Ezekiel 33:27 - Maung A Balita Biblia

²⁷ “Ibagam ed sikara a siak a Katawan a Dios papasakbayan ko ra a legan a mabilay ak andi-duaruwan ompatey iray totoon manaayam ed saray aderal-deral a siudad. Kanen na saray ayayep ed katakelan iray manaayam ed saray bario. Ompatey ed salot iray manaamut ed saray kapalandeyan tan diad saray ongib.

Maung a Balita Biblia

²⁷ Ibagam ed sikara a siak a Katawan a Dios papasakbayan ko ra a legan a mabilay ak andi-duaruwan ompatey iray totoon manaayam ed saray aderal-deral a siudad. Kanen na saray ayayep ed katakelan iray manaayam ed saray bario. Ompatey ed salot iray manaamut ed saray kapalandeyan tan diad saray ongib.

Ezekiel 33:27 Referans Kwoze

Jeremias 42:22

Kanyan sirin, tandaan yo ya: ompatey kayod bakal, odino eras, odino salot ed dalin a labay yon laen tan panayaman.”

1 Samuel 13:6

Insan pinasia ran dinogpaan iray Israelita, et pangaskasiyay kipapasen na saray Israelita. Inmaamut iray arum ed sikara diad saray ongib tan diad saray abut, diad nanleleetan na saray ankakabaleg a bato, tan diad saray araralem ya abut tan saray bobun;

Ezekiel 39:4

Diad satan sikato tan saray sondalo to et ompatey iran kibalatar ed kapalandeyan na Israel tan paolyan kon kanen na saray manok tan saray ayayep ed katakelan iray bangkay da.

Ezekiel 33:24

Inkuanto, “Siak a toon ompatey, saray totoon manaayam ed saray aderal-deral a siudad na dalin na Israel et ibabaga ra: ‘Saksakey a too si Abraham, et niiter ed sikatoy intiron dalin. Amayamay itayo la, kanyan natan kayaryan tayo la yay dalin.’

Jeremias 44:12

Andi-saew a deralen kon amin iray akeraan a totood Juda tan talagan labay day manayam ed Egipto. Amin da, abeba may atagey so kipapasen, ompatey irad bakal odino eras diad Egipto. Magmaliw iran makapagiwgiw a nengnengen; ludlureyen ira na saray totoo tan ikana ray ngaran da a sakey a samba.

Jeremias 41:9

Balbaleg a bobun imay angipelagan nen Ismael ed saray bangkay na saramay pinapatey to. Sikato man imay bobun a ginawa nen Ari Asa nen dodogpaan nen Ari Baasa na Israel. Pinano nen Ismael na bangkay imay bubon.

Isaias 2:19

Onamut iray totood saray ongib na kapokdulan odino diad saray abut ed dalem na dalin, pian napaliisan day pasnuk na Katawan tan niamutan day pakayari tan kagalangan to, no sikatoy onsabi a manyegyeg ed mundo.

1 Samuel 24:3

Linmad sakey ya ongib a walad abay na pigaran koral na karniro diad gilig na dalan, tan sinmorub diman ta labay toy nainawaan. Nibana a diad daledalem to man ya ongib akaamut ira di David tan saray totoo to.

1 Samuel 23:14

Nanaamut ed nipokdul a dalin si David diad kalawakan ya asingger ed Zif. Ag tinondaan nen Saul ya anapen, balet ag ipalima na Dios ed sikato.

1 Samuel 22:1

Tinmaynan si David ed siudad na Gat tan linmad sakey ya ongib diad asingger ed baley na Adullam. Nen nadngelan na saray agagi to tan saray arum a kabyangay pamilya to a wadmay David, akikasakey irad sikato.

Saray Huis 6:2

Mabiskeg ni ray Madianita nen saray Israelita, et kiamut-amut ed ongib iray Israelita tan diad saray arum a pasen ed kapokdulan ya arawid kaatapan.

Ezekiel 14:21

Sikato ya so ibabaga na Katawan a Dios: “Mangipadalan ak na mapalalon dusa ed Jerusalem—bakal, eras, ayayep ed katakelan, tan salot—a maneral ed saray totoo tan saray ayayep.

Sofonias 1:2

Say Katawan kuanto, “Sigput kon deralen ya amin iray bengatlan walad tapew na dalin,