Ezekiel 33:26 - Maung A Balita Biblia

²⁶ Manmamatalek kayo ed saray ispada yo. Makapaingungot iray kagagawa yo. Mikakaloguran so balang sakey ed sikayo. Panoy pangibabaga yon kayaryan yoy dalin?

Maung a Balita Biblia

²⁶ Manmamatalek kayo ed saray ispada yo. Makapaingungot iray kagagawa yo. Mikakaloguran so balang sakey ed sikayo. Panoy pangibabaga yon kayaryan yoy dalin?

Ezekiel 33:26 Referans Kwoze

Sofonias 3:3

Singa mangwam a lion iray opisyal to; singa narasan ya asod katakelan iray huis to, a diad gaway inkaagom to et ag to nataynan ya anggad kabwasan so pokel.

Genesis 27:40

Mambilay ka diad panamegley na ispadam, Balet manlingkur kad agim. Anggaman ontan, no onlaban kad sikato, Makaekal ka ed silong na pakayari to.”

Puyan 21:27

Balet ag balut makaloob diman so antokaman a marotak. Ag met makaloob irad may marotak so panagbilay da tan saray matila. Saray nisulat so kangaranan dad libro na bilay a kayaryay Kordiro so makaloob labat ed siudad.

Puyan 21:8

Balet saray matakot, saray aliwan mananisia, saray marotak so panagbilay da, saray managpatey na too, saray managkasalanan na inmoralidad, saray managanito, saray manangigalang ed saray talintaoy diriyos, tan amin iray matitila—nibantak ira yan amin ed samay dayat a manliub ya apoy tan asupri, a sikatoy kumadwan patey.”

1 Pedro 4:3

Duga la may panaon a dinarak yo nen saman diad impanggagawa yoy labalabay a gawaen na saray Hintil; mabambanday a kagagawa, maoges a pilalek na laman, panagbuanges, alablabas a panagliket, panaginom na sankakaaro, tan say makarimdimlan panagdayew ed saray talintaoy diriyos.

Ezekiel 18:15

Ag to gagalangen iray talintaoy diriyos na saray Israelita tan ag mamangan na saray imbagat ed aliwan manepeg ya altar. Ag to pandadaleman na aro so asawa na kapara ton laki

Ezekiel 18:6

Sayan too et ag mangigagalang ed saray talintaoy diriyos na saray Israelita odino mamangan na saray imbagat ed saray aliwan manepeg ya altar. Ag to pandadaleman na aro so asawa na kapara ton too odino miaakdul ed biin peles a naliliberan.

1 Samuel 2:30

Siak, say Katawan a Dios na Israel, insipan ko nen saman a say pamilyam tan saray kabyangay boleg mo et anggad anggan manlingkur iran papari ed siak. Balet ibabagak natan ya ag ko la sumpalen! Ingen, pagalangan ko ray mamagalang ed siak, balet lemlemewen ko ray mambalaw ed siak.

Levitico 20:22

Say Katawan kuanto, “Onur yo ray amin a ganggan tan amin a bilin ko, pian ag kayo ipolisay na dalin na Canaan a pangyaakaran kod sikayo.

Levitico 20:13

No say sakey a laki et miakdul ed kapara ton laki, nanggawa ran dua na kabandayan tan nepeg iran pateyen a dua. Sikaran dili so makasengeg na ipatey da.

Probirbio 6:29

Onya so nagawa no miakdul so sakey a laki ed asawa na arum a laki. Nadusa so siopaman a manggawa ed saya.

Jeremias 41:7

Kaloob dad siudad, pinatey ira nen Ismael tan saray totoo to, insan da impepelag ed bobun iray bangkay da.

Saray Bilang 5:29

Sikato yay ganggan a nipaakar ed lakin mangimon tan manginap a makakaloguran so asawa to. Say bii et paalageyen ed arap na altar tan say pari et gawaen to yan sirimonya.

Jeremias 7:9

Mantatakew kayo, mamapatey kayoy totoo, milalawanan kayo, anta nansamba kayo mantitila kayo, mangibabagat kayod Baal, tan mangigagalang kayod saray arum a diriyos ya ag yo ra kabat nen saman.