Ezekiel 32:19 - Maung A Balita Biblia

¹⁹ Ibagam ed sikara: “Abaloan yo a maganggana kayo ni nen saray arum? Onla kayo ed pasen a panaayaman da ray inaatey tan mansiansia kayod man, pati saray makasalanan.

Maung a Balita Biblia

¹⁹ Ibagam ed sikara: Abaloan yo a maganggana kayo ni nen saray arum? Onla kayo ed pasen a panaayaman da ray inaatey tan mansiansia kayod man, pati saray makasalanan.

Ezekiel 32:19 Referans Kwoze

Ezekiel 31:18

“Samay kiew et say Egipto tan amin da ray totoo to. Anggan saray kiew ed Eden ag ira ontalona ed kaatagey tan karakpan to. Balet natan, singa saray kiew ed Eden, onla may kiew ed pasen a panaayaman da ray inaatey tan mikasakey ed saray maoges tan saray inaatey ed bakal. Siak so nansalita,” kuay Katawan a Dios.

Ezekiel 32:24

“Wadman so Elam, ya aliber-liber na saray lobuk da ray sondalo to. Apatey iran amin ed bakal, tan ag ira asegat a niakar ed pasen a panaayaman da ray inaatey. Nen mabilay ni ra nantataktakot ira, balet natan akarokul iran inaatey tan naplag irad kababaingan.

Ezekiel 32:21

Saray matalonggaring a panguloy sondalo tan saray akigampid saray Egipsio diad impibakal da et maliket dan awaten ed pasen a panaayaman da ray inaatey iray Egipsio. Iyeeyag da: ‘Linmasur dia iray totoon maoges ya inaatey ed bakal, tan nia ran kidokul-dokul!’

Ezekiel 31:2

Inkuanto, “Sika a toon ompatey, ibagam ed ari na Egipto tan diad amin a totoo to: Agaylay biskeg yo! Antoy pangiparaan kod sikayo?

Ezekiel 28:10

Singa ka ason pateyen na saray anggapoy Dios a sangkaili. Siak a Katawan a Dios so angiganggan ed saya.”

1 Samuel 17:36

Akapatey ak la na saray lion tan saray uso, tan pateyen ko met iman a Filisteo a manasagyat a milaban iray sondalo na mabilay a Dios.

1 Samuel 17:26

Tinepet nen David ed saray totoon asingger ed sikato, “Antoy nagamuran na toon makapatey ed sayan Filisteo tan makapangipaliis ed kababaingan na Israel? Ta siopa ta yan paganon Filisteo et sagyaten ton milaban iray sondalo na mabilay a Dios?”

Ezekiel 32:26

“Wadman so Mesec tan say Tubal, ya aliber-liber na saray lobuk da ray sondalo ra. Ag ira asegat ya amin; apatey iran amin ed bakal. Balet nen saman tinataktakot da ray mabilay.