Ezekiel 3:18 - Maung A Balita Biblia

¹⁸ No ibagak ed sakey a toon maoges ya ompatey balet et ag mo pinasakbayan a mangoman ed bilay to pian nipaliis ed patey, sikakasalanan ya ompatey, balet singilen ta ka lapud impatey to.

Maung a Balita Biblia

¹⁸ No ibagak ed sakey a toon maoges ya ompatey balet et ag mo pinasakbayan a mangoman ed bilay to pian nipaliis ed patey, sikakasalanan ya ompatey, balet singilen ta ka lapud impatey to.

Ezekiel 3:18 Referans Kwoze

Ezekiel 33:6

No nanengneng na managbantay ya ondadago ray kalaban, et ag to paknulen so trumpita, onsabi ed satan iray kalaban tan pateyen da ray makasalanan, balet samay managbantay so natetel tan singilen kod sayan impatey da.

Ezekiel 3:20

“No manggaway kaogsan so sakey a toon peteg a matonung tan ipapasen kod maatap a kipapasen, ompatey no ag mo pasakbayan. Ompatey lapud saray kasalanan to—ag ko nunoten iray kamaungan a ginagawa to—tan singilen ta ka lapud impatey to.

Saray Gawgawa 2:40

Amayamay niy sinalita nen Pedro ed sikara a pamaneknek tod saray imbabaga to, tan insimbawa to, “Paliis kayod saray maoges a totoo ed sayan panaon, pian ag kayo nalanur ed dusan onsabid sikara!”

Lucas 13:5

Andi! Kuankod sikayo a no ag yo benegan iray kasalanan yo, ompatey kayo met ya amin, a singa sikara.”

1 Timoteo 4:16

Asikasom so sikan dili tan say ibabangat mo. Ituloy mon gawaen ira ya, ta diad panggawam ilaban moy sikan dili tan saray ondengel ed sika.

Juan 8:21

Inkuan lamet nen Jesus ed sikara, “Onla ak la et anapen yo ak, balet ompatey kayod saray kasalanan yo. Ag kayo makaonla ed laen ko.”

Ezekiel 18:20

Say nankasalanan sikato so ompatey. Say anak et ag nadusa lapud saray kasalanan na ama to, odino say ama lapud saray kasalanan nen anak to. Natumangan so toon matonung lapud saray kamaungan a gagawaen to, tan nadusa so toon maoges lapud saray kaogsan a gagawaen to.

Juan 8:24

Kanyan imbagak ed sikayon ompatey kayod saray kasalanan yo. Talagan ompatey kayod saray kasalanan yo no ag yo sisiaen a ‘Siak si Siak’.”

Ezekiel 34:10

Ibawag ko a siak a Katawan a Dios so kalaban yo. Ekalen kod sikayo ray karnirok tan ag ta kayo lan balut pampastolen ed sikara; ag ko la iyabuloy a say laman yon dili labat so asikasoen yo. Iyagel kod sikayo iray karnirok tan ag ko iyabuloy a kanen yo ra.

Ezekiel 18:4

Kayaryan ko so bilay na amin a too, say bilay da ray atateng tan say bilay da ray anak. Say toon mankasalanan sikato so ompatey.

Probirbio 14:32

Saray totoon maoges dederalen na saray dilin kaogsan da; balet saray totoon matonung iyaagel ira na dilin kamaungan da.

1 Timoteo 5:22

Ag ka maganat a mangitapew na limam a pangiter mod siopaman na pakayarin mangipangulod kimey ed iglisia. Ag ka mibibiang ed kasalanay arum. Mansiansia kan ag namansaay kasalanan.

Saray Gawgawa 3:19

Kanyan magbabawi kayo la tan pawil kayo lad Dios, pian naponas iray kasalanan yo,

Lucas 13:3

Andi! Kuankod sikayo a no ag yo benegan iray kasalanan yo, ompatey kayo met ya amin, a singa sikara.

Ezekiel 18:13

tan ipapaabang toy kuarta to. Mambilay kasi? Andi, ag mambilay. Ompatey, lapud ginagawa to ray makapaingungot a bengatla. Sikaton dili so natetel ed ipatey to.

Isaias 3:11

Balet pangaskasiyay kipapasen da ray totoon maoges; nagawad sikara so ginagawa rad arum a totoo.

2 Saray Arari 1:4

Ibaga yod ari ya onya so ibabagay Katawan, ‘Ag ka la onabig ed inkasakitan mo; ompatey ka la!’” Sinumpal nen Elias so ingganggan na Katawan,

Genesis 2:17

balet ag ka mamangan na bunga na samay kiew a mangiiter na pakaamta ed maung tan maoges. Ag nepeg a kanen so bunga na saman a kiew; ta no kanen mo, ompatey ka diad agew a pangan mo.”

2 Samuel 4:11

Ag kasi lalon ambelat a dusa so iter ed saray totoon maoges lapud pamatey da ed toon anggapoy kasalanan a naogip ed dilin abung to? Ombawi ak natan ed sikayo lapud impamatey yod sikato, tan paandien ta kayo ed tapew na dalin!”

Saray Bilang 26:65

Imbaga la na Katawan ya ompatey iran amin ed kalawakan likud ed kinen Caleb a lakin anak nen Jefone tan si Josue a lakin anak nen Nun. Inatey iran amin a tua likud ed saramay duara.

Genesis 42:22

Inkuanen Ruben, “Imbagak ed sikayon ag yo didiwiten, et ag yo ak met dinengel. Natan nadudusa itayo, lapud impatey to.”

1 Samuel 8:9

Onur mo ra sirin, balet itdan mo ray mapeget a pasakbay tan ipaliwawam no panoy panoley na ari ed sikara.”

Ezekiel 33:12

“Natan, sika a toon ompatey, ibagam ed saray Israelita a no mankasalanan so matonung a too, ag nilaban na maung iran ginagawa to. No ontondan manggaway kaogsan so toon maoges, ag la nadusa. Balet no mankasalanan so maung a too, ag nipaliis ed patey so bilay to.