Ezekiel 32:18 - Maung A Balita Biblia

¹⁸ Inkuanto, “Sika a toon ompatey, ermenan mon amin iray amayamay a totood Egipto. Paonlam ed pasen a panaayaman da ray inaatey iray Egipsio pati saray arum a makapanyarin bansa.

Maung a Balita Biblia

¹⁸ Inkuanto, Sika a toon ompatey, ermenan mon amin iray amayamay a totood Egipto. Paonlam ed pasen a panaayaman da ray inaatey iray Egipsio pati saray arum a makapanyarin bansa.

Ezekiel 32:18 Referans Kwoze

Ezekiel 31:14

Kanyan manlapud natan, anggapo la so kiew, anggaman anto lay pakasalog ed sikato, ya ombaleg a singa saman odino makasabid kaloreman so toktok to tan naparaan to man a kabaleg. Amin da asintinsiaan ya ompatey iran singa saray ompatey a totoo, asintinsiaan iran mikasakey ed saray oonla ed pasen a panaayaman da ray inaatey.”

Mikias 1:8

Insan inkuanen Mikias, “Lapud saya manermen ak tan mantagleey ak. Diad pangipanengneng koy ermen ko, manakar-akar ak a labus-lakseb tan kasali-sali. Managugol ak a singa asod katakelan tan mandageyem ak a singa abistrus.

Ezekiel 32:16

Magmaliw a kantan para tolur iyan makapaermen a pasakbay. Kantaen ya na saray bibii ed saray bansa diad panermen dad Egipto tan amin da ray totoo to. Siak a Katawan a Dios so nansalita.”

Ezekiel 32:2

Inkuanto, “Sika a toon ompatey, maermen mon pasakbayan so ari na Egipto. Ibagam yan salitak ed sikato: Ipapasen moy sikan dili a lion ed saray bansa, balet singa ka buaya ya ontitiblung ed ilog. Pipitekan na saray salim so danum tan dodotakan mo ray ilog.

Jeremias 1:10

Natad sayan agew iiter kod sikay pakaoley ed saray bansa tan saray nanarian, pian sikay mamagut tan mangigeba, maneral tan manalo, mamaalagey tan mangiletneg.”

Oseas 6:5

Sikato yay makasengeg ya imbakik ed sikayo ray propitak a mangibawag ed sikayo na sintinsia tan say deral. Say malinew a labay kod sikayo et saraya:

Ezekiel 43:3

Sayan pasingayew et singa samay pasingayew ya anengneng ko nen sinmabi so Dios ya aneral ed Jerusalem, tan samay pasingayew ya anengneng kod gilig na Ilog na Kebar. Insan ko intiblak ed dalin.

Ezekiel 31:16

No iyakar kod pasen a panaayaman da ray inaatey, nayegyeg iray bansa lapud biskeg na tanul na kapelag to. Manliket ed kapelag to iray amin a kiew ed Eden tan amin da ray pinili, a maung so inkasalug dan kakiewan ed Libano, a wala la rad pasen a panaayaman da ray inaatey.

Ezekiel 26:20

Iyakar ta kad pasen a kawalaan da ray inaatey, pian makapikasakey kad saray totoon nambibilay nen saman a panaon. Panayamen ta kad man a kaibam iray andi-anggaan a deral-deral tan saray inaatey. Lapud saya ag ka lan balut natoowan tan anggapo lay pasen mon balut ed dalin da ray mabilay.

Isaias 16:9

Nanangisan ko natan iray wakal na Sibma a singa pannanangis kod Jazer. Onteterter so luak lapud Hesbon tan Eleale, ta anggapoy ani a makapaliket ed saray totoo.

Saray Taga Roma 12:15

Miliket kayod saray manliliket, tan minangis kid saray mannanangis.

Lucas 19:41

Asingsingger lay Jesus ed siudad na Jerusalem. Kanengneng tod siudad inakisan to

Ezekiel 32:21

Saray matalonggaring a panguloy sondalo tan saray akigampid saray Egipsio diad impibakal da et maliket dan awaten ed pasen a panaayaman da ray inaatey iray Egipsio. Iyeeyag da: ‘Linmasur dia iray totoon maoges ya inaatey ed bakal, tan nia ran kidokul-dokul!’

Isaias 14:15

Balet naplag kad sankaaraleman a pasen a panaayaman da ray inaatey.

Saray Salmo 63:9

Saray walay getman mamatey ed siak napelag irad pasen a panaayaman da ray inaatey;

Saray Salmo 30:9

“Anton kaabigan so niiter ed sika na ipatey ko? Anton gunggona so naalam ed kipompon ko? Nadayew ka ni na saray inaatey? Nibawag da niy inkamaung mo?

Mateo 11:23

Tan sika, Capernaum, labay moy niatagey ya anggad tawen? Nibantak ka ni inged impirno! Ta no agawa komun ed Sodoma ray milagron agawad sika, wala nin anggad natay Sodoma!

Ezekiel 32:12

Abuloyan kon saray sondalo na saray maruksan bansa et oyusen da ray ispada ra, ta pateyen da ray amin a totoom. Naderal ya amin iray totoom tan amin a bengatlan ikikinon mo.