Ezekiel 30:4 - Maung A Balita Biblia

⁴ Walay nagawan bakal ed Egipto Tan walay baleg a kaermenan ed Sudan. Amayamay iray napatey ed Egipto; Nasamsam iray kayamanan na bansa Tan nataynan ya aderal-deral.

Maung a Balita Biblia

⁴ Walay nagawan bakal ed Egipto Tan walay baleg a kaermenan ed Sudan. Amayamay iray napatey ed Egipto; Nasamsam iray kayamanan na bansa Tan nataynan ya aderal-deral.

Ezekiel 30:4 Referans Kwoze

Ezekiel 29:19

Kanyan saya natan so ibabagak, siak a Katawan a Dios: Iiter koy dalin na Egipto ed Ari Nabucodonosor. Samsaman toy Egipto tan awiten toy amin a kayamanan to tan iter ton bayar na saray sondalo to.

Ezekiel 29:8

Natan sirin, siak a Katawan a Dios, ibabagak a mangyakar ak na saray lalakin totoon ondogpad sika a walay awit dan ispada, tan pateyen da ray totoom tan saray ayayep mo.

Ezekiel 29:12

Pagmaliwen koy Egipto a sankabegtewan a bansa ed intiron mundo. Apataploy taon a mansiansian aderal-deral iray siudad na Egipto, ag miparad arum a siudad so inkaderal da. Gawaen kon pappaiyagel ed arum a bansa iray Egipsio. Ombatik irad nandoroman bansa tan miayam irad saray arum a totoo.”

Jeremias 50:15

Diad kaliber-liber to eyag kayoy para bakal sumpad sikato. Sinmuko la so Babilonia. Ageba tan alooban la ray padir to. Siak, so ombabawi ed saray taga Babilonia. Kanyan bawi kayod sikara, tan gawa yod sikaray singa ginawa rad arum.

Isaias 19:2

Say Katawan kuanto, “Panlalabanen ko ray Egipsio; mankakabilan iray sanaagi tan saray sanaabay. Mambabakal iray siudad tan mansasamsaman na pakayari iray arari.

Isaias 16:7

Onnangis iray taga Moab lapud saray gunigon a liliknaen da. Onakis iran amin diad pakanunot dad saray taganon mananam ya inaakan dad siudad na Kirhareset. Naekalan iray ilalo.

Isaias 18:1

Diad nibaliw na saray Ilog na Sudan walay sakey a dalin a pakakadngelay parakpak na saray payak.

Ezekiel 38:5

Kaiba to ray lalakin taga Persia, Sudan, tan Libia ya akasamper tan akahilmit ira.

Daniel 11:43

Alaen ton amin iray akaamut a balituk tan pilak na Egipto tan saray arum a mabmablin kayaryan to. Dakepen toy Libia tan Sudan.

Sofonias 2:12

Pateyen met na Katawan iray totood Sudan.

Isaias 20:3

Nen adakep so Asdod, inkuan na Katawan, “Diad loob na taloy taon, si aripen kon Isaias et nanakar-akar a labus-lakseb tan kasali-sali. Sikato yay tanda na nagawa ed Egipto tan Sudan.

Jeremias 46:9

Dagdag yo lan onla iray kabayo, tan pakurang yo la ray karwahi! Ibaki yo la ray sondalo: saray lalakin sankaawit da ray samper a taga Sudan tan Libia, saray marunong a pumapanan taga Lidia.’”

Ezekiel 28:23

Mangipadalan ak na salut ed sika tan paagosen kod saray dalan mo so dala. Nadogpaan kad anggan anton dapag, tan napatey iray totoom. Diad satan naamtaan mo a siak so Katawan.”