Ezekiel 30:9 - Maung A Balita Biblia

⁹ “No asabi la tan ya agew tan aderal la so Egipto, mambapor iray ibakik a manaktakot ed saray ag nagugunigon a totood Sudan, et nataktakot ira lapud kaderal na Egipto. Onsasabi la tan ya agew!”

Maung a Balita Biblia

⁹ No asabi la tan ya agew tan aderal la so Egipto, mambapor iray ibakik a manaktakot ed saray ag nagugunigon a totood Sudan, et nataktakot ira lapud kaderal na Egipto. Onsasabi la tan ya agew!

Ezekiel 30:9 Referans Kwoze

Isaias 23:5

Anggan saray Egipsio et natalagnaw tan manermen ira no nakabatan da ya aderal lay Tiro.

Sofonias 2:15

Ontan so nagawa ed siudad ya ipapangaya toy dilin pakayari to tan ipapasen toy sikaton dili ya arawid kaatapan. Ipapasen na saray totoo to a say siudad da so sankatalonggaringan ed intiron mundo. Magmaliw a begte-begtew a pasen, sakey a pasen a panayaman na saray ayayep ed katakelan! Balang toon ondalan ed saman a pasen et makasoner ed kataktakot to.

Sofonias 2:12

Pateyen met na Katawan iray totood Sudan.

Amos 4:2

Diad inkatonung na Katawan a Dios insipan to, “Onsabi ray agew a gayugoyen da kayon amin a singa siran atagaan.

Ezekiel 39:6

Mangigapo ak na pool ed dalin na Magog tan diad amin a pasen ed gilig na dayat ya ag nasisigensigen ed pambibilay iray totoon manaayam, et naamtaan na balang sakey a siak so Katawan.

Ezekiel 38:11

Getmaen moy onloob ed sakey a bansan ag to niagel so sikaton dili, a mambibilay iray totoo ed kareenan tan arawi rad kaatapan diad saray baley ya anggapoy padir tan makapangyagel.

Ezekiel 33:33

Balet no ontua ray amin a salitam—et talagan ontua ra—naamtaan dad satan a walay sakey a propitan nanayam ed pegley da.”

Ezekiel 27:35

“Nikelawan ed inkagawam so balang toon manaayam ed gilig na dayat. Ataktakot iray anggan arari ra, tan mapatpatnag ed lupa ra so takot da.

Ezekiel 26:16

Amin da ray arari na saray bansan managbiahi ed dayat et onakseb irad trono ra. Lakseben da ray mararakep a kolibemben da tan saray binordaan a kawes da, insan ira manggiwgiw ya onyurong ed dalin. Nataktakot irad agawad sika tan ag ira makatondan onggiwgiw.

Jeremias 49:31

‘Gali la! Dogpaan tayo ra man a totoon mambibilay ed kareenan tan arawid kaatapan. Anggapoy kaput odino tarangka iray puirtay siudad da; sigput ya anggapoy mangyagel ed sikara.’

Jeremias 49:21

No napelag so Edom nayegyeg so intiron dalin, tan narengel ya anggad Dayat ya Ambalanga so ingal na totoo.

Isaias 47:8

“Dengel ka, sikan maarod like-liket, sika ya abaloan mon arawi kad kaatapan. Ipapasen moy sikan dili a matalonggaring a singa Dios— ya anggapoy miparad sika. Abaloan mo ya ag kan balut nabalo odino nasalim so nabalangan na anak.

Isaias 20:5

Saray nanmatalek ed Sudan tan saray angikinon ed Egipto et nabaingan ira tan naekalan iray ilalo.

Isaias 20:3

Nen adakep so Asdod, inkuan na Katawan, “Diad loob na taloy taon, si aripen kon Isaias et nanakar-akar a labus-lakseb tan kasali-sali. Sikato yay tanda na nagawa ed Egipto tan Sudan.

Isaias 19:17

Ontakot ed Juda iray Egipsio kapag nipanunot ed sikara so pansumpalan da ya imparaan na Katawan a Makapanyarin-amin.

Saray Huis 18:7

Kanyan tinmaynan ira may limaran lalaki tan linma rad baley na Lais. Anengneng da no panon a saray totood man et manaayam iran arawid kaatapan a singa saray Sidonio. Mareen so panagbilay da, anggapo ray mansasangsangan odino mansisiblangan; walad sikaray amin a nakaukolan da. Arawid sikara iray Sidonio tan anggapoy pasisiglaotan dad arum a totoo.

1 TESALONICA 5:2

ta kabkabat yo a say isabiy Agew na Katawan et singa isabiy matakew no labi.

Ezekiel 24:14

Siak a Katawan so nansalita. Sinmabiy oras a siak so onggalaw. Ag ko palabasen iray kasalanan mo odino kasian odino abageyen ta ka. Nadusa ka lapud saray ginagawam.” Say Katawan a Dios so nansalita.

Habacuc 2:3

Isulat mo yan ipasingayew kod sika, ta aliwa nin natan a panaon so pakagawa to. Balet masiglat ya onsasabiy panaon tan ontua so ipaamtak ed sika. Nayarin singa matantan so isabi to, balet alagar mon onsabi; andi-saew a nagawa, tan ag la naabala so isabi to.