Ezekiel 32:4 - Maung A Balita Biblia

⁴ Ibantak ta ka ed dalin tan ipakan ta ka ed saray amin a manok tan ayayep ed intiron mundo.

Maung a Balita Biblia

⁴ Ibantak ta ka ed dalin tan ipakan ta ka ed saray amin a manok tan ayayep ed intiron mundo.

Ezekiel 32:4 Referans Kwoze

Isaias 18:6

Saray bangkay na saray sondalo ra et natilak irad pasen a nasabi na saray manok tan saray ayayep. No panaoy tiagew kanen ira na saray manok, tan no panaoy ambetel buagen ira na saray ayayep.”

Ezekiel 29:5

Ibantak ta kad kalawakan, pati saray amin a sira. Nabaldak ed dalin so laman mo tan natilak diman ya ag la nikotkot. Iter ko lan siraen na saray manok tan saray ayayep.

Joel 3:19

“Magmaliw a disirto so Egipto, tan magmaliw a dalin ya aderal-deral so Edom, lapud dinogpaan day dalin na Juda tan pinapatey da ray totoo ton anggapoy kasalanan.

Jeremias 25:33

Diad satan ya agew, saray pinapatey na Katawan kitongilang ed intiron mundo so bangkay da. Anggapoy manermen ed sikara. Anggapoy mangisinup odino mangipompon na bangkay da. Nabunbunton irad dalin a singa taiy ayayep.

Jeremias 8:2

Natipon tan nipompon ira komun, balet magmaliw iran singa saray taiy ayayep ya ataytayak ed dalin. Nitayak irad arap na agew, bulan, tan saray bitewen ya inaro tan nanlingkuran na sarayan totoo; angipanonan tan angigalangan da ra.

Isaias 66:24

“No onsisiput ira, nanengneng da ray bangkay na saray linmaban ed siak. Ag balut ompatey iray bigis a mangan ed sikara, tan ag balut naerep so apoy a mamool ed sikara. Makapaingungot ed amin a katoowan so nengneng da.”

Isaias 14:19

balet anggapoy pantion mo tan nibantak a naboluk so bangkay mo. Atabunan na saray bangkay da ray sondalon apatey ed bakal; nibantak a pati sikara ed mabaton abut, tan agatin-gatinan.

Saray Salmo 74:14

minemekmek mo ray olo nen Libiatan tan intir moy laman ton kanen na saray ayayep ed kalawakan.

Saray Salmo 63:10

Napatey irad bakal, tan buagen na saray asod katakelan iray bangkay da.

Ezekiel 35:8

Tayakan ko na bangkay iray kapalandeyan mo, tan saray bangkay da ray napatey ed bakal et nitaytayak irad kapokdulan tan diad saray patar.