Ezekiel 3:3 - Maung A Balita Biblia

³ Inkuanto, “Akan mo yan babasaen ya iiter kod sika; panom so eges mo na saya.” Kinan ko, et masamit a singa dilo.

Maung a Balita Biblia

³ Inkuanto, Akan mo yan babasaen ya iiter kod sika; panom so eges mo na saya. Kinan ko, et masamit a singa dilo.

Ezekiel 3:3 Referans Kwoze

Jeremias 15:16

Nansalita kad siak et dinengel koy amin ya imbagam. Kayaryan mo ak, Katawan a Dios a Makapanyarin-amin, kanyan saray salitam pinano ray pusok na gayaga tan liket.

Saray Salmo 119:103

Diad pakataway ko masamsamit iray bilibilin mo; masamsamit ira nen say dilo!

Saray Salmo 19:10

Pampilpilalekan nen say sankaabigan a balituk; masamsamit nen say sankapuroan a dilo.

COLOSAS 3:16

Nepeg a manayam ed puso yo so mayaman a salita nen Cristo. Diad amin a kakabatan mambabangatan tan mansisimbawaan kayo. Mankanta kayo ray salmo, imno, tan maispiritu ran kanta. Diad pankanta yo, misalamat kayod Dios diad puso yo.

Saray Salmo 119:97

Agaylay panangarok ed ganggan mo! Lawas kon dadalepdepen.

Saray Salmo 119:11

Iyootel kod pusok so ganggan mo, pian ag ak mankasalanan ed sika.

Juan 7:38

Onung na ibabagay Masanton Sulat, ‘Siopamay manisiad siak, onagos a manlapud puso to ray sobul na danum a mangiter na bilay.’”

Ezekiel 2:10

Inlokas na samay lima imay babasaen, et anengneng ko a walay sulat ed nantopag. Nisulat diman iray akis na ermen, dageyem, tan sinagem.

Jeremias 20:9

Balet no kuanko, “Lingwanan koy Katawan, tan ag ak la mansalita ed ngaran to,” say salitam ed satan singa apoy ya ondadalang ed pusok; kinmetket la rad saray pokel ko. Gagawaen koy anggaay nayarian kon pokpokan, balet ag ko la nayarian.

Jeremias 6:11

Napno ak na sanuk mo, Katawan, tan naooputan ak lay anos a mamokpok ed sanuk mo.” Insan inkuan na Katawan ed siak, “Idapom so sanuk ko ed saray ogogaw a walad daladalan tan diad pantitiponan da ray tobun-balo. Nadakep iray asawan lalaki tan saray asawan bibii, tan anggan saray mamatakken lan maung.

Say Libro nen Job 23:12

Oonuren ko lawas iray Ganggan na Dios; susumpalen koy linawa to, aliwan say dilin labay ko.

Ezekiel 2:8

“Sika a toon ompatey, dengel moy ibabagak ed sika. Ag ka onsusumpan singa sikara. Sangi ka tan akan moy iter kod sika.”

Ezekiel 3:4

Insan inkuan na Dios, “Sika a toon ompatey, lakad saray totood Israel tan salitam ed sikara so antokaman a paibagak ed sika.

Saray Salmo 19:11

Iitdan to ak ya aripen mo na kakabatan; natutumangan ak diad pangoonur ko.