Ezekiel 33:10 - Maung A Balita Biblia

¹⁰ Say Katawan akisalitad siak. Inkuanto, “Sika a toon ompatey, olit mon ibagad saray Israelita so sasalitaen da: ‘Nabebelatan kami lapud saray kasalanan tan saray kaogsan mi. Onkakapoy kami lan onkakapoy. Panon niy pambilay mi?’

Maung a Balita Biblia

¹⁰ Say Katawan akisalitad siak. Inkuanto, Sika a toon ompatey, olit mon ibagad saray Israelita so sasalitaen da: Nabebelatan kami lapud saray kasalanan tan saray kaogsan mi. Onkakapoy kami lan onkakapoy. Panon niy pambilay mi?

Ezekiel 33:10 Referans Kwoze

Ezekiel 37:11

Inkuan na Dios ed siak, “Sika a toon ompatey, saray totood Israel et singa sarayan pokepokel. Ibabaga ra ya amagaan ira, naandian la ray ilalo tan anggapoy kabaliksan na arapen da.

Ezekiel 24:23

Ag kayo ompaway ya anggapoy turban yo odino kasali-sali; ag kayo manermen odino onakis. Onebeng kayo lapud saray kasalanan yo, tan manaakisan kayo.

Isaias 49:14

Balet inkuan na saray totood Jerusalem, “Inkaindan itayo na Katawan! Alingwanan to tayo.”

Ezekiel 4:17

Onkulang ira na tagano tan inomen; naekalan ira na ilalo, tan makapasinagem so panirap da lapud saray kasalanan da.”

Levitico 26:39

Saray daiset a nakeraan ed sikayo diad dalin da ray kalaban yo et nakalkalnaan iran ompatey lapud dilin kasalanan yo tan lapud kasalanan na saray lalaki yo.

Jeremias 2:25

Israel, ag mo la paniirapen so salim odino pamamagaan so kolokolong mo diad iyosil mod saray diriyos. Balet kuanmo, ‘Andi! Ag ko la nababawi. Inarok iray diriyos na saray arum a bansa tan sikaray tombuken ko.’”

Isaias 51:20

Diad suyok na balang dalan mamparogsod kapoy iray totoom; singa ra ulsan narel ed iket na umaanop. Alikna ray sulit na pasnuk na Dios.

Saray Salmo 130:7

Israel, manmatalek kad Katawan, ta ag mangomay panangaro to tan sipaparaan lawas a mangilaban.

Levitico 26:16

dusaen ta kayo. Ipadalan kod sikayoy deral—saray ag natambal a sakit tan say petang na laman a mamulag ed sikayo tan kalkalnan ton oyusey bilay yo. Mantanem kayo balet anggapoy nagonggona yo, ta saray kalaban yo so mangalad saray intanem yo.

2 Saray Awaran 34:24

ira yan salita na Katawan: “Dusaen koy Jerusalem tan amin da ray totoo to onung ed saray samban nisulat ed samay libron nibasa ed ari.

Esdras 9:15

Katawan a Dios na Israel, matonung ka, balet inyabuloy mon mambilay kami ni. Ipatwa mi ray kasalanan mid sika; anggapoy kanepegan min miarapan ed sika.”

Ezekiel 18:19

“Balet tetepeten yo, ‘Akin et ag nadudusa so anak, lapud kasalanan na ama to?’ Say ebat et lapud nanggawa na kaptekan tan kamaungan so anak. Inonur to ray ganggan ko tan inapiapiger to ran sinumpal, kanyan andi-saew a mambilay.