Ezekiel 32:22 - Maung A Balita Biblia

²² “Wadman so Asiria, ya aliber-liber na saray lobuk da ray sondalo to. Apatey iran amin ed bakal,

Maung a Balita Biblia

²² Wadman so Asiria, ya aliber-liber na saray lobuk da ray sondalo to. Apatey iran amin ed bakal,

Ezekiel 32:22 Referans Kwoze

Ezekiel 32:26

“Wadman so Mesec tan say Tubal, ya aliber-liber na saray lobuk da ray sondalo ra. Ag ira asegat ya amin; apatey iran amin ed bakal. Balet nen saman tinataktakot da ray mabilay.

Ezekiel 32:24

“Wadman so Elam, ya aliber-liber na saray lobuk da ray sondalo to. Apatey iran amin ed bakal, tan ag ira asegat a niakar ed pasen a panaayaman da ray inaatey. Nen mabilay ni ra nantataktakot ira, balet natan akarokul iran inaatey tan naplag irad kababaingan.

Isaias 30:33

Abaybayag la a niparaan so sakey a pasen a walay baleg ya apoy a mamool ed ari na Asiria. Aralem yan pasen tan maawang tan atagtagey so nibonton a kiew. Isibuk na Katawan so singa onaagos ya apoy a mamool ed samay kiew.

Saray Bilang 24:24

Saray ondogpan manakep et manlapud rad Chipre; Dakepen da so Asiria tan Eber, Balet naderal ira met lamlamang ya anggad angga.”

Ezekiel 27:23

Akinigosio ed sika iray siudad na Haran, Cannel, Eden, Seba, Assur tan Kilmad.

Nahum 1:14

Sikato yay ingganggan na Katawan nipaakar ed saray taga Asiria: “Naoput iray kabyangay boleg da a mangikayat na ngaran da. Deralen ko ray talintaon walad saray timplo da ray diriyos da. Mangipaparaan ak na lobuk a para saray taga Asiria—ag da kanepegay mambilay!”

Isaias 14:25

Deralen kod dalin na Israel iray taga Asiria tan igatin-gatin ko rad kapalandeyan ko. Ekalen kod panamairap na taga Asiria iray totook tan saray ambelat a nipasakbat ed sikara.