Ezekiel 33:29 - Maung A Balita Biblia

²⁹ No dusaen ko ray totoo lapud saray kasalanan da tan pagmaliwen kon andi-kakanaan so dalin da, naamtaan dad satan a siak so Katawan.”

Maung a Balita Biblia

²⁹ No dusaen ko ray totoo lapud saray kasalanan da tan pagmaliwen kon andi-kakanaan so dalin da, naamtaan dad satan a siak so Katawan.

Ezekiel 33:29 Referans Kwoze

Ezekiel 6:7

Napatey iray totoo ed inerman a pasen, tan birbiren na amin da ray makapaliis ed patey a siak so Katawan.

Ezekiel 25:11

Dusaen ko so Moab, et naamtaan na saray totoo a siak so Katawan.”

Ezekiel 23:49

Et sikayon ran sanagin bii—dusaen ta kayo lapud inkaimmoralidad yo tan lapud kasalanan yod impangigalang yod saray talintaoy diriyos. Diad satan nakabatan yo a siak so Katawan a Dios.”

Ezekiel 7:27

Manermen so ari, naekalan na ilalo so prinsipi, tan onggiwgiw ed takot iray totoo. Dusaen ta kayo lapud amin a ginagawa yo, tan sintinsiaan ta kayo onung na impansintinsia yo ed saray arum a totoo. Diad saya naamtaan yo a siak so Katawan.”

Ezekiel 6:11

Inkuan na Katawan a Dios, “Yesyes yo ray kalimaan yo! Ikarag-karag yo ray sali yo! Akis kayod ermen lapud amin da ray maoges tan makapaingungot a ginagawa na saray Israelita. Ompatey irad bakal o eras o salot.

Saray Salmo 9:16

Impaamtay Katawan so sikaton dili diad panamegley da ray matonung a pananintinsia to, tan apatitan iray maoges a totoo ed dilin gawgawa ra.

Exodo 14:18

Diad panalok ed saray Egipsio naamtaan da a siak so Katawan!”

Jeremias 18:16

Ginawa ran makapataktakot yan dalin, a nabalaw ya anggad angga. Nataktakot ya amin iray ondalan, lapud saray nanengneng da; ipeyeng-peyeng day olo rad pankelaw da.

Ezekiel 33:28

Pagmaliwen kon begtebegtew tan andi-kakanaan so dalin na Israel tan panganggaen koy inkikinon dan pakayari. Pagmaliwen kon anggapoy onkitakitaw iray kapalandeyan to, pian anggapoy malabay ya ondalan diman.

Ezekiel 33:30

Say Katawan kuanto, “Sika a toon ompatey, mantotongtong iray totoom na nipaakar ed sika no mantitipon irad abay na saray padir na siudad odino diad saray dalan ya ompogtad kaabungan da. Ikuandad sakey tan sakey, ‘Itila, ta dengelen tayo ray salitan nanlapud Katawan natan.’

Ezekiel 33:33

Balet no ontua ray amin a salitam—et talagan ontua ra—naamtaan dad satan a walay sakey a propitan nanayam ed pegley da.”

Ezekiel 5:9

Lapud ginawam iray bengatlan kabosul ko, iter kod Jerusalem so dusan ag ko nin balut inter nen saman tan ag ko lan balut gawaen.

Ezekiel 7:4

Ag ta ka pirdonaen odino kasian. Dusaen ta ka lapud saray makapaingungot a ginagawam, pian naamtaan mo a siak so Katawan.”

Ezekiel 15:7

insan ko ra dusaen. Apaliisan da lay sakey ya apoy, balet natan poolan ira na kumadwan apoy. No dusaen ko ra, naamtaan mo a siak so Katawan.

Ezekiel 15:8

Aliwa ran matoor ed siak, kanyan pagmaliwen ko a kalawakan so bansa ra.” Say Katawan a Dios so nansalita.