liket iray puso yo.”

Levitico 25:21

Say Katawan bindisionan toy dalin diad kumanem a taon pian magenap a pambilay a duay taon so iter ton tagano.

Ezekiel 34:14

Pankabkaben ko rad patar na kapalandeyan ya arawid kaatapan, diad saray patar tan diad amin a mabonan pastolan ed dalin na Israel.

Ezekiel 34:29

Itdan ko ra na mataban kaalogan tan patondaen ko la so eras ed dalin. Ag la rad satan balbalawen na saray arum a bansa.

Ezekiel 36:8

Balet mambulong lamet iray kakiewan ed kapalandeyan na Israel tan mambunga ra a para sikayon totook ya Israel. Magano la so isempet yo.

Genesis 9:16

Kapag onletaw so bunlalakaw ed lorem, nengnengen ko tan nanunotan koy impisipanan ko ed amin a mabilay ed tapew na dalin.

Saray Salmo 84:7

Diad panaakar da lalon ombibiskeg ira; nanengneng dad Sion so Dios da ray diriyos!

Joel 2:23

“Manliket kayo, sikayon totood Sion, manliket kayod saray ginagawad sikayo na Katawan a Dios yo. Initdan to kayo na nagnap ya oran ed tiagew, impelag toy oran a para sikayo no panaoy ambetel tan pinaoran ton singa gendat no nepnep.

Zacarias 8:12

Anggapoy manigensigen ed sikara ed pantanem da. Mambunga ray sengeg na ubas da, mangiter na bungay tanaman so dalin da, tan daakan so ompelag ya oran. Iter ko ra yan amin a bindision ed saray totook ya akapaliis ed patey.

Zacarias 10:1

Kerew kayod Katawan na oran no panaon na tiagew. Say Katawan so mangibabaki na lorem a mangipepelag na oran a mamapalambut ed saray tanaman ed kaalogan a para balang sakey a too.