Ezekiel 33:3 - Maung A Balita Biblia

³ No nanengneng ton ondadago ray kalaban, paknulen toy trumpita a pamasakbay tod balang sakey a too.

Maung a Balita Biblia

³ No nanengneng ton ondadago ray kalaban, paknulen toy trumpita a pamasakbay tod balang sakey a too.

Ezekiel 33:3 Referans Kwoze

Oseas 8:1

Say Katawan kuanto, “Paknul yoy trumpita! Singa agilan onsisibar ed dalin ko iray kalaban! Dineral na saray totook so impisipanan kod sikara tan sinumlang day ganggan ko.

Nehemias 4:20

No narengel yoy tanul na trumpita, mantitipon kayod kawalaan ko. Say Dios tayo so kaiba tayon milaban.”

Joel 2:1

Paknul yoy trumpita; paknul yod Sion a masanton palandey na Dios so pamasakbay. Giwgiw kayo, sikayon totood Juda! Magano lan onsabiy agew na Katawan.

Isaias 58:1

Say Katawan kuanto, “Eyag kayod anggaay nayarian yo! Ibaga yod saray totook ya Israelita iray kasalanan da!

Nehemias 4:18

Pati saray mankikimey akasalukbit ed awak da so ispada. Nanayam ed abay ko so makaoley a mamaknul na trumpita diad pamasakbay to.

Jeremias 51:27

“Isinyas yoy idogpa! Paknul yoy trumpita pian narengel na saray bansa! Pamparaan yo ray bansa a mibakal ed Babilonia! Ibaga yo ya ondogpa ray nanarian na Ararat, Minni, tan Askenaz. Mamili kayo na opisyal a mangipangulo ed bakal. Mangyakar kayo na saray kabayon singa amayamay a dorun so karakel da.

Jeremias 6:1

Totood Benjamin, batik kayod pasen ya arawiy kaatapan! Ibatikan yoy Jerusalem! Paknul yod Tecoa so trumpita tan itagey yod Bet-hakarem so sinyas. Ngalngali la onsabin manlapud baybay so gunigon tan baleg a deral.

Jeremias 4:5

Paknul yod intiron dalin na Juda so trumpita! Eyag kayoy maksil tan malinew! Ibaga yod saray totood Juda tan Jerusalem ya ombatik irad saray siudad ya aliber na padir.

1 CORINTO 14:8

Tan no aliwan malinew so panawag na trumpita, siopay mamparaan a mibakal?

Ezekiel 3:19

No pinasakbayan moy sakey a toon maoges et ag to tondaay pankakasalanan to, ompatey a sikakasalanan, balet nilaban moy bilay mo.

Amos 3:6

Nayari kasin ag ontakot iray totoo no napaknul ed siudad so trumpitan manawag na bakal? Nayari kasin onsabiy deral ed siudad no ag ipadalan na Katawan?