Ezekiel 32:25 - Maung A Balita Biblia

²⁵ Mandokdokul so Elam a kaiba to ray inaatey ed bakal, tan aliber na saray lobuk da ray sondalo to. Ag ira asegat ya amin; apatey iran amin ed bakal. Nen mabilay ni ra nantataktakot ira, balet natan akarokul iran inaatey tan naplag irad kababaingan, a mibibiang irad nansumpalan da ray totoon apatey ed bakal.

Maung a Balita Biblia

²⁵ Mandokdokul so Elam a kaiba to ray inaatey ed bakal, tan aliber na saray lobuk da ray sondalo to. Ag ira asegat ya amin; apatey iran amin ed bakal. Nen mabilay ni ra nantataktakot ira, balet natan akarokul iran inaatey tan naplag irad kababaingan, a mibibiang irad nansumpalan da ray totoon apatey ed bakal.

Ezekiel 32:25 Referans Kwoze

Saray Salmo 139:8

No onla ak ed tawen, wadman ka; no ondakul ak ed pasen a panaayaman da ray inaatey, wadman ka.

Puyan 2:22

Dengel ka! Ibontuk kod dokulan tan saray mikakaloguran ed sikato. Agaylay panirap dad man, no ag ira mampataulid saray maoges a ginagawa ra diad impiolup dad sikato.

Saray Gawgawa 7:51

“Agaylay awet na olo yo! Agaylay ag pangoman na puso yo! Agaylay ag yo idengel ed salitay Dios! Kaparpara yo ray lalaki yo: susumlangen yo met a naynay so Ispiritu Santo!

Ezekiel 44:9

“Siak a Katawan a Dios ibabawag ko ya ag onloob ed Timplok so siopaman a toon ag asegat a sangkaili, saray ag onoonur ed siak, anggan saray sangkailin manaayam ed kawalaan da ray totood Israel.”

Ezekiel 44:7

Dinotakan da so Timplok diad impangyabuloy dad saray totoon ag asegat a sangkaili, saray totoon ag mangoonur ed siak, ya onloob ed Timplo no ibabagat ed siak iray taba tan dala na saray ayayep ya ibagat. Kanyan saray totook dineral day impisipanan ko lapud amin a makapaingungot a ginagawa ra.

Ezekiel 32:21

Saray matalonggaring a panguloy sondalo tan saray akigampid saray Egipsio diad impibakal da et maliket dan awaten ed pasen a panaayaman da ray inaatey iray Egipsio. Iyeeyag da: ‘Linmasur dia iray totoon maoges ya inaatey ed bakal, tan nia ran kidokul-dokul!’

Ezekiel 32:19

Ibagam ed sikara: “Abaloan yo a maganggana kayo ni nen saray arum? Onla kayo ed pasen a panaayaman da ray inaatey tan mansiansia kayod man, pati saray makasalanan.

1 Saray Awaran 10:4

Inkuantod balolakin umaawit na armas to, “Oyus moy ispadam tan patey mo ak, ompan panggalaw-galawan da ak ira yan totoon anggapoy Dios.” Balet ag ginawa na samay balolaki, ta mapalaloy takot to. Kanyan inala nen Saul so dilin ispada to, insan to intakbay laman to ed samay ispada.

2 Samuel 1:20

Ag yo ya ibabalita ed Gat odino diad saray dalan na Askelon. Ag yo panliliketen iray bibiin taga Filistia; ag yo panggagayagaen iray bibiin anak na saray pagano.

Ezekiel 32:24

“Wadman so Elam, ya aliber-liber na saray lobuk da ray sondalo to. Apatey iran amin ed bakal, tan ag ira asegat a niakar ed pasen a panaayaman da ray inaatey. Nen mabilay ni ra nantataktakot ira, balet natan akarokul iran inaatey tan naplag irad kababaingan.