Ezekiel 34:11 - Maung A Balita Biblia

¹¹ “Siak a Katawan a Dios ibagak ed sikayo a siak a dili so mananap ed saray karnirok tan asikasoen ko ra

Maung a Balita Biblia

¹¹ Siak a Katawan a Dios ibagak ed sikayo a siak a dili so mananap ed saray karnirok tan asikasoen ko ra

Ezekiel 34:11 Referans Kwoze

Juan 10:16

Wala ni ray arum a karnirok ya andi rad sayan koral. Nakaukolan ya ipitipon ko met ira. Dengelen da met so bosis ko tan diad onya, magmaliw a saksakey so poluk tan saksakey met so managpastol.

Lucas 19:10

Ta say Anak na Too linma dian mananap tan mangilaban ed abalang.”

Jeremias 31:8

Alaen ko rad bansa ed baybay tan tiponen ko ran manlapud saray sokung na mundo. Milad sikara iray bulag tan saray lopuy, saray malokun tan amin da ray paanak-anak. Ompawil ira a sakey a matalonggaring a bansa.

Jeremias 23:3

Tiponen ko ray totook ya akeraan manlapud saray bansan angikay-kayatan kod sikara, tan ipawil ko rad dilin dalin da. Nawalaan iray amayamay ya anak tan ondakel so bilang da.

Isaias 56:8

Say Katawan a Dios ya angisempet ed saray totoo ton Israel manlapud saray bansan nibantakan da et insipan to a pikasakeyen to nid sikara iray arum a totoo.

Saray Salmo 80:1

Dengel mo kami pa, O Pumapastol na Israel; talineng mo kami pa, sika a pangulo da ray karnirom. Sika a manyodyorung ed tronom diad tagey da ray kirubin,

Isaias 45:12

Siak so nanggawad mundo tan amalsad too a manayam ed tapew na dalin. Lapud pakayarik impanat koy katawenan; siak so makaoley ed agew, bulan, tan saray bitewen.

Saray Salmo 119:176

Akar-akar ak a singa abalang a karniro; anap mo ak pa sirin ya aripen mo, ta ag ko inkaindan iray ganggan mo.

Deuteronomio 32:39

“‘Siak, tan siak labat, so Dios; anggapo lay arum. Mamatey ak tan mangiter ak na bilay, manugat ak tan mamaabig ak, tan anggapoy makasumlang ed antokaman a gawaen ko.

Oseas 5:14

Ondogpa ak a singa lion ed Israel tan diad Juda. Siak a dili so mambingbingkas ed sikara, insan ko ra taynan. No igayugoy ko ra, anggapoy makapangilaban ed sikara.

Ezekiel 6:3

Ibagam ed kapalandeyan na Israel a dengelen day salita na Katawan a Dios—a dengelen day ibabagak, siak a Katawan a Dios, ed kapalandeyan, kapokdulan, kakelasan, tan kapataran: mangyakar ak na ispada a maneral ed saray pasen a pangigagalangan na saray totoo ed saray talintaoy diriyos.

Ezekiel 5:8

Kanyan siak a Katawan a Dios ibabagak ed sika a siak so kalaban mo. Sintinsiaan ta ka a sankanengneng na saray totood arum a bansa.

Isaias 51:12

Say Katawan kuanto, “Siak so mamapabiskeg ed sikayo. Akin et takotan yoy too ya ompatey, ya ag mambayag a mambilay a singa dika?

Isaias 48:15

Siak so nansalita tan anawag ed sikato; inwanwan ko tan impanpalabok.

Levitico 26:28

sumpaen ta kayod pasnuk ko tan mamimpito nin belat so iyarum ko lamet ed dusa yo lapud saray kasalanan yo.

Genesis 6:17

Delapen koy intiron dalin, pian naderal so antokaman a mabilay. Ompatey ya amin iray walad tapew na dalin,

Juan 10:11

“Siak so maung a pastol. Say maung a pastol isaklang toy bilay to para saray karniro.

Ezekiel 11:17

“Kanyan ibagam ed sikara so ibabagak, siak a Katawan a Dios. Tiponen ko ra manlapud saray bansan angitayakan kod sikara, tan ipawil kod sikaray dalin na Israel.

Ezekiel 20:41

Kayari ta kayon nipaway ed saray bansan nikaykayatan yo tan no atipon ta kayo la, maliket kon awaten iray bagat a popoolan yo, et nanengneng ed satan na saray bansa a masanto ak.

Zacarias 9:16

No onsabi tan ya agew, say Katawan iyagel to ray totoo to, a singa say pumapastul iyaagel tod kaatapan iray karniro to. Onkidyam irad dalin to a singa ikikidyam na saray alahas ed koronay ari.

Zacarias 10:3

Say Katawan kuanto, “Mamapasnuk ak ed saraman a sangkailin manooley ed saray totook; dusaen ko ra. Kayaryan ko ray totood Juda, tan asikasoen ko ra, siak a Katawan a Makapanyarin-amin. Magmaliw iran makapanyarin kabayok a para bakal.