Ezekiel 34:2 - Maung A Balita Biblia

² Inkuanto, “Sika a toon ompatey, mansalita ka na sumpa ed saray manoley ed Israel. Mampropisiya kad sikara tan ibagam ed sikara so ibabagak, siak a Katawan a Dios: Asintinsiaan kayo lan nadusa, sikayon pumapastol ed Israel! Aasikasoen yoy sikayon dili, balet ag yon balut ipapastol iray karniro.

Maung a Balita Biblia

² Inkuanto, Sika a toon ompatey, mansalita ka na sumpa ed saray manoley ed Israel. Mampropisiya kad sikara tan ibagam ed sikara so ibabagak, siak a Katawan a Dios: Asintinsiaan kayo lan nadusa, sikayon pumapastol ed Israel! Aasikasoen yoy sikayon dili, balet ag yon balut ipapastol iray karniro.

Ezekiel 34:2 Referans Kwoze

Jeremias 23:1

Makapataktakot so isintinsia na Dios ed saray manoley a manederal tan mangikakayat ed saray totoo to.

Jeremias 3:15

Itdan ta kayo na saray manoley ya ontombuk ed siak. Tekep na kakabatan tan pakatalus so panoley dad sikayo.

Isaias 40:11

Asikasoen to ray karniro to a singa panagkomponi na pumapastol; tiponen to ray kordiro tan ampopoen to rad taklay to; anosan ton iwanwan iray kainaan da.

2 Pedro 2:3

Lapud inkaagom da, siliban day kayamanan yo diad panamegley na saray tila-tilan salita. Abayag lan akaparaay dusa ra, tan ag naogip so Mananeral ed sikara!

Jeremias 10:21

Inmebat ak, “Anggapoy kalakal iray pangulo mi; ag ira papaiwanwan ed Katawan. Sikato yay makasengeg no akin et aliwa ran maaligwas, tan nikaykayat iray totoo tayo.

Saray Taga Roma 16:18

Saratan a klasiy totoo et ag da panlilingkuray Criston Katawan tayo, no ag say dilin pilalek da. Lapud malamlamuyot tan masamsamit a pananalita ra, ibabalang da so kanunotan da ray totoon mainomay a natanggoyur.

Saray Gawgawa 20:29

Amtak a no kasiput ko, ondago rad sikayoy masesebeg ya asod katakelan tan anggapoy panangasiy panderal dad saray karniro.

Zacarias 11:17

Pakaskasiy kipapasen na satan ya andi-kakanaan a pumapastol! Inkaindan to ray karniro to. Sigput a deralen na bakal so pakayari to. Naparalisis so taklay to, tan nabulag so kawanan a mata to.”

Ezekiel 13:19

Papabaingan yo ak ed arap na saray totook, pian makala kayo labat na sankaakup a sibada tan pigaran tinapay. Papateyen yo ray totoon ag da kanepegay ompatey, tan pansiasiansiaen yon mabilay iray totoon ag da kanepegay mambilay. Kanyan titilaan yo ray totook, et manisia rad sikayo.”

Saray Gawgawa 20:26

Kanyan kuankod sikayo ed sayan agew: no walay nadusad sikayo, aliwan siak so natetel.

Jeremias 12:10

Saray amayamay a manoley a taga arum a bansa et dineral da so kaubasan ko; ginagatinan da ray kaalogan ko; ginawa ran kabueran so marakerakep a dalin ko.

Jeremias 2:8

Ag tinepet na saray papari, ‘Kawa-laan na Katawan?’ Ag ak kabat na saray dilin paparik. Nilabanan ak na saray manoley; nansasalita ray propita diad ngaran nen Baal tan angigagalang irad saray andi-kakanaan a talintaoy diriyos.”

Ezekiel 33:24

Inkuanto, “Siak a toon ompatey, saray totoon manaayam ed saray aderal-deral a siudad na dalin na Israel et ibabaga ra: ‘Saksakey a too si Abraham, et niiter ed sikatoy intiron dalin. Amayamay itayo la, kanyan natan kayaryan tayo la yay dalin.’

2 Samuel 5:2

Nen saman, anggan nen ari mi ni si Saul, impangulom ed bakal iray totood Israel, tan insipan ed sika na Katawan ya iwanwan mo ray totoo to tan oleyan mo ra.”

Juan 10:8

Tutulisan tan matatakew iray inmona nen siak, balet ag ira dinengel na saray karniro.

2 CORINTO 12:14

Kumatlo la yan akaparaan ak ya onlad tan, balet ag ak mialay antokaman ed sikayo. Sikayoy nakaukolan ko, aliwan saray kuarta yo. Saray atateng so manlegpet ed saray anak da, aliwan saray anak so manlegpet ed saray atateng da.

Judas 1:12

Makarotarotak ira diad pirongo rad sikayo, lapud makapabaing a panangan da. Say laman da labat so nununoten da. Singa ra lorem ya ipapalig-palig na dagem, balet ag mangipelag na oran. Singa ra met kiew ya ag mambunga anggan panaoy panagbunga; aliling day kiew ya abagut anggad lamut, tan inate-atey la.

Ezekiel 22:25

Saray pangulo et singa ra saray lion a mangwam diad impakapatey da na saray ayayep. Papateyen da ray totoo, aalaen da ray amin a naala ran kuarta tan kayaryan tan lapud saray panagpatey da, amayamay iray abalo.

Ezekiel 34:1

Say Katawan akisalitad siak.

Ezekiel 34:14

Pankabkaben ko rad patar na kapalandeyan ya arawid kaatapan, diad saray patar tan diad amin a mabonan pastolan ed dalin na Israel.

Ezekiel 34:15

Siak a dili so mampastol ed saray karnirok, tan iyanapan ko ray pasen a pampainawaan da. Siak a Katawan a Dios so nansalita.

Amos 6:4

Pangaskasiyan so kipapasen yo, sikayon maninat-inat ed saray mabmablin katri yo tan manliliket ed pandorongo yod potahin karniy kilaw na baka tan kordiro!

Isaias 56:11

Singa ra masisiban aso ya ag balut napepesel. Anggapoy pakatalus da ra yan pangulo. Gagawaen na balang sakey ed sikara so labay to tan say dilin pankaabigan to so aanapen to.