Ezekiel 32:15 - Maung A Balita Biblia

¹⁵ No pagmaliwen kon andi-kakanaan tan begtebegtew so Egipto, tan pateyen ko ray amin a manaayam diman, naamtaan da a siak so Katawan.

Maung a Balita Biblia

¹⁵ No pagmaliwen kon andi-kakanaan tan begtebegtew so Egipto, tan pateyen ko ray amin a manaayam diman, naamtaan da a siak so Katawan.

Ezekiel 32:15 Referans Kwoze

Ezekiel 6:7

Napatey iray totoo ed inerman a pasen, tan birbiren na amin da ray makapaliis ed patey a siak so Katawan.

Exodo 7:5

Naamtaan ed satan na saray Egipsio a siak so Katawan no iyatagey koy taklay ko sumpad sikara tan ipaway kod bansa ra iray Israelita.”

Exodo 14:18

Diad panalok ed saray Egipsio naamtaan da a siak so Katawan!”

Exodo 14:4

Paaweten koy puso to, kanyan osilan to kayo, et pakagalangan ko so panalok ed ari tan saray sondalo to. Diad satan naamtaan na saray Egipsio a siak so Katawan.” Ginawa na saray Israelita so nibagad sikara.

Ezekiel 30:26

Itaytayak kod intiron mundo iray Egipsio. Diad satan naamtaan da a siak so Katawan.”

Ezekiel 29:12

Pagmaliwen koy Egipto a sankabegtewan a bansa ed intiron mundo. Apataploy taon a mansiansian aderal-deral iray siudad na Egipto, ag miparad arum a siudad so inkaderal da. Gawaen kon pappaiyagel ed arum a bansa iray Egipsio. Ombatik irad nandoroman bansa tan miayam irad saray arum a totoo.”

Saray Salmo 9:16

Impaamtay Katawan so sikaton dili diad panamegley da ray matonung a pananintinsia to, tan apatitan iray maoges a totoo ed dilin gawgawa ra.

Saray Salmo 24:1

Kayaryay Katawan so mundo tan amin a logan to; kien toy dalin tan amin a manaayam ed dalin.

Ezekiel 30:19

No onya so panusak ed Egipto, nakabatan da a siak so Katawan.”

Ezekiel 32:14

Palinewen ko ray danum mo tan paagosen kon makalna iray ilog mo. Siak a Katawan a Dios so nansalita.