Ezekiel 31:16 - Maung A Balita Biblia

¹⁶ No iyakar kod pasen a panaayaman da ray inaatey, nayegyeg iray bansa lapud biskeg na tanul na kapelag to. Manliket ed kapelag to iray amin a kiew ed Eden tan amin da ray pinili, a maung so inkasalug dan kakiewan ed Libano, a wala la rad pasen a panaayaman da ray inaatey.

Maung a Balita Biblia

¹⁶ No iyakar kod pasen a panaayaman da ray inaatey, nayegyeg iray bansa lapud biskeg na tanul na kapelag to. Manliket ed kapelag to iray amin a kiew ed Eden tan amin da ray pinili, a maung so inkasalug dan kakiewan ed Libano, a wala la rad pasen a panaayaman da ray inaatey.

Ezekiel 31:16 Referans Kwoze

Isaias 14:15

Balet naplag kad sankaaraleman a pasen a panaayaman da ray inaatey.

Ezekiel 26:15

Say Katawan a Dios wala yan nibaga to ed siudad na Tiro: No nadadakep ka, nataktakot iray totoon manaayam ed gilig na dayat diad pakadngel dad paneyag na saray amayamay a napapatey.

Isaias 14:8

Saray kiew a saleng tan sidro ed Libano et manliket irad inkatalo na ari, lapud anggapo lay mambatang ed sikara, natan ta naandi lay ari na Babilonia!

Aggeo 2:7

Taloen kon amin iray bansa, tan niyakar dia iray kayamanan da, tan napano na kayamanan so Timplo.

Habacuc 2:17

Binabatang yoy kakiewan ed takel na Libano; sikayo natan so nabatang. Pinapatey yo ray ayayep to; taktakoten kayo natan na ayayep. Onyay nagawad sikayo lapud saray impanpapatey yod saray totoo tan lapud impanduduksa yod saray totood mundo tan saray siudad to.

Ezekiel 31:9

Ginawak iman a kiew a marakep, tan masalumpapak iray sanga to. Amin da ray kiew ed Eden a tanamanan na Dios et makakaibeg irad sayan kiew.

Ezekiel 27:28

Makbaw a nadngel ed gilig na dayat So eyag da ray nalelener a marinirom.

Puyan 11:13

Diad saman a bekta, yinmegyeg na maksil. Aderal so kakaplon parti na siudad, tan piton libon totoo so inaatey lapud samay yegyeg. Tinmakot iray totoon atilak a mabilay, tan inggalang day Dios na tawen.

Nahum 2:3

Sankaawit na saray kalaban ton sondalo iray ambalangan samper, tan akasolung iran amin na ambalanga. Mampaparaan iran ondogpa! Mankidyam a singa apoy iray karwahi ra! Mankitapbo iray kabayo ra!

Ezekiel 31:18

“Samay kiew et say Egipto tan amin da ray totoo to. Anggan saray kiew ed Eden ag ira ontalona ed kaatagey tan karakpan to. Balet natan, singa saray kiew ed Eden, onla may kiew ed pasen a panaayaman da ray inaatey tan mikasakey ed saray maoges tan saray inaatey ed bakal. Siak so nansalita,” kuay Katawan a Dios.

Ezekiel 31:14

Kanyan manlapud natan, anggapo la so kiew, anggaman anto lay pakasalog ed sikato, ya ombaleg a singa saman odino makasabid kaloreman so toktok to tan naparaan to man a kabaleg. Amin da asintinsiaan ya ompatey iran singa saray ompatey a totoo, asintinsiaan iran mikasakey ed saray oonla ed pasen a panaayaman da ray inaatey.”

Ezekiel 26:10

Kobutan ka na makapal a dabuk ya ontikyab diad pankuyat na saray kabayo ra. Diad tanul na saray kabayon mamibira na saray karwahi tan saray kariton, nagalaw iray padir mo legan dan ondadalan ed saray puirta na aderal-deral a siudad.

Ezekiel 14:22

No walay akapaliis ed patey tan nilaban to ray anak to, imanom ira no onla rad sika. Nengneng mo so ontan lan kaogsan da, pian ag ira manduaruwa a manepenepeg so pangiiter koy dusa ed Jerusalem;

Jeremias 50:46

Diad ontan lan makapasinagem a katalo na Babilonia onggiwgiw ya amin iray bansa ed kaliber-liber to, tan narengel da so panay-ay to.”

Ezekiel 14:23

naamtaan mod satan a walay maung a makasengeg na panggagawak ed antokaman.” Say Katawan a Dios so nansalita.

Ezekiel 31:3

Singa kayo sakey a kiew a sidro ed Libano, A marakerakep iray masalumpapak a sanga-sanga to, Sakey a kiew ya atagtagey a nasasabi toy kaloreman.

Ezekiel 31:8

Diad tanamanan na Dios et anggapoy sidro a makapipara ed sayan kiew. Anggapoy saleng a makapipara ed kasalumpapak na saray sanga to. Diad dilin tanamanan na Dios anggapoy kiew a makapipara ed inkarakep to.