Ezekiel 30:5 - Maung A Balita Biblia

⁵ “Diad satan a bakal napatey met iray sondalon inuupaan a taga Sudan, Libia, Lidia, Arabia, Kub, tan anggan saray dilin totook.”

Maung a Balita Biblia

⁵ Diad satan a bakal napatey met iray sondalon inuupaan a taga Sudan, Libia, Lidia, Arabia, Kub, tan anggan saray dilin totook.

Ezekiel 30:5 Referans Kwoze

Ezekiel 27:10

“Taga Persia, Lidia, tan Libia iray sondalom. Insasabit dad kampom iray samper tan saray hilmit da. Sikaray lalakin angiter ed sika na kagalangan.

Jeremias 50:37

Patey yo ray kabayo to tan deral yo ray karwahi to! Patey ed saray inoopaan ton sondalo— agaylay kapoy da! Deral yo ray kayamanan to; akokos tan samsam yo ra.

Jeremias 46:9

Dagdag yo lan onla iray kabayo, tan pakurang yo la ray karwahi! Ibaki yo la ray sondalo: saray lalakin sankaawit da ray samper a taga Sudan tan Libia, saray marunong a pumapanan taga Lidia.’”

Jeremias 44:27

Ag ta kayon balut paaligwasen; ingen, naderal kayo. Amin yon taga Juda a manaayam ed Egipto et ompatey ed bakal o diad salot, anggad anggapoy anggan sakey a nakeraan ed sikayo.

Isaias 20:4

Say ari na Asiria itaynan to ray labus-lakseb a prison adakep tod sarayan duan bansa. Malangwer may matakken, manakar a kasali-sali tan labus-lakseb, sankanengneng so ebet da, tan mangiter ya na kababaingan ed Egipto.

Isaias 18:1

Diad nibaliw na saray Ilog na Sudan walay sakey a dalin a pakakadngelay parakpak na saray payak.

Ezekiel 38:5

Kaiba to ray lalakin taga Persia, Sudan, tan Libia ya akasamper tan akahilmit ira.

Daniel 11:43

Alaen ton amin iray akaamut a balituk tan pilak na Egipto tan saray arum a mabmablin kayaryan to. Dakepen toy Libia tan Sudan.

2 Saray Awaran 12:3

Impangulo to ray sondalo: sanlibo tan duan lasus ya akalogan ed karwahi, anemaplon libo ya akakabayo, tan arum nin sondalo ya ag ira nabilang lapud karakel da, a pati saray taga Libia, saray Sukeo, tan saray taga Etiopia.

Sofonias 2:12

Pateyen met na Katawan iray totood Sudan.