Ezekiel 3:9 - Maung A Balita Biblia

⁹ Gawaen ta kan anawet a singa bato odino diamanti; ag ka ontatakot ed saraman a mananumpa.”

Maung a Balita Biblia

⁹ Gawaen ta kan anawet a singa bato odino diamanti; ag ka ontatakot ed saraman a mananumpa.

Ezekiel 3:9 Referans Kwoze

Ezekiel 2:6

“Balet sika a toon ompatey, ag mo ra tatakotan odino saray ibabaga ra. Sumpaen da ka tan pabaingan da ka; singa kad satan mimiamung ed saray alakdan. Ag mo tatakotan ira man a totoon mananumpa odino saray ibabaga ra.

Isaias 50:7

Balet ag ak nasakitan na saray panamabaing da lapud tutulongan ak na Katawan a Dios. Pinakapal koy lupak pian nitepel ko ra. Amtak ya ag ak napelag ed kababaingan,

Zacarias 7:12

Pinaawet dan singa bato so kapusoan da. Mapalaloy impakapasnuk ko lapud ag ira dinmengel ed saray ganggan kon impaibangat kod saray propitan nambibilay nen saman a panaon.

Jeremias 1:8

Ag ka ontatakot ed sikara, ta wala ak a mangyagel ed sika. Siak, say Katawan, so nansalita!”

Isaias 41:10

Ag kayo natatakot—wala ak ed sikayo! Siak so Dios yo—ag yo aabuloyan a taktakoten kayo na antokaman! Pabiskegen tan tulongan ta kayo; iyagel tan ilaban ta kayo.

1 Timoteo 2:3

Saya et maung tan makapaliket ed Manangilaban tayon Dios,

Mikias 3:8

Balet para siak, say Katawan papanoen to ak na ispiritu to tan say pakayari to. Iitdan to ak na ispiritu na katunongan tan say biskeg na linawan mangibagad saray totood Israel na saray kasalanan da.

Jeremias 17:18

Ipelag mo pad kababaingan iray mamapairap ed siak, balet ipaliis mo ak pa, Katawan. Patakot mo pa ra, balet ag mo ak tataktakoten. Iyakar mo pad sikaray deral tan mekmek mo ra.

Jeremias 1:17

Mamparaan ka, Jeremias; laka, ta ibagam ed sikaray amin ya ingganggan kod sikan salitaen mo. Ag ka la natan ontatakot ed sikara; ta no andi, pagmaliwen ta kan lalon ontakot no wadman ka lad sikara.

Isaias 41:14

Say Katawan kuanto, “Daiset may makapoy kayon Israelita, ag kayo natatakot, tulongan ta kayo. Siak, say masanton Dios na Israel, so mangyaagel ed sikayo.

2 Timoteo 2:6

Say dumaralus a nansagput so walay kanepegan a mangalay onaan ya apag ed ani.

Jeremias 15:20

Diad sarayan totoo pagmaliwen ta kan singa puron gansan padir. Labanan da ka, balet ag da ka natalo. Wala ak a mangyagel ed sika tan mangyarawid sikad kaatapan.

Ezekiel 3:8

Natan gawaen ta kan singa sikara ya anawet so puso tan olo ra.

Ezekiel 3:10

Intuloy na Dios ya inkuan, “Sika a toon ompatey, dengel kan maung tan tandaan moy ibagak ed sika.

Ezekiel 44:6

“Ibagam ed saray mananumpan totood Israel a siak a Katawan a Dios et ag ko la abuloyan iray makapaingungot a gagawaen da.