Ezekiel 32:7 - Maung A Balita Biblia

⁷ No deralen ta ka, kobutan koy tawen tan pabilongeten ko ray bitewen. Onamut ed kaloreman so agew tan ag onsinag so bulan.

Maung a Balita Biblia

⁷ No deralen ta ka, kobutan koy tawen tan pabilongeten ko ray bitewen. Onamut ed kaloreman so agew tan ag onsinag so bulan.

Ezekiel 32:7 Referans Kwoze

Mateo 24:29

“Kasumpal na satan a kairapan, ombilonget so agew tan ag la onsinag so bulan. Napelag iray bitewen a manlapud tawen, tan saray pakayarid liwang ag da natombuk so gendat a kinaoksuy da.

Joel 2:31

Ombilonget so agew, tan ombalangan singa dala so bulan kasakbayan ya onsabi so baleg tan makapataktakot ya agew na Katawan.

Joel 2:2

Sakey ya agew ya ambilonget tan maermen, sakey ya mayemyem tan malorem ya agew. Ondodogpa ray amayamay a dorun a singa ra bilonget ya onkokobut ed kapalandeyan. Ag ni agaway singa onya nen saman, tan ag yan balut nagawa ed arapen a panaon.

Ezekiel 30:3

Asingger la so agew, say agew ya onggalaw so Katawan, Say agew a malorem tan magunigon iray bansa.

Isaias 34:4

Ondapul so agew, bulan, tan saray bitewen diad kapelag da. Naandi so tawen a singa kalokut na ikamen, tan napelag iray bitewen a singa kapelag na saray bolung a manlapud sangay ubas odino sangay kiew ya igos.

Isaias 13:10

Ontondan onsinag iray bitewen tan amin da ray onsisinag a walad liwang, ambilonget so agew no ompaway, tan ag onsinag so bulan.

Joel 3:15

Ombibilonget so agew tan say bulan, tan ag la onsisinag iray bitewen.

Puyan 8:12

Nen sinibuk na kumapat ya anghil so trumpita to, aderal so kakatloy agew, bulan, tan bitewen, kanyan naandiy kakatlon liwawa ra. Binmilonget so kakatloy labi tan kakatloy agew.

Marcos 13:24

“Kasumpal na satan a kairapan, ombilonget so agew tan ag la onsinag so bulan.

Amos 8:9

Onsabiy panaon a paseleken ko so agew no kaagwan tan pabilongetan ko so mundo no agew. Siak, say Katawan a Dios, so nansalita.

Ezekiel 30:18

Nakobutan na bilonget so Tafnes no ekalan koy pakayari so Egipto tan panganggaen koy biskeg ya ikikinon na saray totoo to. Nakobutan na lorem so Egipto, tan nadakep ya amin iray totoo ed saray siudad to.

Jeremias 13:16

Pagalangan yoy Katawan a Dios yo, kasakbayan a mangyakar na kabilongetan, tan natumtumba kayod kapalandeyan; kasakbayan a pagmaliwen ton ambilbilonget so iilaloan yon liwawa.

Probirbio 13:9

Saray totoon matonung aliling day silew a marmarlang; saray totoon maoges aliling day makuykuyep a lamparaan.

Lucas 21:25

“Onletaw iray tanda ed agew, bulan, tan saray bitewen. Diad dalin, saray bansa nagolo rad kataktakot dad saray daluyon tan say ungol na dayat.

Say Libro nen Job 9:7

Nayarian na Dios ya ag pabutayen so agew, tan ag pasinagen iray bitewen no labi.

Ecclesiastes 12:2

Saraya so panaon a say liwaway agew, say bulan, tan saray bitewen et ombilonget la rad matam, tan ag la naandi so oran na lorem.

Ezekiel 31:15

Sikato yay kuan na Katawan a Dios: “No agew a samay kiew onlad pasen a panaayaman da ray inaatey, patabonan kod danum ed dalem na dalin a tanda na panermen. Saraan ko ray ilog tan ag ko paagosen iray kolus. Lapud inatey imay kiew, kobutan ko na bilonget iray Kapalandeyan na Libano tan palenesen kon amin iray kiew ed palandey.

Ezekiel 34:12

a singa pangasikaso na pumapastol ed saray karniro to ran nikaykayat balet atiptipon ira lamet. Isempet ko ra a manlapud saray pasen a nikaykayatan da diad samay agew ya ambilonget tan maatap.

Joel 2:10

Diad idadalan da nayeyegyeg so dalin; nayayakayak so tawen. Ombibilonget so agew tan say bulan, tan ag la onsisinag ira bitewen.