Ezekiel 30:14 - Maung A Balita Biblia

¹⁴ Pagmaliwen kon begtebegtew so abalaten na Egipto tan poolan koy siudad na Zoan diad baybay. Dusaen koy manonan siudad na Tebes.

Maung a Balita Biblia

¹⁴ Pagmaliwen kon begtebegtew so abalaten na Egipto tan poolan koy siudad na Zoan diad baybay. Dusaen koy manonan siudad na Tebes.

Ezekiel 30:14 Referans Kwoze

Ezekiel 29:14

insan ko ra abuloyan a manayam ed abalaten na Egipto, say gendat a panaayaman da. Manayam irad man a sakey a mugmon nanarian,

Jeremias 46:25

Say Katawan a Makapanyarin-amin a Dios na Israel kuanto, “Dusaen koy Amon a dios na Tebes, say Egipto a pati saray diriyos tan saray arari to. Alaen koy ari na Egipto tan amin da ray manmamatalek ed sikato.

Saray Salmo 78:43

tan nanggagawa na saray milagro tan tanda diad patar na Soan, ed dalin na Egipto.

Saray Salmo 78:12

Diad imatun da ray lalaki ra, nanggaway milagro so Dios, diad patar na Soan na dalin na Egipto.

Nahum 3:8

Ninive, daeg mo ni so Tebes a manonan siudad na Egipto? Wala met so ilog ton mangyagel ed sikato nen saman a singa atagey a padir—say Ilog na Nilo so tirinsira to nen saman.

Isaias 19:11

Makulang-kulang iray pangulo na siudad na Soan! Andi-kakanaan iray isisimbawa na saray sankakabatan ya Egipsio! Panon dan nitepel ya ibagad ari a sikaray kasalat na saray gendat a makabat tan arari?

Saray Bilang 13:22

Linma ran inmona ed abalaten na samay dalin tan akasabi ra ed Hebron a panaayaman na saray boleg di Ahiman, Sesai, tan Talmai, a kabyangan ira na poli na alan a tatawagen na Anakim. (Say Hebron et niletneg lan pitoy taon kasakbayan na inkiletneg na Zoan ed Egipto.)

Isaias 30:4

Anggaman ya akasabi lad saray siudad na Soan tan Hanes na Egipto iray opisyal ya imbaki na Juda,

Isaias 11:11

No onsabiy tan ya agew, ipakana lamet na Katawan so pakayari to, ta pasempeten to la ray totoo to ya atilak ed Asiria, Egipto, diad dalin na Patros, Sudan, Elam, Babilonia, tan Hamat, tan diad saray gilig na dayat tan diad saray isla.

Isaias 19:13

Makulang-kulang iray pangulo na Soan tan Memfis. Nepeg komun ya ipangulo day bansa, balet pinalikdo ra.

Jeremias 44:1

Akisalitay Katawan ed siak nipaakar ed amin ya Israelitan manaayam ed Egipto, diad saray siudad na Migdol, Tafnes, tan Memfis, tan diad saray pasen a walad abalaten na bansa.

Jeremias 44:15

Insan amin da ray lalakin amta ran saray kaasawaan da et angibabagat irad saray arum a diriyos tan amin da ray bibiin manalalagey diman, pati saray Judion manaayam ed saray pasen a walad abalaten na Egipto—dakel iran amin ya olup—inkuandad siak,

Ezekiel 29:19

Kanyan saya natan so ibabagak, siak a Katawan a Dios: Iiter koy dalin na Egipto ed Ari Nabucodonosor. Samsaman toy Egipto tan awiten toy amin a kayamanan to tan iter ton bayar na saray sondalo to.

Ezekiel 30:8

No poolan koy Egipto tan napatey iray amin a manangyagel to, naamtaan da a siak so Katawan.

Ezekiel 30:15

Ipaliknak so sulit na pasnuk ko ed siudad na Pelusium, say baleg a tirinsira na Egipto. Deralen ko so kayamanan na Tebes.

Ezekiel 30:16

Poolan ko so Egipto, tan nairapan so Pelusium. Nageba ray padir na Tebes, tan nadelap so siudad.

Ezekiel 30:19

No onya so panusak ed Egipto, nakabatan da a siak so Katawan.”