Ezekiel 32:2 - Maung A Balita Biblia

² Inkuanto, “Sika a toon ompatey, maermen mon pasakbayan so ari na Egipto. Ibagam yan salitak ed sikato: Ipapasen moy sikan dili a lion ed saray bansa, balet singa ka buaya ya ontitiblung ed ilog. Pipitekan na saray salim so danum tan dodotakan mo ray ilog.

Maung a Balita Biblia

² Inkuanto, Sika a toon ompatey, maermen mon pasakbayan so ari na Egipto. Ibagam yan salitak ed sikato: Ipapasen moy sikan dili a lion ed saray bansa, balet singa ka buaya ya ontitiblung ed ilog. Pipitekan na saray salim so danum tan dodotakan mo ray ilog.

Ezekiel 32:2 Referans Kwoze

Ezekiel 29:3

Ibagam a sikato yay ibabaga na Katawan a Dios ed ari na Egipto: Siak so kalaban mo, sika a dragon a buaya a walad ilog. Ibabagam a kayaryan moy Ilog na Nilo, tan sika so nanggawa.

Ezekiel 27:2

“Sika a toon ompatey, kantaan mo na para tolur so Tiro,

Ezekiel 38:13

Saray totoon taga Seba tan Dedan tan saray nigosiantin taga baley na Espanya et tepeten dad sika, “Tinipon mo ray sondalom ta ondogpa kayo tan mansamsam kayo, anto? Gagalam so manala na saray pilak tan balituk, saray baka tan saray kayaryan, insan mo ibatik ira yan asamsam mo anto?”

Ezekiel 34:18

Saray arum ed sikayo et ag ni apenek ed saray sankaabigan a dika; ginagatinan yo ingen iray ag yo kakanen! Iinomen yo ray malinew a danum tan kikiloten yo ray ag yo iinomen!

Ezekiel 32:16

Magmaliw a kantan para tolur iyan makapaermen a pasakbay. Kantaen ya na saray bibii ed saray bansa diad panermen dad Egipto tan amin da ray totoo to. Siak a Katawan a Dios so nansalita.”

Ezekiel 28:12

Inkuanto, “Sika a toon ompatey, manermen ka lapud makapasinagem a nagawad ari na Tiro. Ibagam ed sikato so ibabagak, siak a Katawan a Dios: Sika nen saman so oliran na inkayadyari! Agay lay kakabatan tan kinaguapom nen saman!

Jeremias 4:7

Singa lion a manlalapud amutan ton pasen; say managderal na saray bansa et akaparaan la. Onsasabin maneral ed Juda. Naderal-deral iray siudad na Juda, anggapoy natilak a manayam ed sikara.

Isaias 27:1

Diad satan ya agew ipakana na Katawan so makapanyari tan makapatey ya ispada to a panusa ed Libiatan, say mambalbalikerker tan mampoppotipot a dragon, tan pamatey ed dragon a manaayam ed dayat.

Ezekiel 32:18

Inkuanto, “Sika a toon ompatey, ermenan mon amin iray amayamay a totood Egipto. Paonlam ed pasen a panaayaman da ray inaatey iray Egipsio pati saray arum a makapanyarin bansa.

Ezekiel 27:32

Kinantaan da ka na sayan kanta a para tolur: ‘Siopay mipara ed Tiro ya aderal ed pegley na dayat?

Jeremias 46:8

Say Egipto, ya ontatagey a singa Nilo, a singa sakey ya ilog ya onsasapat ed pangdel so danum to. Inkuan na Egipto, ‘Ontagey ak tan salinapen koy mundo; deralen ko ray siudad tan saray totoon manaayam ed sikara.

Jeremias 9:18

Saray totoo inkuanda, “Pangganat yo ra, ta kantaan da kami na kantan para tolur, anggad onterter iray lua mi, tan nabasa-basa ray goyamgoyam mi lapud kakaakis.”

Isaias 51:9

Liing ka pa, Katawan, ta tulongan mo kami! Ikanam pa so pakayarim ta ilaban mo kami; ikanam pa a singa ginawam nen saman. Sika so nantetegteg ed Rahab a dragon ed dayat.

Probirbio 28:15

Pakaskasi ray mairap-bilay ed silong na maoges a manoley; aliling toy mangwam a lion odino liber-liber ya aso.

Saray Bilang 24:9

Say bansa et singa makapanyarin lion; No akaogip anggapoy makakpel a mamangon. Siopamay mamindision ed Israel et nabindisionan Tan siopamay mangisamba ed Israel et nisamba.”

Genesis 49:9

Si Juda et singa lion. Papateyen to ray labay ton pateyen, insan ompapawil ed balaung to. Maninat-inat tan mandokul-dokul. Anggapoy makakpel a manigensigen ed sikato.

Mateo 7:24

“Kanyan siopamay ondengel tan manumpal ed sarayan salitak, aliling toy sakey a toon makalakal ya angipaalagey ed bato na abung to.

Say Libro nen Job 7:12

Akin et guaguardiaan mo ak? Sakey ak sirin a dragon na dayat?

Probirbio 25:26

Say maung a too ya ontotombuk ed labay na toon maoges et aliling toy akilotan a sobul odino adotakan a bobun.

Jeremias 46:7

Siopa yay ontatagey a singa Nilo, singa sakey ya ilog ya onsasapat ed pangdel so danum to?

Ezekiel 26:17

Kansionen da yan kantan para tolur: Aderal la so bantug a siudad! Naanur lad maawang a dayat iray bapor to. Saray totoo na sayan siudad inoleyan da so kadayatan Tan tinataktakot da ray amin a manaayam ed gilig na dayat.

Ezekiel 29:15

say sankakapoyan ed amin da ray nanarian, tan ag iran balut la makasakop na arum a bansa. Pagmaliwen ko ran singa anggapon nanarian, pian ag la ra makapanoley ed arum a bansa.

Say Libro nen Job 41:23

Anggapoy makapoy a pasen ed baog to; anawet tan ag napikon singa balatyang.

Probirbio 30:30

saray lion, sankabiskegan irad amin ya ayayep tan anggapoy tatakotan da;