Ezekiel 3:12 - Maung A Balita Biblia

¹² Insan intagey ak na ispiritu na Dios, tan nadngel kod nibeneg ko so maksil tan manungol a bosis a kuanto, “Nadayew komun ed tawen so kagalangan na Katawan!”

Maung a Balita Biblia

¹² Insan intagey ak na ispiritu na Dios, tan nadngel kod nibeneg ko so maksil tan manungol a bosis a kuanto, Nadayew komun ed tawen so kagalangan na Katawan!

Ezekiel 3:12 Referans Kwoze

Saray Gawgawa 8:39

Kasakbit da, imbatik na Ispirituy Katawan si Felipe. Ag la anengneng na samay yunuko, tan maliket a linma la.

Ezekiel 8:3

Inyonat toy singa lima, insan to ak siningkat ed buek. Diad sayan pasingayew say ispiritu na Dios inyatagey to ak tan inyakar to ak ed Jerusalem. Inyakar to ak ed dalem na lolooban na puirtad baybay na Timplo a kawalaan na talintaon makapaspasnuk ed Dios.

Ezekiel 11:1

Inyatagey ak na ispiritu na Dios, insan to ak inyakar ed nibokig a puirta na Timplo. Anengneng kod mad abay na puirta iray duamplo tan liman lalaki a pati si Jasanias a lakin anak nen Azur tan si Pelatia a lakin anak nen Benaya, a sikaran duay pangulo na bansa.

Saray Gawgawa 2:2

Kabebekta, nadngel day sakey ya ungol a nanlapud tawen. Singa siplug na maksil a dagem, tan pinano toy intiron abung a kawalaan da.

Ezekiel 3:14

Linmoob ed siak so mabiskeg a pakayari na Katawan, tan diad pangaawit ed siak na ispiritu, akapasnuk ak tan ansakit so linawak.

Puyan 19:6

Kasumpal to ya, nadngel koy singa bosis na amayamay a totoo, a singa ungol na mabiskeg ya onaagos a danum tan dalagorug na karul. Inkuanda, “Idayew yoy Dios! Ta Ari so Katawan, say Makapanyarin-amin a Dios tayo!

Puyan 1:15

Saray sali to singa ra gansan pinoolan ed palbaan insan pinasileng, tan say bosis to singa tanul na mabiskeg ya agos na danum.

Puyan 1:10

Aminsan ya agew na Katawan, niwala ak ed pakayari na Ispiritu tan nadngel kon nibeneg ko so maksil a bosis, a singa tanul na trumpita.

Ezekiel 10:4

Inmatagey a nanlapud saramay pinalsa so kagalangay Katawan, insan dinmere ed lolooban na Timplo. Insan pinano na lorem imay Timplo, tan napno na liwawa imay patio.

Ezekiel 9:3

Insan say kagalangay Dios na Israel inmatagey a nanlapud saray kirubin a kawalaan ton gendat, insan dinmere ed lolooban na Timplo. Say Katawan tinawag to may toon akakawes na linen tan inkuantod sikato,

Ezekiel 2:2

Nen mansasalita may bosis, linmoob ed siak so ispiritu na Dios tan impaalagey to ak, insan ko nadngel nin nansalita imay bosis,

Isaias 6:3

Mantatawagan ira: “Masanto, masanto, masanto! Masanto so Katawan a Makapanyarin-amin! Say sankamundoan napno na kagalangan to.”

Saray Salmo 148:2

Idayew yo, amin yon anghil to, amin yon kabyangay mangatatawen a sondalo.

2 Saray Arari 2:16

tan kuanda, “Limamplo kami dian mabisbiskeg a lalaki. Abuloyan mo kamin onla, ta anapen miy amom. Angangko inyakar ed arawi na ispiritu na Katawan, insan to intilak ed sakey a toktok na palandey, odino diad sakey a patar a pasen.” “Andi, ag kayo oonla,” ebat nen Eliseo.

1 Saray Arari 18:12

Antoy amtak no kataynan ko dia et awiten ka na ispiritu na Katawan ed pasen ya anggapoy mikabat? Insan mo ibagak ed kinen Acab a wadya ka tan ag to ka narumog, pateyen to ak. Nepeg mon nunoten a gagalangen koy Katawan nanlapu lad impanogaw ko.

Ezekiel 3:11

Insan kad satan onla ed saray kaparam a Judio a nibantak ed arum a bansa tan salitam ed sikara so ibabagak ed sikara, siak a Katawan a Dios, dengelen da ka man odino andi.”

Saray Salmo 26:8

Katawan, inarok so abung a panaayaman mo, say pasen a kawalaay kagalangan mo.

Ezekiel 43:4

Samay mankidyam a liwawa et dinmalan ed samay puirtad bokig insan linmoob ed Timplo.

Ezekiel 43:5

Inyatagey ak na ispiritu na Katawan, insan to ak inyakar ed samay patiod dalem, a diay akanengnengan kon napno na kagalangan na Katawan so Timplo.