Ezekiel 30:21 - Maung A Balita Biblia

²¹ Inkuanto, “Sika a toon ompatey, pinoter koy taklay na ari na Egipto. Anggapoy amerber odino angyan na sanlaoy to, pian onabig komun tan ombiskeg lamet a mangegna na ispada.

Maung a Balita Biblia

²¹ Inkuanto, Sika a toon ompatey, pinoter koy taklay na ari na Egipto. Anggapoy amerber odino angyan na sanlaoy to, pian onabig komun tan ombiskeg lamet a mangegna na ispada.

Ezekiel 30:21 Referans Kwoze

Jeremias 46:11

Totood Egipto, laka yod Galaad, ta mangala kayoy tambal! Asali lan anggapoy kana iray tambal yo; anggapoy bengatlan makapaabig ed sikayo.

Jeremias 30:13

Anggapoy mangasikasod sikayo, anggapoy nitambal ed saray sugat yo, anggapo lay ilalon onabig kayo.

Jeremias 48:25

Nakal lay biskeg na Moab, aderal lay pakayari to. Siak, say Katawan, so nansalita.”

Saray Salmo 37:17

ta say Katawan ekalan toy biskeg iray totoon maoges, balet iyagel to ray maung a totoo.

Ezekiel 30:24

Insan ko pabiskegen iray taklay na ari na Babilonia tan ipabemben kod sikato so ispadak. Balet poteren ko ray taklay na ari na Egipto, et manayay tan ompatey ed arap da ray kalaban to.

Saray Salmo 10:15

Ekal mo pay pakayari na saray maoges tan bagel a totoo; dusam pa ra lapud kaogsan a ginagawa ra ya anggad ag ira ontonda.

Puyan 18:21

Insan dinemet na makapanyarin anghil so sakey a baton singa kabaleg na gilingan. Intupak tod dayat, tan inkuanto, “Onyay kakasil na kitupak na makapanyarin siudad na Babilonia, tan ag lan balut nanengneng!

Nahum 3:16

Dakel ni nen saray bitewen ed tawen so impamarakel mod saray nigosiantim! Balet natan naandipat la ra, a singa saray dorun ya imbuskag da ray payak da tan tinmikyab la rad arawi.

Isaias 1:6

Maletey so intiron laman mo. Aliber so laman mo na saray sugat, giri, tan saray tinmeterak a larag. Ag alinisan o aberber iray sugat mo. Ag ira anggan nainan na tambal.

Jeremias 44:30

Ipalimak si Ari Hofra na Egipto ed saray kalaban ton malabay a mamatey ed sikato, a singa samay impangipalimak ed kinen Ari Sedekias na Juda ed kinen Ari Nabucodonosor na Babilonia a kalaban to tan malabay a mamatey ed sikato.”

Ezekiel 39:3

Kayari to ya, paspasen kon ipelag so bekang na pana ed kawigin lima to tan saray balay pana ed kawanan a lima to.

Zacarias 11:17

Pakaskasiy kipapasen na satan ya andi-kakanaan a pumapastol! Inkaindan to ray karniro to. Sigput a deralen na bakal so pakayari to. Naparalisis so taklay to, tan nabulag so kawanan a mata to.”

2 Saray Arari 24:7

Ag lan balut pinmaway ed Egipto so ari na Egipto tan saray sondalo to, lapud wala lad silong na pakaoley na ari na Babilonia iray amin a dalin a sakop na Egipto, manlapud Ilog na Eufrates ya anggad ketegan ed baybay na Egipto.

Saray Salmo 89:43

Ginagawam ya andi-kakanaan iray armas to, tan impatalom ed bakal.