Ezekiel 30:13 - Maung A Balita Biblia

¹³ Say Katawan a Dios kuanto, “Deralen ko ray talintao tan saray tila-tilan diriyos ed Memfis. Anggapo lay manoley ed Egipto, tan taktakoten kon amin iray totoo.

Maung a Balita Biblia

¹³ Say Katawan a Dios kuanto, Deralen ko ray talintao tan saray tila-tilan diriyos ed Memfis. Anggapo lay manoley ed Egipto, tan taktakoten kon amin iray totoo.

Ezekiel 30:13 Referans Kwoze

Zacarias 10:11

No ondalan irad dayat na gunigon da, siak a Katawan et pareenen ko ray daluyon, tan naekatan iray kaaralman na Ilog na Nilo. Napaabeba so mapaatagey ya Asiria, tan naekalay pakayari so makapanyarin Egipto.

Jeremias 46:14

“Ibawag mod saray baley na Egipto, diad Migdol, Memfis, tan Tafnes, ‘Mamparaan kayon mangyagel ed sikayon dili; naderal ed bakal iray amin a kayaryan yo!

Jeremias 2:16

Saray taga Memfis tan saray taga Tafnes binetag day lapis-lapis na olo to.

Zacarias 13:2

Diad satan a panaon ekalen kod bansa so kangaranan da ray talintaoy diriyos, et anggapo lay siopaman a makanunot ed sikara. Paekalen kod dalin so siopaman a mangibagan sikato et propita tan ekalen koy pampilalek da ray totoo ed pangigalang ed saray talintaoy diriyos.

Sofonias 2:11

Taktakoten ira na Katawan. Pagmaliwen ton andi-kakanaan iray diriyos ed tapew na dalin, et balang bansa galangen toy Katawan diad dilin dalin to.

Oseas 9:6

No onsabiy kadederal, tan nikaykayat iray totoo, tiponen ira na saray Egipsio—tiponen da ran ipompon ed Memfis! Saray kayamanan dan pilak tan saray pasen ya angiletnegan na saray abung da et natubuan ira na saray dika tan saray tanaman a masabit.

Jeremias 46:25

Say Katawan a Makapanyarin-amin a Dios na Israel kuanto, “Dusaen koy Amon a dios na Tebes, say Egipto a pati saray diriyos tan saray arari to. Alaen koy ari na Egipto tan amin da ray manmamatalek ed sikato.

Jeremias 46:5

“Balet antoy nanenengneng ko?” tepet na Katawan. “Ompopoliktar irad takot. Mapalaloy kakairapan na saray sondalo ra; diad gaway takot dan amin, gagawaen day anggay nayarian dan ombatik, tan ag la ra onlilingaw.

Jeremias 43:12

Poolan ko ray timplo na saray diriyos na Egipto tan say ari na Babilonia et poolan to ray diriyos da odino isempet to ra. Linisan na ari na Babilonia so Egipto, a singa panlinis na sakey a pastol ed kawes to diad pangekal tod saray lies na karniro, insan onsempet lan sipapalabo.

Exodo 12:12

“Diad satan a labi onliber ak ed intiron dalin na Egipto, pateyen koy balang pangulowan ya anak a laki tan amin a besag ya anak na ayep tan dusaen kon amin iray diriyos na Egipto. Siak so Katawan.

Jeremias 44:1

Akisalitay Katawan ed siak nipaakar ed amin ya Israelitan manaayam ed Egipto, diad saray siudad na Migdol, Tafnes, tan Memfis, tan diad saray pasen a walad abalaten na bansa.

Jeremias 46:19

Sikayon taga Egipsio, mamparaan kayon naalan priso! Nagawan andi-kakanaan a pasen so Memfis, nagawan dera-deral tan anggapoy manayam.

Ezekiel 30:16

Poolan ko so Egipto, tan nairapan so Pelusium. Nageba ray padir na Tebes, tan nadelap so siudad.

Jeremias 10:11

Sikayo ran totoo nepeg yon ibagad sikara a saray diriyos ya ag da ginawa so tawen tan dalin, et naderal ira. Naandi ra ed anggan iner a pasen diad tapew na dalin.)

Jeremias 43:13

Temeken to ray masanton bato a monuminto ed Heliopolis diad dalin na Egipto, tan poolan to ray timplo na saray diriyos na saray Egipsio.”